Basti Ku Chala Campaign: ପୋଲିସ-ଜନତା ସମ୍ପର୍କ ସୁଦୃଢ଼ ପାଇଁ କମିଶନରେଟ୍ ପୋଲିସର ନିଆରା ପ୍ରୟାସ: ଆରମ୍ଭ ହେଲା ବସ୍ତିକୁ ଚାଲ ଅଭିଯାନ

ଭୁବନେଶ୍ୱରସ୍ଥିତ ଜୟଦେବ ଭବନଠାରେ କମିଶନରେଟ୍ ପୋଲିସ ପକ୍ଷରୁ ଏକ ବିଶେଷ କାର୍ଯ୍ୟକ୍ରମ “ବସ୍ତିକୁ ଚାଲ” ର ଶୁଭାରମ୍ଭ କରାଯାଇଛି। ସାଧାରଣ ଜନତାଙ୍କ ସହ ସମ୍ପର୍କକୁ ଅଧିକ ନିବିଡ଼ ଓ ସୁଦୃଢ଼ କରିବା ସହିତ ପୋଲିସ ଓ ସାଧାରଣ ନାଗରିକଙ୍କ ମଧ୍ୟରେ ଆସ୍ଥା ଓ ବିଶ୍ୱାସ ବୃଦ୍ଧି କରିବା ଏହି ଅଭିଯାନର ମୁଖ୍ୟ ଉଦ୍ଦେଶ୍ୟ। ଏହି କାର୍ଯ୍ୟକ୍ରମ ମାଧ୍ୟମରେ ବସ୍ତି ଅଞ୍ଚଳଗୁଡ଼ିକରେ କମ୍ୟୁନିଟି ପୋଲିସିଂ ବ୍ୟବସ୍ଥାକୁ ସକ୍ରିୟ କରାଯିବ। ବସ୍ତିବାସିନ୍ଦାଙ୍କ ବିଭିନ୍ନ ସମସ୍ୟା, ସୁରକ୍ଷା ଓ ଶାନ୍ତି-ଶୃଙ୍ଖଳା ରକ୍ଷା କ୍ଷେତ୍ରରେ ପୋଲିସ ଏବଂ ଜନସାଧାରଣ ମିଳିମିଶି କାର୍ଯ୍ୟ କରିବେ।