Final List for Student Union Polls: ଛାତ୍ର ସଂସଦ ନିର୍ବାଚନ ପାଇଁ ଚୂଡ଼ାନ୍ତ ତାଲିକା ପ୍ରକାଶ, ମୈଦାନରେ ୬,୩୬୨ ପ୍ରାର୍ଥୀ

ଓଡ଼ିଶାରେ ଆଗାମୀ ଛାତ୍ର ସଂସଦ ନିର୍ବାଚନ ପାଇଁ ଉଚ୍ଚଶିକ୍ଷା ବିଭାଗ ଚୂଡ଼ାନ୍ତ ପ୍ରାର୍ଥୀ ତାଲିକା ପ୍ରକାଶ କରିଛି । ରାଜ୍ୟର ୩୪୭ଟି କଲେଜରେ ମୋଟ ୬,୩୬୨ ଜଣ ପ୍ରାର୍ଥୀ ବିଭିନ୍ନ ପଦବୀ ପାଇଁ ନିର୍ବାଚନ ଲଢ଼ିବେ ।

ବିଭାଗର ତଥ୍ୟ ଅନୁଯାୟୀ, ନିର୍ବାଚନ ପାଇଁ ମୋଟ ୮,୩୭୦ଟି ନାମାଙ୍କନପତ୍ର ଦାଖଲ ହୋଇଥିଲା । ସେଥିମଧ୍ୟରୁ ୧,୧୯୬ଟି ନାମାଙ୍କନପତ୍ର ନାକଚ ହୋଇଥିବାବେଳେ ୭,୧୭୪ ଜଣ ପ୍ରାର୍ଥୀ ନିର୍ବାଚନ ଲଢ଼ିବାକୁ ଯୋଗ୍ୟ ବିବେଚିତ ହୋଇଥିଲେ । ଯାଞ୍ଚ ପ୍ରକ୍ରିୟା ପରେ ୪୦୫ ଜଣ ପ୍ରାର୍ଥୀ ନାମାଙ୍କନପତ୍ର ପ୍ରତ୍ୟାହାର କରିଥିଲେ । ଏହାପରେ ଚୂଡ଼ାନ୍ତ ତାଲିକାରେ ୬,୩୬୨ ଜଣ ପ୍ରାର୍ଥୀ ସ୍ଥାନ ପାଇଛନ୍ତି ।

ଚୂଡ଼ାନ୍ତ ପ୍ରାର୍ଥୀ ତାଲିକା ପ୍ରକାଶ ପାଇବା ପରେ ରାଜ୍ୟର ବିଭିନ୍ନ କଲେଜରେ ନିର୍ବାଚନୀ ପ୍ରଚାର ଓ ରାଜନୈତିକ ମାହୋଲ ସରଗରମ ହୋଇଛି । ବିଭିନ୍ନ ପଦବୀ ପାଇଁ ପ୍ରାର୍ଥୀମାନେ ପ୍ରତିଦ୍ୱନ୍ଦ୍ୱିତା କରିବେ ।