ଐତିହାସିକ କଟକ ବାଲିଯାତ୍ରାକୁ ପ୍ଲାଷ୍ଟିକ୍ମୁକ୍ତ ଏବଂ ପରିବେଶ ଅନୁକୂଳ କରିବା ପାଇଁ ଜିଲ୍ଲା ପ୍ରଶାସନ ତରଫରୁ ଏକ ବଡ଼ ଏବଂ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯାଇଛି। ଏଥର ବାଲିଯାତ୍ରାରେ ପ୍ଲାଷ୍ଟିକ୍ ବ୍ୟବହାର ଉପରେ ସମ୍ପୂର୍ଣ୍ଣ କଟକଣା ଜାରି କରାଯାଇଛି । ଏଥି ସହିତ ପ୍ଲାଷ୍ଟିକ୍ ବଦଳରେ ସମସ୍ତ ବ୍ୟବସାୟୀ ଏବଂ ଖାଦ୍ୟ ଷ୍ଟଲ୍ଗୁଡ଼ିକରେ ଶାଳପତ୍ର ଖଲି ଓ ଠୋଲା ବ୍ୟବହାର କରିବା ପାଇଁ ଜିଲ୍ଲାପାଳ ସ୍ପଷ୍ଟ ନିର୍ଦ୍ଦେଶ ଦେଇଛନ୍ତି। ବ୍ୟବସାୟୀମାନଙ୍କ ସୁବିଧା ପାଇଁ ସରକାରଙ୍କ ତରଫରୁ ଅତି ସୁଲଭ ଦରରେ ଶାଳପତ୍ର ଖଲି ଯୋଗାଇ ଦିଆଯିବାର ବ୍ୟବସ୍ଥା ମଧ୍ୟ କରାଯାଇଛି। ଅପରପକ୍ଷରେ, ନିୟମ ଅମାନ୍ୟ କରୁଥିବା ଅସାଧୁ ବ୍ୟବସାୟୀଙ୍କ ପ୍ରତି କୌଣସି କୋହଳ ମନୋଭାବ ଦେଖାଯିବ ନାହିଁ ବୋଲି ପ୍ରଶାସନ ସ୍ପଷ୍ଟ ଚେତାବନୀ ଦେଇଛି। ନିଷେଧାଦେଶ ସତ୍ତ୍ୱେ ପ୍ଲାଷ୍ଟିକ୍ ବ୍ୟବହାର କରୁଥିବା ବ୍ୟକ୍ତିଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ସହ ବାରମ୍ବାର ନିୟମ ଭାଙ୍ଗୁଥିବା ଦୋକାନୀଙ୍କ ଆବଣ୍ଟନକୁ ତୁରନ୍ତ ବାତିଲ୍ କରିବା ପାଇଁ ଅଧିକାରୀମାନଙ୍କୁ ପୂର୍ଣ୍ଣ କ୍ଷମତା ଦିଆଯାଇଛି। ଏହି ବିଶ୍ୱପ୍ରସିଦ୍ଧ ଗଣପର୍ବରେ ଲକ୍ଷ ଲକ୍ଷ ଶ୍ରଦ୍ଧାଳୁ ଓ ପର୍ଯ୍ୟଟକ ସାମିଲ ହେବାକୁ ଥିବାରୁ ମହାନଦୀ କୂଳକୁ ସ୍ୱଚ୍ଛ, ନିର୍ମଳ ଓ ସୁନ୍ଦର ରଖିବାକୁ ଜିଲ୍ଲାପାଳ ସମସ୍ତ ସାଧାରଣ ଜନତା ଏବଂ ବ୍ୟବସାୟୀ ସଂଘକୁ ଆକୁଳ ନିବେଦନ କରିଛନ୍ତି। Post navigation Merchant UPI Fees Deferred Till Post-Diwali: ଦୀପାବଳି ପର୍ଯ୍ୟନ୍ତ ଘୁଞ୍ଚିଲା UPI ମର୍ଚାଣ୍ଟ ଫି’ Odisha Vigilance Nabs Saintala RI: ଭିଜିଲାନ୍ସ ଜାଲରେ ସଇଁତଳା RI
