ଚତୃର୍ଥ ପର୍ଯାୟରେ ରାଜ୍ୟରେ ମୋଟ ମତଦାନ ହାର ୭୪.୪୧%

ଓଡିଶା ଚତୁର୍ଥ ପର୍ଯ୍ୟାୟ ନିର୍ବାଚନରେ ଶାନ୍ତି ଶୃଙ୍ଖଳାର ସହ ୬ ଲୋକସଭା ଆସନ ଓ ୪୨ ବିଧାନସଭା ଆସନରେ ସରିଛି ମତଦାନ । ଇଭିଏମରେ ସିଲ ହେଲା ୬୬ ସାଂସଦ ପ୍ରାର୍ଥୀ ଓ ୩୯୪ ବିଧାୟକ ପ୍ରାର୍ଥୀଙ୍କ ଭାଗ୍ୟ । ଚତୃର୍ଥ ପର୍ଯାୟ ସାଧାରଣ ନିର୍ବାଚନ ଶେଷ ହୋଇଥିବା ବେଳେ ମୋଟ ମତଦାନ ହାର ୭୪.୪୧% ରହିଥିବା ଜଣା ପଡ଼ିଛି।

ପୋଷ୍ଟାଲ ବାଲାଟକୁ ବାଦ ଦେଇ ଏହି ହାର ପ୍ରକାଶ କରିଛନ୍ତି ସିଇଓ। ଏହି ତଥ୍ୟ ଅନୁଯାୟୀ ରାଜ୍ୟରେ ସବୁଠୁ ଅଧିକ ବାଲେଶ୍ବରରେ ୭୬.୭୭% ମତଦାନ ହୋଇଥିବା ବେଳେ ମୟୂରଭଞ୍ଜରେ ୭୫.୭୯% ଓ ଜଗତସିଂହପୁରରେ ୭୫.୪୮% ମତଦାନ ରେକଡ୍ କରାଯାଇଛି ।

ସେହିପରି କେନ୍ଦ୍ରାପଡ଼ାରେ ସବୁଠୁ କମ୍ ୭୧.୨୨% ମତଦାନ ହୋଇଥିବା ବେଳେ ଭଦ୍ରକରେ ୭୩.୨୩% ଓ ଯାଜପୁର ୭୪.୪୭% ମତଦାନ ହୋଇଛି ।