Parking Fee Hiked At Puri: ପୁରୀରେ ୪ ଚକିଆ ଗାଡ଼ିର ପାର୍କିଂ ଫି ବୃଦ୍ଧି

ପୁରୀରେ ବୃଦ୍ଧି ହେଲା ପାର୍କିଂ ଫି । ୪ ଚକିଆ ଗାଡ଼ିର ପାର୍କିଂ ଫି ବୃଦ୍ଧି ହୋଇଛି ।  ଭକ୍ତ ନିବାସରେ ପାର୍କିଂ ଫି ୫୦୦ ଟଙ୍କା ବୃଦ୍ଧି ହୋଇଛି । ୨୪ ଘଣ୍ଟା ପାଇଁ ଚାରି ଚକିଆ ଯାନ ପିଛା ୫ ଶହ ଟଙ୍କା ଆଦାୟ କରାଯିବ । ଏଥିରେ ୧୮ ପ୍ରତିଶତ ଜିଏସଟି ରହିଛି।

ଶ୍ରୀମନ୍ଦିର ପ୍ରଶାସନ ଦ୍ୱାରା ପରିଚାଳିତ ଚାରୋଟି ଭକ୍ତ ନିବାସ ମଧ୍ୟରୁ ଯେକୌଣସି ସ୍ଥାନରେ ଚାରିଚକିଆ ଯାନ ପାର୍କିଂ କରୁଥିବା ଭକ୍ତମାନଙ୍କୁ ୨୪ ଘଣ୍ଟା ପାଇ ଗାଡ଼ି ପାର୍କିଂ ପାଇଁ ସଂଶୋଧିତ ମୂଲ୍ୟ ଦେବାକୁ ପଡିବ। ବର୍ଦ୍ଧିତ ପାର୍କିଂ ଶୁଳ୍କ ଗୁଣ୍ଡିଚା ଭକ୍ତ ନିବାସ, ନୀଳାଦ୍ରି ଭକ୍ତ ନିବାସ, ପୁରୁଷୋତ୍ତମ ଭକ୍ତ ନିବାସ ଏବଂ ନୀଳାଚଳ ଭକ୍ତ ନିବାସରେ ପ୍ରଯୁଜ୍ୟ ହେବ ବୋଲି ସୂଚନା ମିଳିଛି।

ସୂଚନା ଯୋଗ୍ୟ; ପୁରୀର ଶ୍ରୀ ଜଗନ୍ନାଥ ମନ୍ଦିର ପ୍ରଶାସନ (SJTA) ଏହାର ଭକ୍ତ ନିବାସ ସୁବିଧାରେ ପାର୍କିଂ ଶୁଳ୍କକୁ ସଂଶୋଧନ କରିଛି, ଚାରିଚକିଆ ଯାନ ପାଇଁ ୨୪ ଘଣ୍ଟା ପାଇଁ ୫୦୦ ଟଙ୍କା ଶୁଳ୍କ ବୃଦ୍ଧି କରିଛି, ଯେଉଁଥିରେ ୧୮ ପ୍ରତିଶତ GST ଅନ୍ତର୍ଭୁକ୍ତ ରହିଛି।

ଭକ୍ତ ନିବାସର ଦାୟିତ୍ୱରେ ଥିବା ସହକାରୀ ପରିଚାଳକମାନେ ପରବର୍ତ୍ତୀ ନିର୍ଦ୍ଦେଶ ପର୍ଯ୍ୟନ୍ତ ବର୍ଦ୍ଧିତ ପାର୍କିଂ ଫି ଆଦାୟ କରିବେ ବୋଲି ମନ୍ଦିର ପ୍ରଶାସନ ଦ୍ୱାରା ଜାରି ଏକ ବିଜ୍ଞପ୍ତିରେ କୁହାଯାଇଛି। ଶ୍ରୀ ଜଗନ୍ନାଥ ମନ୍ଦିର ପ୍ରଶାସନର ମୁଖ୍ୟ ପ୍ରଶାସକଙ୍କ ଦ୍ୱାରା ଏହି ନିର୍ଦ୍ଦେଶ ଜାରି କରାଯାଇଛି।