ଆଜି ରାଜ୍ୟର ପ୍ରଥମ କଲରାପତରିଆ ବାଘ ଗଣନା ରିପୋର୍ଟ ପ୍ରକାଶ ପାଇଛି । ପ୍ରକାଶିତ ପ୍ରଥମ ଚିତାବାଘ ଜନଗଣନା ରିପୋର୍ଟରୁ ଜଣାପଡିଛି ଯେ ଓଡିଶାରେ ୬୯୬ ଟି କଲରାପତରିଆ ବାଘ ରହିଛି। ଏହି ବାଘ ଗଣନା ଓଡିଶା ବନ ବିଭାଗ ଦ୍ୱାରା ନିରପେକ୍ଷ ଭାବରେ କରାଯାଇଥିଲା। ଟ୍ରାପ କ୍ୟାମେରା ଦ୍ଵାରା ବାଘ ଗଣନା ହୋଇଛି । ଜାତୀୟ ବାଘ ସଂରକ୍ଷଣ ପ୍ରାଧିକରଣ (NTCA) ଦ୍ୱାରା ପ୍ରକାଶିତ ଏକ ରିପୋର୍ଟ ଅନୁଯାୟୀ, ୨୦୧୮ ରେ, ଓଡିଶାରେ କଲରାପତରିଆ ବାଘ ଚିହ୍ନଟ ହୋଇଥିଲେ । ସେହିପରି ୨୦୨୨ରେ ଓଡିଶାରେ ୫୬୮ କଲରାପତରିଆ ବାଘ ଚିହ୍ନଟ ହୋଇଥିବା ବେଳେ ଏବେ ଏହାର ସଂଖ୍ୟା ୬୯୬କୁ ବୃଦ୍ଧି ହୋଇଛି । ବନ୍ୟପ୍ରାଣୀ ସପ୍ତାହ ପାଳନ ଅବସରରେ ଏ ନେଇ ସୂଚନା ଦେଇଛନ୍ତି ପିସିସିଏଫ୍ ସୁଶାନ୍ତ ନନ୍ଦ । ସେ କହିଛନ୍ତି ସାମ୍ପ୍ରତିକ କଲରାପତରିଆ ବାଘ ଗଣନା ସମୟରେ କ୍ୟାମେରା ଟ୍ରାପ ବ୍ୟବହାର କରାଯାଇଥିଲା | ବିଭିନ୍ନ ଜଙ୍ଗଲ ଅଞ୍ଚଳରେ ରଖାଯାଇଥିବା ୨୮୪ ଟି କ୍ୟାମେରା ଏବଂ ଫଟୋଗ୍ରାଫ୍, ପଗ୍ ମାର୍କ ଏବଂ ଅନ୍ୟାନ୍ୟ ଟ୍ରାକିଂ ପଦ୍ଧତିକୁ ବିଶ୍ଳେଷଣ କରି ଜନଗଣନା କରାଯାଇଥିଲା। Post navigation ପୋଲିସ ସେବାରୁ ବରଖାସ୍ତ ହେଲେ ସ୍ବର୍ଗତ ନବ ଦାସଙ୍କ ବ୍ୟକ୍ତିଗତ ସୁରକ୍ଷା ଅଧିକାରୀ ମିତ୍ରଭାନୁ ଯାଜପୁରରେ ହେବନାହିଁ ଉପନିର୍ବାଚନ; ସ୍ପଷ୍ଟ କଲେ ବିଧାୟିକା ସୁଜାତା ସାହୁ
