ରାଜ୍ୟରେ ସାମ୍ପ୍ରତିକ ବନ୍ୟା ପରିସ୍ଥିତି ଜଟିଳ ହେବାରେ ଲାଗିଥିବା ବେଳେ ପ୍ରଭାବିତ ଲୋକଙ୍କ ନିକଟରେ ଜରୁରୀ ସହାୟତା ଓ ରିଲିଫ୍ ପହଞ୍ଚାଇବା ପାଇଁ ସରକାରୀ ସ୍ତରରେ ବ୍ୟାପକ ପଦକ୍ଷେପ ଗ୍ରହଣ କରାଯାଉଛି। ଏହି ସଙ୍କଟଜନକ ସମୟରେ ରାଜ୍ୟ ସରକାରଙ୍କ ପ୍ରଚେଷ୍ଟାକୁ ଅଧିକ ମଜବୁତ କରିବା ପାଇଁ ଅଗ୍ରଣୀ ଶିଳ୍ପ ସଂସ୍ଥା ଇଣ୍ଡିଆନ୍ ମେଟାଲ୍ସ ଆଣ୍ଡ ଫେରୋ ଆଲୋଏଜ୍ ଲିମିଟେଡ୍ (IMFA) ସହାୟତାର ହାତ ବଢ଼ାଇଛି। ସଙ୍କଟ ସମୟରେ ବନ୍ୟା ବିପନ୍ନଙ୍କୁ ସାହାଯ୍ୟ କରିବା ତଥା ସେମାନଙ୍କ ପ୍ରତି ସମର୍ଥନ ଜଣାଇବା ଉଦ୍ଦେଶ୍ୟରେ ଇମ୍ଫା ଗ୍ରୁପ୍ ପକ୍ଷରୁ ମୁଖ୍ୟମନ୍ତ୍ରୀଙ୍କ ରିଲିଫ୍ ପାଣ୍ଠିକୁ ୧ କୋଟି ଟଙ୍କାର ସହାୟତା ରାଶି ଦାନ କରାଯାଇଛି। ଆଜି ଲୋକସେବା ଭବନଠାରେ ଇମ୍ଫା ଗ୍ରୁପର ପରିଚାଳନା ନିର୍ଦ୍ଦେଶକ ଶୁଭ୍ରକାନ୍ତ ପଣ୍ଡା ମାନ୍ୟବର ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କୁ ଭେଟି ଏହି ୧ କୋଟି ଟଙ୍କାର ଚେକ୍ ହସ୍ତାନ୍ତର କରିଛନ୍ତି। ବନ୍ୟା ବିପନ୍ନଙ୍କ ସାହାଯ୍ୟାର୍ଥେ କମ୍ପାନୀ ପକ୍ଷରୁ ଏହି ପଦକ୍ଷେପ ନିଆଯାଇଥିବା ନେଇ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ସୂଚନା ଦିଆଯାଇଛି। ସୂଚନାଯୋଗ୍ୟ, ରାଜ୍ୟରେ ବନ୍ୟା ଯୋଗୁଁ ଅନେକ ଅଞ୍ଚଳ ଜଳମଗ୍ନ ହୋଇଥିବା ବେଳେ ବହୁ ପରିବାର ପ୍ରଭାବିତ ହୋଇଛନ୍ତି। ଏହି ସଙ୍କଟଜନକ ସମୟରେ ଇମ୍ଫାର ଏହି ସହାୟତା ବନ୍ୟା ପ୍ରପୀଡ଼ିତଙ୍କ ପାଇଁ ବେଶ୍ ସହାୟକ ହେବ। ଅନ୍ୟପଟେ ବିପତ୍ତି ସମୟରେ ଜନସାଧାରଣଙ୍କ ସେବା କରିବା ଓ ରାଜ୍ୟର ଜନକଲ୍ୟାଣକାରୀ ଯୋଜନାଗୁଡ଼ିକରେ ସହଯୋଗ କରିବା ଇମ୍ଫାର ପ୍ରାଥମିକତା ବୋଲି ସଂସ୍ଥା ପକ୍ଷରୁ କୁହାଯାଇଛି। ବିପଦ ବେଳେ ବ୍ୟକ୍ତିଗତ ଓ କର୍ପୋରେଟ୍ ସଂସ୍ଥାଗୁଡ଼ିକର ମିଳିତ ଉଦ୍ୟମ ସରକାରୀ ବ୍ୟବସ୍ଥାକୁ ଅଧିକ କ୍ରିୟାଶୀଳ କରିଥାଏ। ମୁଖ୍ୟମନ୍ତ୍ରୀଙ୍କ ରିଲିଫ୍ ପାଣ୍ଠି ମାଧ୍ୟମରେ ଏହି ଅର୍ଥ ବିପନ୍ନ ଅଞ୍ଚଳର ପୁନରୁଦ୍ଧାର, ଜରୁରୀ ସାମଗ୍ରୀ ବଣ୍ଟନ ଓ ଆବଶ୍ୟକ କରୁଥିବା ବର୍ଗଙ୍କ ପାଖରେ ସଠିକ୍ ସମୟରେ ପହଞ୍ଚାଯାଇପାରିବ। ଇମ୍ଫା ଗ୍ରୁପ୍ର ଏହି ମହତ୍ ପଦକ୍ଷେପକୁ ବିଭିନ୍ନ ମହଲରେ ଉଚ୍ଚ ପ୍ରଶଂସା କରାଯାଇଛି। Post navigation Low-Pressure Area Likely to Form Over BoB; Odisha to Witness Rainfall from Tomorrow कांग्रेस ने देश के विभाजन की नींव डाली, वंदे मातरम विवाद पर अमित शाह का बड़ा बयान
