ଅନିୟମିତ ପାର୍କିଂ ରୋକିବାକୁ କମିଶନରେଟ୍ ପୋଲିସର ଗୁରୁତ୍ୱପୂର୍ଣ୍ଣ ପଦକ୍ଷେପ । ପ୍ରମୁଖ ରାସ୍ତାରେ ଅନିୟମିତ ପାର୍କିଂ ଯୋଗୁଁ ଯାତାୟାତରେ ସମସ୍ୟା ହେଉଥିବାରୁ ଓଡ଼ିଶା ଅର୍ବାନ ପୋଲିସ (OUP) ଆଇନ ଅନୁଯାୟୀ କଟକଣା ଜାରି କରାଯାଇଛି । ରାଜମହଲରୁ ଜୟଦେବ ବିହାର ଦେଇ କଳାରାହାଙ୍ଗ ପର୍ଯ୍ୟନ୍ତ ପାର୍କିଂ ମନା ହୋଇଥିବାବେଳେ ଏୟାରପୋର୍ଟରୁ ଆଚାର୍ଯ୍ୟ ବିହାର ଛକ ଦେଇ ନାଲ୍କୋ ଛକ ପର୍ଯ୍ୟନ୍ତ ପାର୍କିଂ ମନା ହୋଇଛି । ଅନିୟମିତ ପାର୍କିଂ ଯୋଗୁଁ ବ୍ୟାପକ ଭିଡ଼ ହେଉଥିବାରୁ ଯାନବାହାନ ଚଳାଚଳରେ ବାଧା ସୃଷ୍ଟି ହେଉଛି ଏବଂ ଯାତ୍ରୀଙ୍କ ସୁରକ୍ଷା ପ୍ରତି ବିପଦ ସୃଷ୍ଟି ହେଉଛି । ତେଣୁ ଭୁବନେଶ୍ୱରରେ ସୁଗମ ଟ୍ରାଫିକ୍ ଗତିବିଧି ଏବଂ ଯାତ୍ରୀ ସୁରକ୍ଷା ବୃଦ୍ଧି ପାଇଁ ପାର୍କିଂ ନିୟନ୍ତ୍ରଣ କରିବା ଆବଶ୍ୟକ ବୋଲି ପୋଲିସ କମିଶନର ସୁରେଶ ଦେବଦତ୍ତ ସିଂହଙ୍କ ଦ୍ୱାରା ଜାରି କରାଯାଇଥିବା ଏକ ବିଜ୍ଞପ୍ତିରେ ପ୍ରକାଶ କରାଯାଇଛି । ନିମ୍ନଲିଖିତ ରାସ୍ତା ଉପରେ ପ୍ରତିବନ୍ଧକ: 1. ରାଜଭବନ ଛକରୁ ଜୟଦେବ ବିହାର ଦେଇ କଳାରାହାଙ୍ଗା ଛକ 2. ବିମାନବନ୍ଦରରୁ ଆଚାର୍ଯ୍ୟ ବିହାର ଦେଇ ନାଲକୋ ଛକ 3. ଶିଶୁଭବନ ଛକରୁ ରାଜମହଲ ଛକ ଏବଂ ମାଷ୍ଟର କ୍ୟାଣ୍ଟିନ୍ ଛକ ଦେଇ ବାଣୀବିହାର ଛକ 4. ରସୁଲଗଡ଼ ଛକରୁ ଜୟଦେବ ବିହାର 5. ଶ୍ରୀୟା ଛକରୁ ପିଏଚଡି ଅଫିସ 6. ବାପୁଜୀ ନଗର 7. IDBI ବ୍ୟାଙ୍କ ଛକରୁ ଏମ୍ପାୟାର ହୋଟେଲ ଦେଇ NH-16 8. ଆଲୋକ ଭାରତୀ କୋଠାରୁ ସହୀଦ ନଗର ଦୁର୍ଗା ପୂଜା ମଣ୍ଡପକୁ ଜନପଥ ରୋଡ଼ 9. ସ୍ପର୍ଶ ହସ୍ପିଟାଲ ଦେଇ ଜନପଥ (କଲ୍ୟାଣ ଜୁଏଲର୍ସ) ଠାରୁ ଚରକ ମେଡିକାଲ ଷ୍ଟୋର 10. ଜନପଥର ତୃପ୍ତି ସର୍ଭିସ ଷ୍ଟେସନରୁ ସହୀଦ ନଗର ପ୍ରବେଶ ସ୍ଥାନ Post navigation OTET-2025: ୨୭ ପର୍ଯ୍ୟନ୍ତ ବଢ଼ିଲା ଓଟିଇଟି ଆବେଦନ ଅବଧି CM’s Grievance Hearing: ସାଧାରଣ ଜନତାଙ୍କ ଅଭିଯୋଗ ଶୁଣିଲେ ମୁଖ୍ୟମନ୍ତ୍ରୀ
