Congress Holds Parivartan Rally: ରାଜଧାନୀରେ ଇଣ୍ଡି ମେଣ୍ଟର ବିଶାଳ ‘ପରିବର୍ତ୍ତନ ରାଲି’: ୩ଟି ପ୍ରମୁଖ ଦାବି ନେଇ ସରକାରଙ୍କୁ ଘେରିଲେ ବିରୋଧୀ

ରାଜଧାନୀ ଭୁବନେଶ୍ୱରର ଲୋୟର ପିଏମଜିରେ ଆଜି ଇଣ୍ଡି ମେଣ୍ଟ ପକ୍ଷରୁ ଏକ ବିଶାଳ ‘ପରିବର୍ତ୍ତନ ରାଲି’ ଆୟୋଜିତ ହୋଇଯାଇଛି। କଂଗ୍ରେସ ନେତୃତ୍ୱରେ ଆୟୋଜିତ ଏହି ରାଲିରେ ହଜାର ହଜାର କର୍ମୀ ଓ ନେତା ଏକାଠି ହୋଇ ସରକାରଙ୍କ ବିରୋଧରେ ଜୋରଦାର ନାରାବାଜୀ କରିଛନ୍ତି। ଏହି ଆନ୍ଦୋଳନରେ  ଦଳଗୁଡ଼ିକର ଶତାଧିକ ନେତା ଓ କର୍ମୀ ଏକାଠି ହୋଇ ତିନୋଟି ମୁଖ୍ୟ ଦାବି ଉପରେ ଜୋରଦାର ସ୍ୱର ଉତ୍ତୋଳନ କରିଛନ୍ତି।

ମୁଖ୍ୟ ନିର୍ବାଚନ ଆୟୋଗ ଜ୍ଞାନେଶ କୁମାରଙ୍କ ତୁରନ୍ତ ଇସ୍ତଫା, ବିବାଦୀୟ MMDR ସଂଶୋଧନ ବିଲ୍‌ର ପ୍ରତ୍ୟାହାର ଏବଂ ପାଠ୍ୟପୁସ୍ତକରେ ଦେଖାଦେଇଥିବା ଗୁରୁତର ତ୍ରୁଟି ପ୍ରସଙ୍ଗରେ ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ନିତ୍ୟାନନ୍ଦ ଗୋଣ୍ଡଙ୍କ ଇସ୍ତଫା ଦାବି କରି ମେଣ୍ଟର ନେତାମାନେ ରାଜପଥରେ ଗର୍ଜନ କରିଛନ୍ତି।

ହାତରେ ବ୍ୟାନର ଓ ପତାକା ଧରି କେନ୍ଦ୍ର ଓ ରାଜ୍ୟ ସରକାରଙ୍କ ବିରୋଧରେ ନାରାବାଜି କରିବା ସହ, ସାଧାରଣ ଲୋକଙ୍କ ସ୍ୱାର୍ଥ, ଶିକ୍ଷା ବ୍ୟବସ୍ଥାରେ ସୁଧାର ଏବଂ ରାଜ୍ୟର ଖଣି ସମ୍ପଦର ସୁରକ୍ଷା ପାଇଁ ଏହି ଲଢ଼େଇ ଆଗାମୀ ଦିନରେ ଆହୁରି ତୀବ୍ର ହେବ ବୋଲି ମେଣ୍ଟର ନେତାମାନେ ଚେତାବନୀ ଦେଇଛନ୍ତି।