ନଗର ଉନ୍ନୟନ ବିଭାଗ ସଚିବ ଭାବେ ଉଷା ପାଢ଼ୀଙ୍କ ଦାୟିତ୍ୱ ଗ୍ରହଣ

ଗୃହ ନିର୍ମାଣ ଓ ନଗର ଉନ୍ନୟନ ବିଭାଗର ପ୍ରମୁଖ ସଚିବ ଭାବେ ଆଜି ଦାୟିତ୍ୱ ଗ୍ରହଣ କରିଛନ୍ତି ଶ୍ରୀମତୀ ଉଷା ପାଢ଼ୀ। ଦାୟିତ୍ୱ ଗ୍ରହଣ ପରେ ସେ ବିଭାଗୀୟ ବରିଷ୍ଠ ଅଧିକାରୀଙ୍କ ସହ ଏହାର ଭବିଷ୍ୟତ ଦୃଷ୍ଟିକୋଣ ନେଇ ଆଲୋଚନା କରିଥିଲେ ।

ଆଲୋଚନା ବେଳେ ଶ୍ରୀମତୀ ପାଢ଼ୀ ଦେଶବ୍ୟାପୀ ବିଭାଗର ସମ୍ମାନଜନକ ପ୍ରତିଷ୍ଠା ଉପରେ ଆଲୋକପାତ କରିବା ସହ ଆଗକୁ ଯିବାର ଏକ ସ୍ପଷ୍ଟ ମାର୍ଗ ଦର୍ଶାଇଥିଲେ। ଦଳଗତ କାର୍ଯ୍ୟ ଉପରେ ଗୁରୁତ୍ୱାରୋପ କରି କହିଥିଲେ ଯେ ବିଭାଗ ବ୍ୟକ୍ତିଗତ ପ୍ରୟାସଠାରୁ ଦୂରେଇ ଯାଇ “ଟିମ୍ ଅର୍ବାନ” ଭାବରେ ମିଳିତ ଭାବରେ କାର୍ଯ୍ୟ କରିବା ଉଚିତ। ଶ୍ରୀମତୀ ପାଢ଼ୀ କହିଛନ୍ତି ଯେ, ଆମ ବିଭାଗ ଯେଉଁ ସୁନାମ ଅର୍ଜନ କରିଛି ତାହାକୁ ଆଗକୁ ବଢ଼ାଇବା ପାଇଁ ଆମେ ଆମ ଦଳର ସାମୂହିକ ଶକ୍ତିକୁ ଉପଯୋଗ କରିବା ଜରୁରୀ।