କୋଟିଆକୁ ନେଇ ପୁଣି ଓଡ଼ିଶା ଓ ଆନ୍ଧ୍ରପ୍ରଦେଶ ମଧ୍ୟରେ ଉତ୍ତେଜନା ଦେଖାଦେଇଛି । କୋଟିଆ ଅଞ୍ଚଳରେ ଆନ୍ଧ୍ର ପୋଲିସ ପାଟ୍ରୋଲିଂ କରୁଥିବା ବେଳେ ଓଡ଼ିଶା ପୋଲିସ ସେମାନଙ୍କୁ ଅଟକାଇଥିବା ସୂଚନା ମିଳିଛି । ଏହାକୁ ନେଇ ଉଭୟ ରାଜ୍ୟର ପୋଲିସ ମଧ୍ୟରେ କିଛି ସମୟ ପାଇଁ ମୁହାଁମୁହିଁ ପରିସ୍ଥିତି ସୃଷ୍ଟି ହୋଇଥିଲା । ସୂଚନା ଅନୁଯାୟୀ, ଆନ୍ଧ୍ର ପୋଲିସ କୋଟିଆ ଅଞ୍ଚଳରେ ପାଟ୍ରୋଲିଂ କରୁଥିବା ସମୟରେ ଓଡ଼ିଶା ପୋଲିସ ସେମାନଙ୍କୁ ମାଡ଼କାର ଠାରେ ଅଟକାଇଥିଲା । ଏହାପରେ ଉଭୟ ପକ୍ଷ ମଧ୍ୟରେ କିଛି ସମୟ ଧରି ଉଚ୍ଚବାଚ ହୋଇଥିଲା । ପରିସ୍ଥିତିକୁ ନେଇ ଉତ୍ତେଜନା ବଢ଼ିଥିବା ବେଳେ ଶେଷରେ ଆନ୍ଧ୍ର ପୋଲିସ ଫେରିଯାଇଥିବା ସୂଚନା ମିଳିଛି । କୋଟିଆକୁ ନେଇ ଦୁଇ ରାଜ୍ୟ ମଧ୍ୟରେ ଦୀର୍ଘଦିନ ଧରି ବିବାଦ ଲାଗିରହିଛି । ଏହି ପରିପ୍ରେକ୍ଷୀରେ ଅଞ୍ଚଳରେ ଦୁଇ ରାଜ୍ୟର ପୋଲିସ ମୁହାଁମୁହିଁ ହେବା ଘଟଣା ପୁଣି ଥରେ ସୀମା ବିବାଦକୁ ଚର୍ଚ୍ଚାକୁ ଆଣିଛି । ତେବେ ଘଟଣା ସମ୍ପର୍କରେ ଉଭୟ ରାଜ୍ୟର ପୋଲିସ ପକ୍ଷରୁ ଆନୁଷ୍ଠାନିକ ବିବୃତି ମିଳିବା ପରେ ଅଧିକ ତଥ୍ୟ ସ୍ପଷ୍ଟ ହୋଇପାରିବ । Post navigation Cyclone Arnab: ସମ୍ଭାବ୍ୟ ବାତ୍ୟା ‘ଅର୍ଣ୍ଣବ’କୁ ନେଇ ବଢ଼ିଲା ଚିନ୍ତା, ଆଗୁଆ ପ୍ରସ୍ତୁତି ଜୋରଦାର Kumar Purnima & Gajalaxmi Puja: ଆଜି ହେଉଛି ଗଜଲକ୍ଷ୍ମୀ ପୂଜା ଓ କୁମାର ପୂର୍ଣ୍ଣିମା; ଉତ୍ସବମୁଖର ସାରା ଓଡିଶା
