ଯାଜପୁରର ପୂର୍ବତନ ବିଧାୟକ ପ୍ରଣବ ପ୍ରକାଶ ଦାସଙ୍କ ଘରେ ଶ୍ରୀମନ୍ଦିର ଖଣ୍ଡୋଲାଇଟ୍ ପଥର ବ୍ୟବହାର ଅଭିଯୋଗ ଆସିବା ପରେ ମୁହଁ ଖୋଲିଛନ୍ତି ବବିଙ୍କ ପରିବାର । ପ୍ରେସମିଟ୍ରେ ଅଭିଯୋଗକୁ ମିଛ ବୋଲି କହିଛନ୍ତି ବବିଙ୍କ ଦାଦା ଯଯାତି କେଶରୀ । ତାଙ୍କ ଘରେ ଲାଗିଥିବା ପଥର ଖଣ୍ଡୋଲାଇଟ୍ ନୁହଁ କି ଜଗନ୍ନାଥ ପରିକ୍ରମା ପ୍ରକଳ୍ପର ପଥର ନୁହେଁ ବୋଲି ବବିଙ୍କ ଦାଦା ପ୍ରତିକ୍ରିୟା ରଖିଛନ୍ତି । ଘର ନିର୍ମାଣ ପାଇଁ ରାଜସ୍ଥାନର ଯୋଧପୁରରୁ ପଥର ଆସିଛି ବୋଲି ସେ କହିଛନ୍ତି । ସେ ଘର କେବଳ ବବି ଦାସଙ୍କ ନୁହେଁ ଜେଜେଙ୍କ ସମେତ ପରିବାରର ଭାଗ ରହିଥିବା ସେ କହିଛନ୍ତି । ବବିଙ୍କ ନାଁରେ ହୀନ ରାଜନୀତି କରାଯାଉଥିବା ସେ ଅଭିଯୋଗ କରିଛନ୍ତି । ରାଜନୈତିକ ଉଦ୍ଦେଶ୍ୟ ରଖି ପରିବାରକୁ ଟାର୍ଗେଟ କରାଯାଉଛି । ଆବଶ୍ୟକ ପଡ଼ିଲେ ପରିବାର ଆଇନଗତ ସହାୟତା ନେବ ବୋଲି ସେ କହିଛନ୍ତି । ଗତକାଲି, ଶ୍ରୀଜଗନ୍ନାଥ ମନ୍ଦିର ପରିକ୍ରମା ପ୍ରକଳ୍ପରୁ ଖାଣ୍ଡେଲାଇଟ୍ ପଥର ଓ ସ୍ୟାଣ୍ଡ ଷ୍ଟୋନ ଚୋରି କରି ନିଜ ଘର ନିର୍ମାଣ କରିଛନ୍ତି ବୋଲି ଶ୍ରୀଜଗନ୍ନାଥ ସେନା, ଶ୍ରୀମନ୍ଦିର ସିଂହଦ୍ୱାର ଦ୍ୱାର ଥାନାରେ ଏତଲା ଦେଇଥିଲା । Post navigation Sijimali Mining Issue: ସିଜିମାଳି ପ୍ରସଙ୍ଗରେ ଜୁଏଲ ଓରାମଙ୍କ ହସ୍ତକ୍ଷେପ ଲୋଡ଼ିଲେ ସାଂସଦ ସସ୍ମିତ ପାତ୍ର ICC in Higher Education Institutes: ସପ୍ତାହେ ଭିତରେ ସବୁ କଲେଜରେ ICC ଗଠନ ପାଇଁ ନିର୍ଦ୍ଦେଶ
