ମୋ ପରିବାର କଥା ମୁଁ ବାହାରେ କହିବି ନାହିଁ – ଶ୍ରୀମୟୀ ମିଶ୍ର

ବିଜେଡି ଦଳ କନ୍ଦଳକୁ ନେଇ ଶ୍ରୀମୟୀ ମିଶ୍ର ପ୍ରତିକ୍ରିୟା ଦେଇ କହିଛନ୍ତି ଆଜି ଗାନ୍ଧୀ ଜୟନ୍ତୀ । ମହାତ୍ମା ଗାନ୍ଧୀ ସବୁ ବେଳେ କହୁଥିଲେ ଏ ଦେଶ ସେ ଦିନ ସ୍ବାଧୀନ ହେବ ଯେଉଁଦିନ ଗୋଟେ ନାରୀ ସ୍ବାଧୀନ ଭାବରେ ରାତିରେ ସୁରକ୍ଷିତ ଭାବେ ଯିବା ଆସିବା କରିପାରିବା । ଯୁଗେଯୁଗେ ଲେଖା ଅଛି ଯେଉଁମାନେ ମହିଳାଙ୍କୁ ଅସମ୍ମାନ ଯେଉଁଠି ବି କରିଛନ୍ତି ତାର ଫଳ ସେ ନିଶ୍ଚିତ ପାଇଛନ୍ତି । ସେଟା ପୁରାଣ, ଇତିହାସରେ ଲେଖା ଅଛି ଏବଂ ଆପଣ ବି ଦୈନଦିନ ଜୀବନରେ ତା’ର ଉଦାହରଣ ଦେଖୁଥିବେ । କିନ୍ତୁ ଆମ ଦଳରେ ଯାହା ହୋଇଛି ତାହା ଆମ ଦଳର ଆଭ୍ୟନ୍ତରୀଣ ବ୍ୟାପାର । ତାହା ଆମ ଦଳର ସମୀକ୍ଷା ବୈଠକ ଥିଲା । ସମୀକ୍ଷା ବୈଠକରେ ଯେଉଁମାନେ ନେତୃ ମଣ୍ଡଳୀମାନେ ଥିଲେ ସେମାନେ ତାର ତର୍ଜମା ବିଶ୍ଲେଷଣ କରିବେ । ଗଣମାଧ୍ୟମରେ ମୁ ଯଦି କିଛି କହିବା ତାହା କେବେ ହେଲେ ଏକ ଶୃଙ୍ଖଳିତ କର୍ମୀର ପରିଚୟ ନୁହେଁ । ଏବଂ କହିବା ଲୋକ କେବେ ବି ବଡ଼ ନୁହେଁ ମୁଁ ସବୁ ବେଳେ ଭାବେ ସହିବା ଲୋକଟି ସବୁ ବେଳେ ବଡ଼ ହୋଇଥାଏ। ବୈଠକରେ କଣ ହେଇଛି ମୁ କୌଣସି ବିଶ୍ଲେଷଣ କରିବି ନାହିଁ । ଆଉ ମୁଁ ସବୁବେଳେ ନବୀନ ପଟ୍ଟନାୟକ ଓ ଦଳ ସହ ରହିଛି ଆଉ ମଧ୍ୟ ରହିବି ।

ଶ୍ରୀମୟୀ ଆଉ ମଧ୍ୟ କହିଛନ୍ତି ପ୍ରଦୀପ ସାହୁ ମୋର ବଡ଼ ଭାଇ । ନିର୍ବାଚନ ବେଳେ ମୋତେ ସେ ବହୁତ ସହଯୋଗ କରିଛନ୍ତି । କାହାର କେଉଁଠି ମତାନ୍ତର ମନାନ୍ତର ରହିଛି ସେଇଟା ଦଳର ସଭାପତି ନିଷ୍ପତ୍ତି ନେବେ । ସେ ବିଷୟରେ ନିଷ୍ପତ୍ତି ଦେବା ଓ କୌଣସି ଟିପଣି ଦେବା ମୋର କୌଣସି ଅଧିକାର ନାହିଁ । ଏବଂ ଆମ ଦଳ ରେ କଣ ହେଉଛି ମିଡ଼ିଆରେ ମୁଁ କହିବି ନାହିଁ । ମୋ ପରିବାର କଥା ମୁଁ ବାହାରେ କହିବି ନାହିଁ ।

ଏହାପରେ ଶଙ୍ଖଭବନ କଥା କଟାକଟି ଘଟଣାରେ ପ୍ରତିକ୍ରିୟା ଦେଇ ଦେବୀ ମିଶ୍ର କହିଛନ୍ତି ଖୋର୍ଦ୍ଧା ଜିଲ୍ଲା ବୈଠକରେ ସେଭଳି କିଛି ହୋଇନି । ଯେତେବେଳେ ଆମେ ସମୀକ୍ଷା କରୁଛୁ ବା ଆଲୋଚନା କରୁଛୁ ସଂଗଠନକୁ ନେଇ ସେତେବେଳେ  ଏମିତି ପ୍ରାୟ ଘଟଣା ସାମନାକୁ ଆସୁଛି। ତାର ସମାଧାନ ବି କରାଯାଉଛି ।  ଏମିତି କିଛି ନୁହେଁ ଯେ କେହି ଦଳ ବିରୋଧୀ କାମ କରୁଛନ୍ତି ।

ସେହିପରି ବିଜେଡି ନେତା ମନ୍ମଥ ରାଉତରାୟ କହିଛନ୍ତି ଦଳରେ ଶୃଙ୍ଖଳା କମିଛି । ଖାଲି ସମ୍ମାନ ଆଶା କଲେ ହେବନି । ସେମାନେ ବି ସମ୍ମାନ ଦେବା ଶିଖନ୍ତୁ । ଦଳର ଭିତର କଥା ବାହାରକୁ ଆଣି କେତେ ଠିକ୍‌ ନିଜକୁ ପଚାରନ୍ତୁ । ଆମର ତ୍ରୁଟି ପାଇଁ ଆମେ ହାରିଲୁ ।