ବନ୍ଦ ଘରୁ ମିଳିଲା ଆଇନ ବିଶ୍ବବିଦ୍ୟାଳୟରେ କାର୍ଯ୍ୟରତ ଅଧ୍ୟାପିକାଙ୍କ ମୃତଦେହ

ବନ୍ଦ ଘର ଭିତରୁ ଉଦ୍ଧାର ହେଲା କଟକ ସ୍ଥିତ ଜାତୀୟ ଆଇନ ବିଶ୍ବବିଦ୍ୟାଳୟରେ କାର୍ଯ୍ୟରତ ଅଧ୍ୟାପିକାଙ୍କ ମୃତ ଦେହ । କଟକ ସିଡିଏ ସେକ୍ଟର-୯ ସ୍ଥିତ ଭଡ଼ା ଘରୁ ମୃତଦେହ ଉଦ୍ଧାର ହୋଇଛି । ମୃତକ ଅଧ୍ୟାପିକା ହେଲେ ପଶ୍ଚିମବଙ୍ଗର ଅନନ୍ୟା ଚକ୍ରବର୍ତ୍ତୀ । ତେବେ ଅଧ୍ୟାପିକା ଜଣଙ୍କ ଆତ୍ମହତ୍ୟା କରିଛନ୍ତି କି ନାହିଁ ସେ ନେଇ କୌଣସି ସୂଚନା ମିଳିନାହିଁ । ପୋଲିସ ତଦନ୍ତ ଆରମ୍ଭ କରିଛି ।

ସୂଚନା ମୁତାବକ: ଅନନ୍ୟା ଗତ ୨ ଦିନ ହେବ କୌଣସି ସୂଚନା ନ ଦେଇ କଲେଜ ଯାଇ ନଥିଲେ। ତେଣୁ କଲେଜ କର୍ତ୍ତୃପକ୍ଷ ତାଙ୍କୁ ଦୁଇ ଦିନ ହେବ ବାରମ୍ବାର ଫୋନ୍ କରିଥିଲେ । କିନ୍ତୁ ଅଧ୍ୟାପିକା ଜଣକ ଫୋନ୍ ଉଠାଇ ନଥିଲେ। ତାଙ୍କର କିଛି ଖବର ନ ମିଳିବାରୁ କଲେଜ କର୍ତ୍ତୃପକ୍ଷ ପୁଲିସକୁ ଘଟଣା ସଂପର୍କରେ କହିଥିଲେ। ପୁଲିସ ଓ କଲେଜ କର୍ତ୍ତୃପକ୍ଷ ଭଡ଼ା ଘରେ ପହଞ୍ଚି ଅଧ୍ୟାପିକାଙ୍କ ମୃତଦେହ ପଡ଼ିଥିବା ଦେଖିଥିଲେ। ପରେ ମୃତଦେହକୁ ଉଦ୍ଧାର କରାଯାଇ ପୁଲିସ ବ୍ୟବଚ୍ଛେଦ ପାଇଁ ପଠାଇଛି। ତେବେ ଅଧ୍ୟାପିକାଙ୍କର କିପରି ମୃତ୍ୟୁ ଘଟିଲା ତାର କାରଣ ଜଣାପଡ଼ିନାହିଁ।