ଗତ ଦୁଇ ଦିନ ଧରି ଓ୍ବାକଫ୍ ବିଲକୁ ନେଇ ଚାଲିଥିବା ମହାସମରରେ ସମସ୍ତଙ୍କୁ ବଡ ଝଟକା ଦେଇଛି ବିଜେଡି । ୱାକଫ୍ ବିଲ୍ ଭୋଟିଂରେ ବିଜେଡିର ଦ୍ୱିମତ ପରେ ଉଷ୍ମ ହେଲା ରାଜ୍ୟ ରାଜନୀତି । ୱକ୍ଫ ବିଲ୍ ସପକ୍ଷରେ ମତ ଦେଇଥିବା ଦଳୀୟ ସାଂସଦ ସସ୍ମିତ ପାତ୍ରଙ୍କ ବିରୋଧରେ ବିହୀତ ପଦକ୍ଷେପ ନେବାକୁ ବିଜେଡି ସଭାପତି ନବୀନ ପଟ୍ଟନାୟକଙ୍କୁ ପ୍ରଫୁଲ୍ଲ ସାମଲ ଚିଠି ଲେଖିଛନ୍ତି । ୱାକଫ୍ ବିଲ୍ ଆଲୋଚନା ବେଳେ ବିଜେଡି ରାଜ୍ୟସଭାରେ ସରକାରଙ୍କୁ ବିରୋଧ କରିବ ବୋଲି ନିଷ୍ପତ୍ତି ହୋଇଥିଲା । କିନ୍ତୁ କେଉଁ ପରିସ୍ଥିତିରେ ଦଳ ନିଷ୍ପତ୍ତି ବଦଳାଇ ସଦସ୍ୟମାନଙ୍କୁ ବିବେକାନୁମୋଦିତ ଭୋଟ ଦେବା ପାଇଁ କହିଲା, ତାହା ଜଣାପଡୁନାହିଁ କହିଛନ୍ତି ବିଜେଡିର ବରିଷ୍ଠ ନେତା ପ୍ରଫୁଲ୍ଲ ସାମଲ । ସେଇଭଳି ସସ୍ମିତ ପାତ୍ରଙ୍କୁ ବିଧାୟକ ଗଣେଶ୍ୱର ବେହେରା ସମାଲୋଚନା କରି କହିଛନ୍ତି ଯେ ସସ୍ମିତ ପାତ୍ର ଦଳ ପାଇଁ ଉତ୍ତରଦାୟୀ ରହିବେ, କୈଫତ ଦେବେ । ସନ୍ତୋଷଜନକ ଉତ୍ତର ନଦେଲେ ବିଜେଡି ସଭାପତି ନବୀନ ପଟ୍ଟନାୟକ କାର୍ଯ୍ୟାନୁଷ୍ଠାନ ନେବେ ବୋଲି ବିଶ୍ୱାସ ରହିଛି ବୋଲି ସେ କହିଛନ୍ତି । ସସ୍ମିତ ପାତ୍ରଙ୍କ ମନ୍ତବ୍ୟ ଦଳ ପାଇଁ ବଡ଼ କ୍ଷତି ପହଞ୍ଚାଇବ ବୋଲି ବିଜେଡି ବିଧାୟକ ଗଣେଶ୍ୱର ବେହେରା କହିଛନ୍ତି । ଲୋକସଭା ପରେ ରାଜ୍ୟସଭାରେ ବି ପାସ୍ ହୋଇଛି ୱାକଫ ବିଲ୍ । ସପକ୍ଷରେ ୧୨୮ଟି ଭୋଟ୍ ପଡ଼ିଥିବା ବେଳେ ବିପକ୍ଷରେ ୯୫ଟି ଭୋଟ୍ ପଡ଼ିଛି । ତେବେ ବିଜେଡି ଓ ବିଜେପିର ସଂପର୍କ ନେଇ ପ୍ରଶ୍ନ ଉଠାଇଛି କଂଗ୍ରେସ । Post navigation ପୁନର୍ବାସ ଥଇଥାନ ନୀତିରେ ନୂଆ ନିୟମ ଆଣିଲେ ରାଜ୍ୟ ସରକାର
