Ganjam Flood Situation: ଗଞ୍ଜାମ ବନ୍ୟା ସ୍ଥିତି: ଜିଲ୍ଲାପାଳଙ୍କ ସହ କଥା ହେଲେ ବିରୋଧୀ ଦଳ ନେତା ନବୀନ ପଟ୍ଟନାୟକ

ଗଞ୍ଜାମ ଜିଲ୍ଲାରେ ବନ୍ୟା ସ୍ଥିତି ଗମ୍ଭୀର ହୋଇପଡ଼ିଥିବାବେଳେ, ବିରୋଧୀ ଦଳ ନେତା ତଥା ବିଜୁ ଜନତା ଦଳ ସୁପ୍ରିମୋ ନବୀନ ପଟ୍ଟନାୟକ ଗଞ୍ଜାମ ଜିଲ୍ଲାପାଳଙ୍କ ସହ ଆଲୋଚନା କରିଛନ୍ତି। ହିଞ୍ଜିଳି ଓ ଶେରଗଡ଼ ସମେତ ସମଗ୍ର ଜିଲ୍ଲାରେ ବନ୍ୟା ପରିସ୍ଥିତି ଏବଂ ବନ୍ୟାଜଳରେ ପ୍ରଭାବିତ ହୋଇଥିବା ଲୋକଙ୍କ ସ୍ଥିତି ନେଇ ସେ ବିସ୍ତୃତ ଭାବେ କଥା ହୋଇଛନ୍ତି।

ବନ୍ୟା ପ୍ରଭାବିତ ଲୋକଙ୍କ ପାଇଁ ଚାଲିଥିବା ଉଦ୍ଧାର ଏବଂ ରିଲିଫ୍ କାର୍ଯ୍ୟ ସମ୍ପର୍କରେ ଜିଲ୍ଲାପାଳ ବିରୋଧୀ ଦଳ ନେତାଙ୍କୁ ଅବଗତ କରାଇଛନ୍ତି। ବାତ୍ୟାଜନିତ ବନ୍ୟା ଯୋଗୁଁ ଲୋକେ ସମ୍ମୁଖୀନ ହୋଇଥିବା ଅଭୂତପୂର୍ବ ଦୁର୍ଦ୍ଦଶା ନେଇ ନବୀନ ପଟ୍ଟନାୟକ ଗଭୀର କ୍ଷୋଭ ପ୍ରକାଶ କରିଛନ୍ତି। ଏହାସହ ସମସ୍ତ ପ୍ରଭାବିତ ପରିବାରକୁ ତୁରନ୍ତ ଜରୁରୀକାଳୀନ ରିଲିଫ୍ ଏବଂ ସହାୟତା ଯାତ୍ରା ନିଶ୍ଚିତ କରିବାକୁ ସେ କର୍ତ୍ତୃପକ୍ଷଙ୍କୁ ନିର୍ଦ୍ଦେଶ ଦେଇଛନ୍ତି।

ଅନ୍ୟପକ୍ଷରେ, ପ୍ରମିଳା ମଲ୍ଲିକଙ୍କ ନେତୃତ୍ୱରେ ଏକ ବିଜେଡି ପ୍ରତିନିଧି ଦଳ ଗଞ୍ଜାମ ଗସ୍ତ କରି ସ୍ଥିତି ଅନୁଧ୍ୟାନ କରୁଛନ୍ତି। ଆଜି ଏବଂ ଆସନ୍ତାକାଲି ଦୁଇ ଦିନିଆ ଗସ୍ତରେ ଯାଇ ଏହି ପ୍ରତିନିଧି ଦଳ ବନ୍ୟାପ୍ରଭାବିତ ଅଞ୍ଚଳ ପରିଦର୍ଶନ କରିବ, କ୍ଷତିଗ୍ରସ୍ତ ଲୋକଙ୍କୁ ଭେଟିବ, ସମ୍ପତ୍ତି ଓ ଫସଲ ନଷ୍ଟର ଆକଳନ କରିବ ଏବଂ ଉଦ୍ଧାର ତଥା ରିଲିଫ୍ କାର୍ଯ୍ୟ ନେଇ ଆର୍.ଡି.ସି ଏବଂ ଜିଲ୍ଲାପାଳଙ୍କ ସହ ଆଲୋଚନା କରିବ। ଗସ୍ତ ଶେଷରେ କମିଟି ସିଧାସଳଖ ନବୀନ ପଟ୍ଟନାୟକଙ୍କ ନିକଟରେ ଏକ ବିସ୍ତୃତ ରିପୋର୍ଟ ଦାଖଲ କରିବ ବୋଲି ସୂଚନା ମିଳିଛି।

ଏହି ସଙ୍କଟପୂର୍ଣ୍ଣ ସମୟରେ ଏକତା ଏବଂ ସହାନୁଭୂତି ପ୍ରକର୍ଷ କରିବାକୁ ନବୀନ ପଟ୍ଟନାୟକ ସମସ୍ତ ସ୍ଥାନୀୟ ବିଜେଡି କର୍ମୀ ଏବଂ ଦଳୀୟ କ୍ୟାଡ଼ରମାନଙ୍କୁ ଦୃଢ଼ ପରାମର୍ଶ ଦେଇଛନ୍ତି  ।