ପ୍ରଚାର ବେଳେ ଲୋକଙ୍କ ପ୍ରଶ୍ନ ବାଣରେ ଘାଇଲା ବିଜେଡି ନେତା ପ୍ରସନ୍ନ ଆଚାର୍ଯ୍ୟ

ସମ୍ବଲପୁର ଲୋକସଭା ଅଧୀନ ରେଢାଖୋଲରେ ନିର୍ବାଚନ ପ୍ରଚାର ବେଳେ ବିଜେଡି ବିଧାୟକ ପ୍ରାର୍ଥୀ ପ୍ରସନ୍ନ ଆଚାର୍ଯ୍ୟଙ୍କୁ ବିରୋଧ କଲେ ଗ୍ରାମବାସୀ। ପ୍ରଚାର ବେଳେ ଗ୍ରାମବାସୀଙ୍କ ବିଭିନ୍ନ ପ୍ରଶ୍ନ ବାଣରେ ଘାଇଲା ହୋଇଛନ୍ତି ବିଜେଡି ନେତା ପ୍ରସନ୍ନ ଆଚାର୍ଯ୍ୟ । ଯାହାର ଭିଡିଓ ଭାଇରାଲ ହୋଇଛି । ଭିଡିଓରେ ଲୋକେ ବିଭିନ୍ନ ମୌଳିକ ସମସ୍ୟା ସମାଧାନର ଜବାବ ମାଗୁଛନ୍ତି। ୨୫ ବର୍ଷରେ କଣ କରିଛ ବୋଲି ଲୋକେ ପଚାରୁଥିବା ଦେଖିବାକୁ ମିଳୁଛି।

ସୂଚନାନୁଯାୟୀ, ରେଢାଖୋଲର କୁକୁଡ଼ାବାହାଳି ପଞ୍ଚାୟତର ସାନ ନୂଆପଡ଼ା ଓ ବଂଶାଜାଳ ଗାଁରେ ପ୍ରଚାରକୁ ଯାଇଥିବା ବେଳେ ଲୋକେ ସିଧା ଗାଡି ଅଟକାଇ ତାଙ୍କୁ ବିଭିନ୍ନ ପ୍ରଶ୍ନ ପଚାରିଥିଲେ। ଲୋକେ ବିଭିନ୍ନ ମୌଳିକ ସମସ୍ୟା ସମାଧାନର ପ୍ରସନ୍ନ ଆଚାର୍ଯ୍ୟଙ୍କୁ ଜବାବ ମାଗିଥିଲେ । ୨୫ ବର୍ଷରେ କଣ କରିଛ ବୋଲି ଲୋକେ ପଚାରିଥିଲେ । ତେବେ କେବଳ ପ୍ରସନ୍ନ ଆଚାର୍ଯ୍ୟ ନୁହନ୍ତି ଏଥର ଅନେକ ବିଜେଡି ନେତା ପ୍ରଚାର ବେଳେ ହଟହଟା ହୋଇଛନ୍ତି । ପ୍ରଚାର ବେଳେ ତାଙ୍କୁ ଲୋକେ ରାସ୍ତାରେ ଅଟକାଇ ୫ ବର୍ଷର ହିସାବ ମାଗିଛନ୍ତି । ୫ ବର୍ଷରେ କଣ କରିଛ? ଯାହା କହିଥିଲ କାହିଁକି କଲନି?