ରାଜ୍ୟସଭାରେ ୱାକଫ୍ ବିଲ ସମର୍ଥନରେ ବିଜେଡି ସାଂସଦ ସସ୍ମିତ ପାତ୍ରଙ୍କ ଭୋଟ ଦେବା ପ୍ରସଙ୍ଗକୁ ନେଇ ବିବାଦ ଭିତରେ ସସ୍ମିତଙ୍କୁ ଟାର୍ଗେଟ କରିଛନ୍ତି ଦଳର ବରିଷ୍ଠ ନେତା ବଦ୍ରି ନାରାୟଣ ପାତ୍ର । ସସ୍ମିତ ପାତ୍ର ଏତେ ବଡ଼ ସାହସ କେମିତି କଲେ ବୋଲି ବଦ୍ରି ପ୍ରଶ୍ନ କରିଛନ୍ତି । ଦଳ ସମଦୂରତା ନୀତି ରଖି ଚାଲୁଥିଲା, ନିଷ୍ପତ୍ତି ଅନୁରୂପ ହେଲାନି । କିଏ ଖେଳ କଲା ଓ କେଉଁଠି ଖେଳ ହେଲା ଜାଣିବା ଆବଶ୍ୟକ ବୋଲି ସେ କହିଛନ୍ତି । ସସ୍ମିତଙ୍କୁ ଟାର୍ଗେଟ କରି ବଦ୍ରି ପାତ୍ର କହିଛନ୍ତି ଯେ ଦଳୀୟ ନିଷ୍ପତ୍ତିକୁ ପରିବର୍ତ୍ତନ କରିବା କ୍ଷମତା ସସ୍ମିତଙ୍କ ନାହିଁ । ଦଳର ମର୍ଯ୍ୟାଦା ଉପରେ ଆଞ୍ଚ ଆସିଛି । ଦଳ ଏବେ ଧର୍ମ ସଙ୍କଟରେ । ବିଜୁ ଜନତା ଦଳ ସଭାପତି ନବୀନ ପଟ୍ଟନାୟକ ଦେଇଥିବା ନିର୍ଦ୍ଦେଶ ଶେଷ ମୁହୂର୍ତ୍ତରେ କେମିତି ପରିବର୍ତ୍ତନ ହେଲା ବୋଲି ସେ ପ୍ରଶ୍ନ କରିଛନ୍ତି? ବର୍ତ୍ତମାନ ସନ୍ଦେହ ବଢୁଛି ବୋଲି ବୋଲି ବଦ୍ରିନାରାୟଣ କହିଛନ୍ତି । କାହା ନିର୍ଦ୍ଦେଶରେ ସସ୍ମିତ ଗଣମାଧ୍ୟମରେ ଏପରି ବୟାନ ଦେଲେ ଓ କାହିଁକି ଭୋଟ ଦେବା କଥା ସୋସିଆଲ ମିଡ଼ିଆରେ ପୋଷ୍ଟ କଲେ ସେସମ୍ପର୍କରେ ବିଜେଡି ସଭାପତିଙ୍କ ଆଗରେ ବରିଷ୍ଠ ନେତାମାନେ ପ୍ରଶ୍ନ ଉଠାଇଥିବା ସୂଚନା ମିଳିଛି । Post navigation ଯୁବକଙ୍କ ମୃତ୍ୟୁକୁ ନେଇ ଉତ୍ତେଜନା; ଥୁ.ରାମପୁର ଥାନାକୁ ଢ଼େଲାପଥର ମାଡ଼ ସସ୍ମିତ ପାତ୍ରଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କଲେ ପ୍ରତାପ ଜେନା