ଓଡିଶା ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ଅନୁରୋଧ ପରେ, ରେଳ ମନ୍ତ୍ରଣାଳୟ ତିନୋଟି ସ୍ୱତନ୍ତ୍ର ଟ୍ରେନକୁ ନିୟମିତ କରିବାକୁ ଅନୁମୋଦନ କରିଛି । ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ ଓଡ଼ିଶା ମୁଖ୍ୟମନ୍ତ୍ରୀଙ୍କୁ ଲେଖିଥିବା ଏକ ଚିଠିରେ କହିଛନ୍ତି ଯେ ଜନସାଧାରଣଙ୍କ ସୁବିଧାକୁ ଦୃଷ୍ଟିରେ ରଖି ଏବଂ ଗୁରୁତ୍ୱପୂର୍ଣ୍ଣ ଟ୍ରେନ ରୁଟରେ ଚାଲୁଥିବା ନିୟମିତ ଟ୍ରେନରେ ଯାତ୍ରୀମାନଙ୍କ ଅତିରିକ୍ତ ଯାତ୍ରୀ ଭିଡକୁ ଦୂର କରିବା ପାଇଁ ପୂର୍ବତଟ ରେଳପଥ ପକ୍ଷରୁ ସ୍ୱତନ୍ତ୍ର ଟ୍ରେନଗୁଡ଼ିକୁ ନିୟମିତ କରିବା ପାଇଁ ରେଳ ମନ୍ତ୍ରଣାଳୟ ତରଫରୁ ନିଷ୍ପତ୍ତି ନିଆଯାଇଅଛି । – 08007/08008 ଶାଲିମାର – ଭଞ୍ଜପୁର ସ୍ୱତନ୍ତ୍ର ଟ୍ରେନକୁ 18015/18016 ଶାଲିମାର – ଭଞ୍ଜପୁର ଏକ୍ସପ୍ରେସ ଭାବେ ଜଳେଶ୍ୱର, ବାସ୍ତା, ରୁପସା, ଯୁଗପୁରା, ବେତନୋଟି, କୃଷ୍ଣଚନ୍ଦ୍ରପୁର, ଜମସୋଳ ଏବଂ ବାରିପଦା ଦେଇ ଚଳାଯିବ । – 07225/07226 ଚରଳାପଲ୍ଲି – ଶାଲିମାର ସ୍ୱତନ୍ତ୍ର ଟ୍ରେନକୁ 17065/17066 ଚରଳାପଲ୍ଲି – ଶାଲିମାର ଅମୃତ ଭାରତ ଏକ୍ସପ୍ରେସ ଭାବେ ବ୍ରହ୍ମପୁର, ଖୋର୍ଦ୍ଧା ରୋଡ୍, ଭୁବନେଶ୍ୱର, କଟକ, ଯାଜପୁର କେନ୍ଦୁଝର ରୋଡ, ଭଦ୍ରକ ଏବଂ ବାଲେଶ୍ୱର ଦେଇ ଚଳାଯିବ । – 08011/08012 ଭଞ୍ଜପୁର – ପୁରୀ ସ୍ୱତନ୍ତ୍ର ଟ୍ରେନକୁ 18017/18018 ଭଞ୍ଜପୁର – ପୁରୀ ଏକ୍ସପ୍ରେସ ଭାବେ ଚଳାଯିବ । Post navigation Rajya Sabha Candidates: ରାଜ୍ୟସଭା ପ୍ରାର୍ଥୀ ହେବା ପରେ ମୁଖ୍ୟମନ୍ତ୍ରୀଙ୍କୁ ଭେଟିଲେ ମନମୋହନ ସାମଲ ଓ ସୁଜିତ କୁମାର
