ବିବାଦୀୟ ୱକଫ୍ ସଂଶୋଧନ ବିଲ୍; ଦଳ ନିଷ୍ପତ୍ତିରେ ଅସନ୍ତୁଷ୍ଟ ହୋଇ ଭୋଟ୍ ଦେଲିନି: ଦେବାଶିଷ ସାମନ୍ତରାୟ

ବହୁ ବିବାଦ ମଧ୍ୟରେ ୱକଫ୍ ସଂଶୋଧନ ବିଲ୍ ସଂସଦରେ ପାରିତ ହୋଇସାରିଛି । କିନ୍ତୁ ଏହା ପରେ ବିଜୁ ଜନତା ଦଳରେ ବିବାଦ ସୃଷ୍ଟି ହୋଇଛି । ବିଲକୁ ନେଇ ଦଳର ସଦସ୍ୟମାନେ ଦୁଇ ଫାଳ ହୋଇଯାଇଛନ୍ତି । କିଛି ରାଜ୍ୟସଭା ସଦସ୍ୟ ବିଲ୍ ସପକ୍ଷରେ ଭୋଟ୍ ଦେଇଥିବାବେଳେ କିଛି ବିଲ୍ ବିରୁଦ୍ଧରେ ଭୋଟ୍ ଦେଇଛନ୍ତି ଏବଂ ଆଉ କିଛି ବିଲକୁଲ ଭୋଟ୍ ଦେଇ ନାହାଁନ୍ତି । ଏହାପରେ ଦଳର ନେତାଙ୍କ ବିଭିନ୍ନ ମତ ସାମ୍ନାକୁ ଆସିଛି ।

ଏହାରି ମଧ୍ୟରେ କାଲି ୱକ୍‌ଫ ବିଲ୍‌ ଭୋଟିଂ ଦେଇନାହାନ୍ତି ବିଜେଡି ରାଜ୍ୟସଭା ସାଂସଦ ଦେବାଶିଷ ସାମନ୍ତରାୟ । ୱକ୍‌ଫ ବିଲ୍‌ ଭୋଟିଂକୁ ନେଇ ସାଂସଦ ଦେବାଶିଷ କହିଛନ୍ତି ଅସନ୍ତୁଷ୍ଟ ହୋଇ ଭୋଟ ଦେଲିନି । ଦଳ ନିଷ୍ପତ୍ତିରେ ଅସନ୍ତୁଷ୍ଟ ହୋଇ ମୁଁ କାଲି ଭୋଟ୍‌ ଦେଲିନି ।

ସେହିଭଳି ବିଧାୟକ ବଦ୍ରି ପାତ୍ର କହିଛନ୍ତି, ଏହା ଅଡ଼ୁଆ ପରିସ୍ଥିତି ସୃଷ୍ଟି କରିଛି । ସଭାପତି ନବୀନ ପଟ୍ଟନାୟକ ନିଷ୍ଠାପର ଭାବରେ ନିର୍ଦ୍ଦେଶ ଦେଇଥିଲେ ଯେ ୱକଫ୍ ବିଲ ବିପକ୍ଷରେ ଭୋଟ ଦେବାକୁ, କିନ୍ତୁ ଏମିତି କେମିତି ହେଲା ତାହା ବର୍ତ୍ତମାନ ଚିନ୍ତାର ବିଷୟ ।

ବିଧାୟକ ପ୍ରସନ୍ନ ଆଚାର୍ଯ୍ୟ ମଧ୍ୟ କହିଛନ୍ତି, ସସ୍ମିତ ପାତ୍ର ସପକ୍ଷରେ ଭୋଟ ଦେବେ ଆମେ ଅବଗତ ନ ଥିଲୁ । ଆମେ ଆଜି ହିଁ ଦଳର ସଭାପତିଙ୍କ ସହ ଆଲୋଚନା କରିବାକୁ ନିଷ୍ପତ୍ତି ନେଇଛୁ । ସଭାପତି ପୂର୍ବରୁ କହିଥିଲେ ଯେ ଆମେ ଏକ ଧର୍ମ ନିରପେକ୍ଷ ଦଳ ଏବଂ ଆମେ ୱାକଫ୍ ବିଲ୍‌କୁ ବିରୋଧ କରିବୁ । କେଉଁ ପରିସ୍ଥିତିରେ ଦଳ ଶେଷ ମୂହୁର୍ତ୍ତରେ ଏପରି ନିଷ୍ପତ୍ତି ନେଇଛି ତାହା ଆମେ ଜାଣି ନାହୁଁ ।