ପ୍ରଭାସ ଆଚାର୍ଯ୍ୟଙ୍କୁ ଅସମ୍ମାନିତ କଲା ଓସିଏ

ଓଡ଼ିଆରେ ଗୋଟୋ ବୋଲି ଅଛି ଭଲା ରାମଚଣ୍ଡୀ ଭଲାରେ…। ସେ ଲାଇନଟି ଏଠି ଏହି ଘଟଣାରେ ଠିକ୍ ବସୁଛି। ଭଲା ଓସିଏ ଭଲାରେ ପ୍ରଭାସଙ୍କୁ ବାଦାମ ଧରାଇ ଭଲା ପାସ୍‌ ପାଇଁ ଗଲାରେ। ପ୍ରଭାସ ଆଚାର୍ଯ୍ୟ ହେଉଛନ୍ତି ଦୈନିକ ସମାଜର ପ୍ରକାଶକ ଓ ମୁଦ୍ରାକର । ସେ ମଧ୍ୟ ଲୋକସେବକ ମଣ୍ଡଳର ରାଷ୍ଟ୍ରୀୟ ସମ୍ପାଦକ। ରବିବାର ଦିନିକିଆ ମ୍ୟାଚ ପାଇଁ ଯେଉଁ ଲିଜେଣ୍ଡ ବକ୍ସ ହୋଇଥିଲା ସେଥିରେ ପ୍ରଭାସ ଆଚାର୍ଯ୍ୟଙ୍କୁ ସାମିଲ କରିଥିବାର ସୋସିଆଲ ମିଡିଆରେ ତାଙ୍କ ଫଟୋ ସହ ପ୍ରଚାର କରିଛି ଓଡ଼ିଶା କ୍ରିକେଟ ଆସୋସିଏସନ । ହେଲେ ଡ. ଆଚାର୍ଯ୍ୟ କହିଛନ୍ତି ମୁଁ କୌଣସି ପାସ୍, ଟିକେଟ୍ କିମ୍ବା ଗାଡିର ପାସ୍‌ ପାଇନାହିଁ ଓସିଏ ଯାହା ପ୍ରଚାର କରୁଛି ତାହା ଭୁଲ୍ ।

୩ଦିନ ତଳେ ଦୁଇ ଜଣ ଫଟୋଗ୍ରାଫର ମୋ ପାଖ ପାଖରେ ପହଞ୍ଚି ଗୋଟିଏ ଛୋଟିଆ ଟ୍ରଫି ଓ ଦୁଇ ପ୍ୟାକେଟ୍ ବାଦାମ ଦେଇଥିଲେ। ମୁଁ ତାଙ୍କୁ ପଚାରିଲି ମ୍ୟାଚର ପାସ୍ ଓ ଟିକେଟ୍ ବାବଦରେ । ସେମାନେ କହିଲେ କିଛି ଜାଣନ୍ତି ନାହିଁ । ଅନ୍ୟମାନେ ଆପଣଙ୍କୁ ଯୋଗାଯୋଗ କରିବେ। ହେଲେ ମ୍ୟାଚ ସରିବା ୨୪ ଘଣ୍ଟା ହୋଇଗଲାଣି କେହି ଏଯାଏ ଯୋଗାଯୋଗ କରିନାହାନ୍ତି । ଜଣେ ପ୍ରତିଷ୍ଠିତ ଗଣମାଧ୍ୟମର ପ୍ରକାଶକ ଓ ମୁଦ୍ରାକରାଙ୍କୁ ଲିଜେଣ୍ଡ ଲାଉଜ୍‌ରେ ବସାଇଥିବାର ମିଛ ପ୍ରଚାର ଓସିଏ କରିଥିବାକୁ ନେଇ ଚାରିଆଡୁ ନିନ୍ଦା ହେଉଛି।