ବହୁ ଚର୍ଚ୍ଚିତ ମହାଦେବ ବୁକ୍ ଅନଲାଇନ୍ ବେଟିଂ ଆପ୍ର ମାଲିକ ଦୁବାଇରେ ଅଟକ । ଇଣ୍ଟରପୋଲର ରେଡ୍ କର୍ଣ୍ଣର ନୋଟିସ ପରେ ଅଟକ ରଖାଯାଇଛି । ମାଷ୍ଟରମାଇଣ୍ଡ ସୌରଭ ଚନ୍ଦ୍ରକରଙ୍କୁ ପୋଲିସ ଅଟକ ରଖିଥିବା ସୂଚନା । ସପ୍ତାହେ ଭିତରେ ସୌରଭଙ୍କୁ ଭାରତ ଅଣାଯିବା ସମ୍ଭାବନା । ଦେଶର ବିଭିନ୍ନ ରାଜ୍ୟରେ ମହାଦେବ ଆପ୍ ବିରୋଧରେ ମାମଲା ରହିଛି । ପୂର୍ବରୁ ଦୁବାଇରୁ ଗିରଫ ହୋଇଥିଲେ ମହାଦେବ ବୁକ୍ ଅନଲାଇନ୍ ବେଟିଂ ଆପ୍ର ସହ-ସଂସ୍ଥାପକ ରବି ଅପପାଲ। ସୂଚନଯୋଗ୍ୟ; ମହାଦେବ ବୁକ୍ ଆପ୍ ଏକ ଅନଲାଇନ୍ ଜୁଆଖେଳ ପ୍ଲାଟଫର୍ମ । ଛତିଶଗଡ଼ର ବାସିନ୍ଦା ସୌରଭ ଚନ୍ଦ୍ରକର ଏବଂ ଅନ୍ୟ ଜଣେ ପ୍ରମୋଟର ରବି ଅପପାଲ ଏହାକୁ ଚଳାଉଥିଲେ। ଏହା ସହିତ ସେମାନେ ମନି ଲଣ୍ଡରିଂ ଏବଂ ହାୱାଲା କାରବାର ମଧ୍ୟ ଚଳାଇଥିଲେ । ମହାଦେବ ବେଟିଂ ଆପ୍ ମାମଲରରେ ଗତ ୨ ବର୍ଷ ହେଲା ଲଗାତର ଇଡି ରେଡ୍ କରି ପଚରାଉଚରା ଜାରି ରହିଛି। ବର୍ତ୍ତମାନ ସୁଦ୍ଧା ୧୨୦୦ କୋଟି ଟଙ୍କାରୁ ଅଧିକ ସମ୍ପତ୍ତି ଖୁଲାସା ହୋଇସାରିଲାଣି। Post navigation ପୂର୍ବତନ ବିଧାୟକ ନିରଞ୍ଜନ ପ୍ରଧାନଙ୍କ ଦେହାନ୍ତ ନାବାଳିକାକୁ ଉଦ୍ଧାର ପାଇଁ ଯାଇଥିବା ପୋଲିସକୁ ଆକ୍ରମଣ; ୭ ଆହତ
