ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ଆସନ୍ତା ୧୯ ତାରିଖରେ ବସିବ ବିଜେଡିର ବୈଠକ

ଆସନ୍ତା ୧୯ ତାରିଖ ଦିନ ବସିବ ବିଜେଡି ବିଧାୟକ ଦଳ ବୈଠକ । ଅପରାହ୍ନ ୪ଟା ୩୦ରେ ବିଜେଡି କାର୍ଯ୍ୟାଳୟ ଶଙ୍ଖ ଭବନରେ ନବୀନଙ୍କ ଅଧ୍ୟକ୍ଷତାରେ ବସିବ ବୈଠକ । ଏଥିରେ ସର୍ବସମ୍ମତି କ୍ରମେ ବିଧାୟକ ଦଳର ନେତା ଚୟନ କରାଯିବ। କିଏ ବିରୋଧୀ ଦଳର ନେତା ହେବେ, ରହିବ ନଜର ।

ସୂଚନା ଥାଉକି, ୨୦୨୪ ବିଧାନସଭା ନିର୍ବାଚନରେ ହାରିଛି ବିଜେଡି ବିଧାନସଭା ନିର୍ବାଚନରେ ଦଳ ମୋଟ ୫୧ଟି ସିଟ୍ ପାଇଥିବା ବେଳେ ବିଜେପି ୭୮ ଆସନ ପାଇଛି । ଯାହାଫଳରେ ରାଜ୍ୟରେ ପ୍ରଥମ ଥର ପାଇଁ ସରକାର ଗଢିଛି ଭାରତୀୟ ଜନତା ପାର୍ଟି । ତେବେ ଆଗକୁ ବିଧାନସଭା ଅଧୂବେଶନ ରହିଛି । ତେଣୁ ତା ପୂର୍ବରୁ ଦଳ ବିଧାୟକ ଦଳ ନେତା ଚୟନ କରାଯିବ ।

ଜୁନ୍‌ ୧୮,୧୯ ଏବଂ ୨୦ ତାରିଖ ତିନିଦିନ ବିଧାନସଭା ଚାଲିବ । ଏଥିରେ ନବ ନିର୍ବାଚିତ ବିଧାୟକଙ୍କ ଶପଥ ଗ୍ରହଣ କାର୍ଯ୍ୟକ୍ରମ ଅନୁଷ୍ଠିତ ହେବା ସହ ନୂଆ ବାଚସ୍ପତି ଚୟନ କରାଯିବ ।