ପୁରୀ ଶ୍ରୀମନ୍ଦିରରେ ଅଘଟଣ, ମନ୍ଦିରରୁ ଖସିଲା ପଥର

ଶ୍ରୀମନ୍ଦିରରୁ ଖସିଛି ପଥର। ଶ୍ରୀମନ୍ଦିର ଭିତରେ ଥିବା ଏକାଦଶୀ ମନ୍ଦିରର ଉପର ଭାଗରୁ ପଥର ଖସିଥିବା ନେଇ ସୂଚନା ମିଳିଛି। ତେବେ ମନ୍ଦିରରୁ ପଥର ଖସିଥିଲେ ମଧ୍ୟ ଏଥିରେ କାହାର କିଛି ବି କ୍ଷତି ଘଟିନି। କେହି ବି ସେବାୟତ କିମ୍ବା ଭକ୍ତ ଆହତ ହେଇନାହାନ୍ତି। ବର୍ତ୍ତମାନ ପାଇଁ ପଥରଟିକୁ ଶ୍ରୀମନ୍ଦିର ଗାରଦରେ ଜମା କରାଯାଇଥିବାବେଳେ, ପଥରଟି କେଉଁଠୁ ପଡିଛି ସେ ନେଇ ଏଏସଆଇ ଯାଞ୍ଚ ପରେ ସ୍ପଷ୍ଟ ହେବ ବୋଲି କୁହାଯାଇଛି।ଏହାର ଆକାର ୧୫ ଇଞ୍ଚ ଲମ୍ବା ଓ ଓସାର ୫ ଇଞ୍ଚ ବୋଲି କୁହାଯାଉଛି। ନିକଟରେ ଶ୍ରୀମନ୍ଦିରର ଏହି ପାର୍ଶ୍ୱରୁ କିଛି ପଥର ବଦଳାଯାଇ ନୂଆ ପଥର ଲାଗିଥିଲା।