ଖୋଲିଲା ଧାନମଣ୍ଡି: ଶୁଭାରମ୍ଭ କଲେ ଯୋଗାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର

ବରଗଡର ସୋହେଲାରେ ଖୋଲିଲା ଧାନମଣ୍ଡି । ଆଜି ବରଗଡ଼ କଳାପାଣି ମଣ୍ଡିରେ ଧାନ ସଂଗ୍ରହ ପ୍ରକ୍ରିୟାର ଶୁଭାରମ୍ଭ କରିଛନ୍ତି ଯୋଗାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର । ପୂଜାର୍ଚ୍ଚନା କରିବା ପରେ ଧାନମଣ୍ଡିର ଶୁଭାରମ୍ଭ କରାଯିବା ସହ ଧାନ କିଣା ପ୍ରକ୍ରିୟା ଆରମ୍ଭ ହୋଇଛି । ଏଥର କ୍ବିଣ୍ଟାଲ ପ୍ରତି ୩୧ ଶହ ଟଙ୍କା ପାଇବେ ଚାଷୀ । କଟନୀ ଛଟନୀ ସମସ୍ୟା ରୋକିବାକୁ ବ୍ୟାପକ ବ୍ୟବସ୍ଥା

ଏହା ସହ ସୋହେଲାରେ ଜିଲ୍ଲା ପ୍ରଶାସନ ପକ୍ଷରୁ ସ୍ୱତନ୍ତ୍ର କାର୍ଯ୍ୟକ୍ରମ ଆୟୋଇଜିତ ହୋଇଛି। ଧାନ ମଣ୍ଡି ଖୋଲିବା ଅବସରରେ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର କହିଛନ୍ତି, ଏହା ଏକ ଗୁରୁତ୍ୱପୂର୍ଣ୍ଣ ଦିନ ଏବଂ ଚାଷୀଙ୍କ ପାଇଁ ଖୁସିର ଦିନ। ଚଳିତ ଖରିଫ ଋତୁରେ ଚାଷୀ ଧାନ କ୍ଵିଣ୍ଟାଲ ପିଛା ୩୧୦୦ ଟଙ୍କା ପାଇବେ। କେନ୍ଦ୍ର ୨୩ ଶହ ଏବଂ ରାଜ୍ୟ ସରକାର ଅତିରିକ୍ତ ୮୦୦ ଟଙ୍କା ଦେବେ। ବାହାର ରାଜ୍ୟ ବେପାରୀଙ୍କ ଉପରେ ରହିବ କଡ଼ା ନଜର । ଧାନରେ ଆଦ୍ରତା ଓ ଏଫଏକ୍ୟୁ ଅନୁଯାୟୀ କ୍ବାଲିଟି ଧାନ କିଣାଯିବ । ଯେଉଁଠି ଏଫଏକ୍ୟୁ ମାନ କମ୍ ଥିବ ଏବଂ ଆଦ୍ରତା ଥିବ ସେଠାରେ ଧାନ କେତେ ପ୍ରତିଶତ କଢାଯିବ ନିର୍ଦ୍ଧାରିତ କରାଯିବ । ପ୍ରତ୍ୟେକ ମଣ୍ଡିରେ ଜଣେ ନୋଡାଲ ଅଫିସର ରହିବେ । ୪/୫ ମଣ୍ଡିକୁ ନେଇ ଜଣେ ସୁପରଭାଇଜର ରହିବେ ।