ରାଜ୍ୟସଭା ନିର୍ବାଚନରେ ୩ସିଟ୍ ଦଖଲ କରିବ ବିଜେପି। ଏନେଇ କହିଛନ୍ତି ବିଜେପି ରାଜ୍ୟ ପ୍ରଭାରୀ ବିଜୟ ସିଂହ ତୋମାର। ସେ କହିଛନ୍ତି, ୩ଟି ସିଟ୍ ଦଖଲ କରିବା ପାଇଁ ରଣନୀତି ପ୍ରସ୍ତୁତ ହୋଇଛି। ତେବେ ପ୍ରାର୍ଥୀ କିଏ ହେବ ତାହାର ନିଷ୍ପତ୍ତି ସଂସଦୀୟ ବୋର୍ଡ ନେବ । ସୂଚନା ଯୋଗ୍ୟ; ଓଡ଼ିଶାରୁ ରାଜ୍ୟସଭାର ୪ଟି ଆସନ ଏପ୍ରିଲ ପ୍ରଥମ ସପ୍ତାହରେ ଖାଲି ହେବାକୁ ଯାଉଛି। ତେବେ ଚଳିତ ମାସ ଶେଷ ସପ୍ତାହରେ ନିର୍ବାଚନ ବିଜ୍ଞପ୍ତି ପ୍ରକାଶ ପାଇବ। ଏହାକୁ ନେଇ ବିଜେଡି, ବିଜେପି ଓ କଂଗ୍ରେସ ମଧ୍ୟରେ ରାଜନୈତିକ ଗତିବିଧି ବଢିଲାଣି। ରାଜ୍ୟସଭାରେ ବର୍ତ୍ତମାନ ବିଜେଡିର ୭ ଓ ବିଜେପିର ୩ ସାଂସଦ ରହିଛନ୍ତି। ଆସନ୍ତା ଏପ୍ରିଲ ୨ରେ ବିଜେପିର ସୁଜିତ କୁମାର ଓ ମମତା ମହନ୍ତ ଏବଂ ବିଜେଡିର ମୁଜିବୁଲ୍ଲା ଖାନ୍ ଓ ନିରଞ୍ଜନ ବିଶିଙ୍କ କାର୍ଯ୍ୟକାଳ ଶେଷ ହେବ। ଅନ୍ୟପଟେ ବିଜେପି ୪ର୍ଥ ଆସନ ଜିତିବା ଦାବି କରୁଥିବା ବେଳେ ବିଜେଡି ନିଜ ରଣନୀତି ସ୍ପଷ୍ଟ କରିନାହିଁ। କଂଗ୍ରେସ-ବିଜେଡି ମିଳିତ ପ୍ରାର୍ଥୀ ସମ୍ଭାବନା ନେଇ ଆଲୋଚନା ଚାଲିଥିଲେ ମଧ୍ୟ ସମୀକ୍ଷକମାନଙ୍କ ମତରେ ଏହାର ସମ୍ଭାବନା କମ୍। ଏପରି ପରିସ୍ଥିତିରେ ୪ର୍ଥ ଆସନର ଫଳାଫଳ ଉପରେ ସମସ୍ତଙ୍କ ନଜର ରହିଛି। Post navigation PM Modi Inaugurates Seva Teerth, Kartavya Bhavan: ସେବାତୀର୍ଥ ଓ କର୍ତ୍ତବ୍ୟ ଭବନ ଉଦ୍ଘାଟନ କଲେ ପ୍ରଧାନମନ୍ତ୍ରୀ ମୋଦି
