ଯାଜପୁର ଜିଲ୍ଲା, କୋରେଇ ବ୍ଲକ ଅନ୍ତର୍ଗତ କରଦା ହରିହାଟ ମହୋତ୍ସବ ମଞ୍ଚରେ ପୂର୍ବତନ ବିଜେଡି ରାଜ୍ୟ ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସଙ୍କୁ ଟାର୍ଗେଟ କରିଛନ୍ତି ବବିଙ୍କ ଭିଣୋଇ ତଥା ସିନେ ତାରକା ଓ ବିଜେପି ନେତା ଅରିନ୍ଦମ ରାୟ । ମହୋତ୍ସବରେ ଅତିଥି ଭାବେ ଯୋଗ ଦେଇ ଅରିନ୍ଦମ ରାୟ ମହୋତ୍ସବ ମଞ୍ଚରେ ବବିଙ୍କୁ ନିଶାନା କରି କଟାକ୍ଷ କରିଥିଲେ । ଆଗରୁ ଯେଉଁମାନେ ଭ୍ରଷ୍ଟାଚାରରେ ଲିପ୍ତ ଥିଲେ ତାଙ୍କ ପ୍ରତି କୋରେଇ ବିଧାୟକ ଆକାଶ ଦାସ ନାୟକ ଷ୍ଟ୍ରିକ୍ଟ ଆକ୍ସନ ନେଉଛନ୍ତି କହି ସେ ବବି ଦାସ ଙ୍କୁ ଟାର୍ଗେଟ କରିଛନ୍ତି । କରଦା ହରିହାଟ ମହୋତ୍ସବ ପ୍ରତିବର୍ଷ ପାଳନ ହୋଇଥାଏ । ଏହି ମେଳା ପ୍ରାୟ ୧୦ ଦିନ ଧରି ଚାଲିଥାଏ । ଏହି ମହୋତ୍ସବରେ ସ୍ଥାନୀୟ ବିଧାୟକ, ସାଂସଦ ଓ ଅନ୍ୟ ଅତିଥିମାନେ ଯୋଗ ଦେଇଥାନ୍ତି । ମହୋତ୍ସବରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଓ ଧାର୍ମିକ ଉତ୍ସବ ଆୟୋଜନ କରାଯାଇଥାଏ । ପୂର୍ବରୁ, ବିଜେଡି ଛାଡ଼ି ବିଜେପିରେ ଯୋଗ ଦେଇଥିଲେ ଅଭିନେତା ଅରିନ୍ଦମ ରାୟ । ବିଜେଡି ସଭାପତି ନବୀନ ପଟ୍ଟନାୟକ କିମ୍ବା ନବୀନଙ୍କ ଦ୍ୱାରା ନିଯୁକ୍ତ ସଦସ୍ୟମାନେ ତାଙ୍କ କାର୍ଯ୍ୟକୁ ସ୍ୱୀକୃତି ଦେଇନଥିବା ସେ ଅଭିଯୋଗ କରିଥିଲେ । Post navigation Railway Budget: ଓଡ଼ିଶାକୁ ‘ଅଶ୍ବିନୀ’ଙ୍କ ବଡ଼ ଉପହାର; ପୁଣି ରେକର୍ଡ ୧୦,୯୨୮ କୋଟି
