ଇତିହାସ ରଚିଲା DRDO । ଭାରତ ପ୍ରତିରକ୍ଷା କ୍ଷେତ୍ରରେ ଏକ ଗୁରୁତ୍ୱପୂର୍ଣ୍ଣ ସଫଳତା ହାସଲ କରିଛି। ଟ୍ରେନ୍ରୁ ଉତ୍କ୍ଷେପଣ ହେଲା ମିଜାଇଲ୍ ‘ଅଗ୍ନି’ । ପ୍ରଥମ ଥର ଟ୍ରେନ୍ରୁ ଉତ୍କ୍ଷେପଣ ହେଲା ମିଜାଇଲ୍ ଅଗ୍ନି ପ୍ରାଇମ୍ । ମଧ୍ୟମ ଦୂରଗାମୀ ବାଲିଷ୍ଟିକ୍ ମିଜାଇଲ୍ ଅଗ୍ନି ପ୍ରାଇମ୍ର ସଫଳ ଉତ୍କ୍ଷେପଣ ହୋଇଛି । ରେଳ ଆଧାରିତ ମୋବାଇଲ୍ ଲଞ୍ଚରରୁ ହେଲା ଉତ୍କ୍ଷେପଣ । ଏହି କ୍ଷେପଣାସ୍ତ୍ରର ୨,୦୦୦ କିଲୋମିଟର ପର୍ଯ୍ୟନ୍ତ ଲକ୍ଷ୍ୟଭେଦ କରିବାର କ୍ଷମତା ଅଛି। ଏହି ସଫଳତା ପାଇଁ ଅଭିନନ୍ଦନ ଜଣାଇଛନ୍ତି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ । ସେ ନିଜ ସୋସିଆଲ ମିଡିଆ ପୋଷ୍ଟରେ କହିଛନ୍ତି ଯେ ଭାରତ ରେଳ-ଭିତ୍ତିକ ମୋବାଇଲ୍ ଲଞ୍ଚର୍ ସିଷ୍ଟମରୁ ମଧ୍ୟମ-ଦୂରଗାମୀ ଅଗ୍ନି-ପ୍ରାଇମ୍ କ୍ଷେପଣାସ୍ତ୍ରର ସଫଳତାର ସହିତ ପରୀକ୍ଷଣ କରିଛି। ଏହି ପରବର୍ତ୍ତୀ ପିଢ଼ିର କ୍ଷେପଣାସ୍ତ୍ର ୨,୦୦୦ କିଲୋମିଟର ପର୍ଯ୍ୟନ୍ତ ଲକ୍ଷ୍ୟଭେଦ କରିବା ପାଇଁ ଡିଜାଇନ୍ କରାଯାଇଛି ଏବଂ ଏଥିରେ ଅନେକ ଉନ୍ନତ ବୈଶିଷ୍ଟ୍ୟ ଅଛି । ଆଜିର ଏହି ପ୍ରଥମ ପ୍ରକାରର ଉତକ୍ଷେପଣ ଏକ ସ୍ୱତନ୍ତ୍ର ଭାବରେ ଡିଜାଇନ୍ ହୋଇଥିବା ରେଳ-ଆଧାରିତ ମୋବାଇଲ୍ ଲଞ୍ଚରରୁ କୌଣସି ପୂର୍ବ ସର୍ତ୍ତ ବିନା ରେଳ ନେଟୱାର୍କରେ ଗତି କରିବାର କ୍ଷମତା ରଖିଛି, ଯାହା ସାରା ଦେଶରେ ବ୍ୟବହାରକାରୀଙ୍କୁ ଗତିଶୀଳତା ପ୍ରଦାନ କରେ ଏବଂ କମ୍ ଦୃଶ୍ୟମାନତାରେ ମଧ୍ୟ କମ୍ ପ୍ରତିକ୍ରିୟା ସମୟ ସହିତ ଉତକ୍ଷେପଣକୁ ଅନୁମତି ଦିଏ। Post navigation ଭିଜିଲାନ୍ସ ଜାଲରେ କାର୍ଯ୍ୟନିର୍ବାହୀ ଯନ୍ତ୍ରୀ ଅଳିଆରୁ ପ୍ରସ୍ତୁତ ହେବ ଏନର୍ଜି, ନିର୍ମାଣ ହେବ ପ୍ଲାଣ୍ଟ: ମୁଖ୍ୟମନ୍ତ୍ରୀ
