ବିଜେପିରେ ସାମିଲ ହେଲେ ରଘୁବର ଦାସ

ଆଜି ପୁଣି ଥରେ ବିଜେପିରେ ସାମିଲ୍ ହେଲେ ଓଡ଼ିଶାର ପୂର୍ବତନ ରାଜ୍ୟପାଳ ତଥା ଝାଡ଼ଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ରଘୁବର ଦାସ । ରାଞ୍ଚି ସ୍ଥିତ ବିଜେପି ମୁଖ୍ୟାଳୟରେ ସେ ବିଜେପିରେ ସାମିଲ ହୋଇଛନ୍ତି । ଏହି ଅବସରରେ, ବିଜେପି କର୍ମୀମାନଙ୍କୁ ପ୍ରେରଣା ଦେବା ସହିତ ସେ କହିଛନ୍ତି, ଯଦି ରାଜ୍ୟପାଳ ହେବା ମର୍ଯ୍ୟାଦାର ବିଷୟ, ତେବେ ଭାଜପା ଭଳି ଦଳର ସଂଗଠନର ଦାସ ହେବା ଗର୍ବର ବିଷୟ। ମୁଁ ଜଣେ ସେବକ ଭାବରେ ଦଳରେ ଯୋଗ ଦେଇଛି ଏବଂ ଶେଷ ନିଶ୍ୱାସ ପର୍ଯ୍ୟନ୍ତ ଏହାର ସେବା କରିବି।୨୦୨୫ରୁ ନୂଆ ଉର୍ଜ୍ଜା ଓ ନୂଆ ଲକ୍ଷ୍ୟ ନେଇ ଆମେ କାମ କରିବା । ସମ୍ପ୍ରତି ବିଧାନସଭା ନିର୍ବାଚନର ଫଳାଫଳ ଆମ ଦଳ ପାଇଁ ଅନୁକୂଳ ହୋଇନାହିଁ, କିନ୍ତୁ ଆମକୁ ଏଥିରେ ନିରାଶ ହେବା ଉଚିତ୍‌ ନୁହେଁ। ଯଦି ସରକାର ଛଅ ମାସ ପରେ ତାଙ୍କର ପ୍ରତିଶ୍ରୁତି ପୂରଣ ନ କରନ୍ତି, ତେବେ ବିଜେପି ରାସ୍ତାରୁ ଗୃହ ପର୍ଯ୍ୟନ୍ତ ପ୍ରତିବାଦ କରିବ। ଯଦି ସରକାର ଛଅ ମାସ ପରେ ଲୋକଙ୍କୁ ଦେଇଥିବା ପ୍ରତିଶ୍ରୁତି ପୂରଣ ନ କରନ୍ତି, ତେବେ ବିଜେପି ରାସ୍ତାରୁ ଗୃହ ପର୍ଯ୍ୟନ୍ତ ପ୍ରତିବାଦ କରିବ। ଲୋକଙ୍କ ହିତ ସାଧନ ପାଇଁ ସଙ୍ଘର୍ଷ କରିବାକୁ ସେ କର୍ମୀଙ୍କୁ ଆହ୍ୱାନ ଦେଇଛନ୍ତି ।

ରଘୁବର ଦାସ ଆଉ ମଧ୍ୟ କହିଛନ୍ତି ରଘୁବର ଦାସ କହିଛନ୍ତି ଯେ ଆଜି ମୋ ପାଇଁ ଏକ ଐତିହାସିକ ଦିନ। ୧୯୮୦ ପରେ ମୁଁ ଦ୍ୱିତୀୟ ଥର ପାଇଁ ଦଳର ସଦସ୍ୟତା ନେଉଛି। ରାଜ୍ୟପାଳ ଭାବରେ ମୋର ନିଯୁକ୍ତିର ବିଜ୍ଞପ୍ତି ଜାରି ହେବା ପରେ, ୨୬ ଅକ୍ଟୋବର ୨୦୨୩ରେ ଯେତେବେଳେ ମୁଁ ଦଳର ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା ଜୀଙ୍କୁ ମୋର ଇସ୍ତଫାପତ୍ର ପ୍ରଦାନ କରିଥିଲି, ତାହା ମୋ ପାଇଁ ଏକ ଅତ୍ୟନ୍ତ ଭାବପ୍ରବଣ ମୁହୂର୍ତ୍ତ ଥିଲା।