ଭୁବନେଶ୍ୱର ରେ ନ୍ୟାସନାଲ ସ୍କୁଲ ଅଫ ଡ୍ରାମା ର ନୂଆ ଶାଖା

ଭୁବନେଶ୍ୱରରେ ନ୍ୟାସନାଲ ସ୍କୁଲ ଅଫ୍ ଡ୍ରାମା (ଏନଏସଡି) ର ଏକ ଶାଖା ପ୍ରତିଷ୍ଠା ପାଇଁ ଓଡ଼ିଶା ସରକାର ଏକ ପ୍ରସ୍ତାବକୁ ଅନୁମୋଦନ କରିଛନ୍ତି ବୋଲି ରାଜ୍ୟ ମନ୍ତ୍ରୀ ସୂର୍ଯ୍ୟବଂଶୀ ସୁରଜ କହିଛନ୍ତି। ପ୍ରାରମ୍ଭିକ ପର୍ଯ୍ୟାୟରେ ଏହା ଭୁବନେଶ୍ୱରର ଗୁରୁ କେଳୁଚରଣ ମହାପାତ୍ର ଓଡ଼ିଶୀ ଗବେଷଣା କେନ୍ଦ୍ରରେ ଅସ୍ଥାୟୀ ଭାବେ କାର୍ଯ୍ୟ କରିବ।

ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ମନ୍ତ୍ରୀ ସୁରଜ କହିଛନ୍ତି ଯେ ଏନଏସଡିର ଶାଖା ଓଡ଼ିଶା ପାଇଁ ଏକ ସମ୍ମାନଜନକ ମାଇଲଖୁଣ୍ଟ, ଯାହା ଥିଏଟର ଏବଂ ଅଭିନଯ଼ରେ କ୍ୟାରିଅର ଗଢ଼ିବାକୁ ଚାହୁଁଥିବା ଛାତ୍ରମାନଙ୍କ ପାଇଁ ଏକ ସୁବର୍ଣ୍ଣ ସୁଯୋଗ ପ୍ରଦାନ କରୁଛି। ଏହା ଓଡ଼ିଆ ଥିଏଟରକୁ ପ୍ରୋତ୍ସାହନ ଏବଂ ବିସ୍ତାର କରିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବ, ଆଞ୍ଚଳିକ ବର୍ଣ୍ଣନା ଏବଂ ପାରମ୍ପାରିକ ନାଟକକୁ ଜାତୀୟ ତଥା ବିଶ୍ୱ ଦରବାର ରେ ଲୋକଲୋଚନ କୁ ଆଣିବ।

ଓଡ଼ିଆ ଥିଏଟରର ଗୁରୁତ୍ୱ ଉପରେ ଆଲୋକପାତ କରି ସୁରଜ କହିଛନ୍ତି, “ଓଡ଼ିଶାର ସମୃଦ୍ଧ ଇତିହାସ, ସାହିତ୍ୟ,କଳା ଏବଂ ସଂସ୍କୃତି ନାଟକ କଳାମାଧ୍ୟମରେ ଆଗେଇ ଆସିଛି ଯାହା ଆଗାମୀ ପିଢ଼ି କୁ ହସ୍ତାରିନ୍ତ ହେଇଛି | ଏନ୍. ଏସ୍. ଡି. ର ଏଇ ଶାଖା ଓଡ଼ିଆ ଥିଏଟର ପ୍ରଡକ୍ସନର ଉନ୍ନତି ପାଇଁ ଏକ ପ୍ରେରଣା ର ଉତ୍ସ ବନିବ |ଚଳିତ ବର୍ଷ ୨୮ଜଣ ଛାତ୍ରଛାତ୍ରୀ ନାମ ଲେଖାଇବାର ସୁଯୋଗ ପାଇବେ । ଆସନ୍ତା ୨୫ରୁ ନାମଲେଖା ପ୍ରକ୍ରିୟା ଆରମ୍ଭ ହେବା ନେଇ ସୂଚନା ଦେଇଛନ୍ତି ମନ୍ତ୍ରୀ |