ସ୍ୱାୟତ୍ତ ଶାସନ ଦିବସ କାର୍ଯ୍ୟକ୍ରମକୁ ମେୟରଙ୍କୁ ଅସମ୍ମାନ ଅଭିଯୋଗ

ଆଜି ସାରା ରାଜ୍ୟ ପାଳୁଛି ସ୍ୱାୟତ୍ତ ଶାସନ ଦିବସ। ସ୍ୱାୟତ୍ତ ଶାସନ ଦିବସ ଅବସରରେ ମାନନୀୟ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଅଭାସୀ ମାଧ୍ୟମରେ ସମଗ୍ର ରାଜ୍ୟରେ ୧୧୫୧ କୋଟି ଟଙ୍କାର ୪୮୧ଟି ବିଭିନ୍ନ ଉନ୍ନତିମୂଳକ ପ୍ରକଳ୍ପର ଶିଳାନ୍ୟାସ ଓ ଲୋକାର୍ପଣ କରିଛନ୍ତି । ଏହି କାର୍ଯ୍ୟକ୍ରମରେ ବସିବା ପ୍ରସଙ୍ଗକୁ ନେଇ ମେୟର ସୁଲୋଚନା ଦାସଙ୍କୁ ଅସମ୍ମାନ କରାଯାଇଥିବା ଅଭିଯୋଗ କରାଯାଇଥିବା ସାମ୍ନାକୁ ଆସିଛି। ମେୟର ଗଣମାଧ୍ୟମରେ ପ୍ରତିକ୍ରିୟା ଦେଇ କହିଛନ୍ତି

କାର୍ଯ୍ୟକ୍ରମରେ ମତେ ଅସମ୍ମାନ ଦିଆଯାଇଛି । କାର୍ଯ୍ୟକ୍ରମକୁ ଡାକିଲେ କିନ୍ତୁ ବସିବାକୁ ସିଟ୍‌ ଦେଲେନି ଏହା କେତେ ଦୂର ଠିକ୍।ଅନ୍ୟପଟେ ମେୟର କରିଥିବା ଅଭିଯୋଗ ପରେ ପ୍ରତିକ୍ରିୟା ଦେଇଛନ୍ତି ମନ୍ତ୍ରୀ କୃଷ୍ଣଚନ୍ଦ୍ର ମହାପାତ୍ର । ସେ କହିଛନ୍ତି ଆମେ ସବୁବେଳେ ନିରପେକ୍ଷ ଭାବରେ କାର୍ଯ୍ୟ କରୁଛୁ । ବିଭାଗୀୟ ଅଧିକାରୀଙ୍କ ସହିତ ଏନେଇ କଥା ହେବି ।