ବିଜେପି ଛାଡିଲେ ବରିଷ୍ଠ ନେତା ରଘୁନାଥ ମହାନ୍ତି

ଭୁବନେଶ୍ୱର: ବରିଷ୍ଠ ନେତା ରଘୁନାଥ ମହାନ୍ତି ବର୍ତ୍ତମାନ ବିଜେପି ଛାଡ଼ିବା ଖବର ସାମ୍ନାକୁ ଆସିଛି । ଇସ୍ତଫା ପତ୍ର ରାଜ୍ୟ ସଭାପତିଙ୍କ ନିକଟକୁ ପଠାଇଛନ୍ତି ବୋଲି କହିଲେ । ରଘୁନାଥ ବସ୍ତା ବିଧାନସଭା କ୍ଷେତ୍ରରୁ ୫ଥର ପ୍ରତିନିଧିତ୍ୱ କରିଥିଲେ । ସରକାରୀ ଦଳ ମୁଖ୍ୟ ସଚେତକ ଓ ମନ୍ତ୍ରୀ ଥିଲେ ରଘୁବର ମହାନ୍ତି ।

ସୂଚନା ଅନୁଯାୟୀ, ବଧୂ ନିର୍ଯାତନା ମାମଲାରେ ସେ ଗିରଫ ହୋଇଥିଲେ । ଗିରଫ କରାଯିବା ପରେ ରଘୁଙ୍କୁ ବିଜେଡି ନିଲମ୍ବିତ କରିଥିଲା ।

ପରବର୍ତ୍ତୀ ଅବସ୍ଥାରେ ରଘୁନାଥ ମହାନ୍ତି ୨୦୧୯ ମସିହାରେ ବିଜେପିରେ ଯୋଗଦେଇଥିଲେ ଓ ବସ୍ତାରୁ ପ୍ରତିଦ୍ବନ୍ଦିତା କରି ତୃତୀୟ ସ୍ଥାନ ହାସଲ କରିଥିଲେ । ବର୍ତ୍ତମାନ ସେ ଦଳରୁ ଇସ୍ତଫା ଦେଇଛନ୍ତି । ଏହା ପରେ ସେ କେଉଁ ଦଳରେ ଯୋଗ ଦେବା ନେଇ କୌଣସି ସ୍ପଷ୍ଟ ହୋଇନାହିଁ । କିନ୍ତୁ ମିଳିଥିବା ସୂଚନା ଅନୁସାରେ ସେ ବିଜେଡିରେ ଯୋଗ ଦେଇ ପାରନ୍ତି ।