ବିଧାନସଭାରେ ଅଭାବନୀୟ ପରିସ୍ଥିତି: ତାରା ବାହିନୀପତି, ଜୟନାରାୟଣ ହାତାହାତି

ତଥାପି ବିରୋଧୀଙ୍କ ପ୍ରବଳ ବିରୋଧ ଏବଂ ହଙ୍ଗାମା ସତ୍ତ୍ୱେ ପ୍ରଶ୍ନୋତ୍ତରକାଳ ଜାରି ରହିଥିଲା । ନଗର ଉନ୍ନୟନ ମନ୍ତ୍ରୀ କୃଷ୍ଣଚନ୍ଦ୍ର ମହାପାତ୍ରଙ୍କ ବିଭାଗକୁ ପଚରାଯାଇଥିବା ପ୍ରଶ୍ନର ଉତ୍ତର ରଖିଥିଲେ । ଉନ୍ନୟନ ମନ୍ତ୍ରୀ ଉତ୍ତର ରଖୁଥିବା ବେଳେ ଜୟନାରାୟଣ ମିଶ୍ର ଓ ତାରା ପ୍ରସାଦ ବାହିନୀପତିଙ୍କ ଭିତରେ ହାତାହାତି ହୋଇଥିଲେ। ପରିସ୍ଥିତି ଆହୁରି ବିଗିଡ଼ିବା ଆରମ୍ଭ ହୋଇଥିଲା । ବିରୋଧୀ ସଦସ୍ୟମାନେ ପ୍ଲାଏ କାର୍ଡ ଫିଙ୍ଗିବା ଆରମ୍ଭ କରିଦେଲେ । ତାରା ପ୍ରସାଦ ବାହିନୀପତି ମନ୍ତ୍ରୀଙ୍କ ମାଇକକୁ ବନ୍ଦ କରିବାକୁ ଚେଷ୍ଟା କରିଥିଲେ । ଏହି ସମୟରେ ବିଜେପି ବିଧାୟକମାନେ ଚେୟାରରୁ ଉଠି ବିରୋଧ କରିବା ଆରମ୍ଭ କରିଦେଇଥିଲେ । ବାଚସ୍ପତି ବାରମ୍ବାର ଗୃହ କାର୍ଯ୍ୟକୁ ସୁରୁଖର ଚାଲିବାକୁ ଅନୁରୋଧ କରିବା ସତ୍ତ୍ୱେ ପରିସ୍ଥିତି ଅଣାୟତ ହେବାରୁ ଗୃହକୁ  ୧୨ଟା ଯାଏ ମୁଲତବୀ ଘୋଷଣା କରାଯାଇଥିଲା ।

ତେବେ କଂଗ୍ରେସ ବିଧାୟକ ତାରା ପ୍ରସାଦ ବାହିନୀପତି ଅଭିଯୋଗ କରିଛନ୍ତି ଯେ ଜୟ ନାରାୟଣ ମିଶ୍ର ତାଙ୍କ ସାର୍ଟ କଲାର୍ କୁ ଟାଣିଛନ୍ତି । ସେପଟେ ବିରୋଧୀ ସଦସ୍ୟମାନେ ଶାନ୍ତିର ସହିତ ପ୍ରତିବାଦ କରିବା ବଦଳରେ ଗୃହର ମର୍ଯ୍ୟାଦା ଭଙ୍ଗ କରିଛନ୍ତି ବୋଲି କହିଛନ୍ତି ବିଜେପି ବିଧାୟକ ଅଶୋକ ମହାନ୍ତି ।