ମହାରାଷ୍ଟ୍ରର ୱାର୍ଦ୍ଧାଠାରେ ଜାତୀୟ ପିଏମ୍ ବିଶ୍ୱକର୍ମା କାର୍ଯ୍ୟକ୍ରମକୁ ସମ୍ବୋଧିତ କଲେ ପ୍ରଧାନମନ୍ତ୍ରୀ

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ମହାରାଷ୍ଟ୍ରର ୱାର୍ଦ୍ଧାଠାରେ ଜାତୀୟ ପ୍ରଧାନମନ୍ତ୍ରୀ ବିଶ୍ୱକର୍ମା କାର୍ଯ୍ୟକ୍ରମକୁ ସମ୍ବୋଧନ କରିଛନ୍ତି । ପ୍ରଧାନମନ୍ତ୍ରୀ ‘ଆଚାର୍ଯ୍ୟ ଚାଣକ୍ୟ ଦକ୍ଷତା ବିକାଶ’ ଯୋଜନା ଏବଂ ‘ପୁଣ୍ୟଶ୍ଳୋକ ଅହଲ୍ୟାଦେବୀ ହୋଲକର ମହିଳା ଷ୍ଟାର୍ଟଅପ୍ ଯୋଜନା’ର ଶୁଭାରମ୍ଭ କରିଥିଲେ । ସେ ପ୍ରଧାନମନ୍ତ୍ରୀ ବିଶ୍ବକର୍ମା ହିତାଧୁକାରୀଙ୍କୁ ସାର୍ଟିଫିକେଟ୍ ଏବଂ ରଣ ପ୍ରଦାନ କରିବା ସହ ପ୍ରଧାନମନ୍ତ୍ରୀ ବିଶ୍ବକର୍ମା ଅଧୀନରେ ପ୍ରଗତିର ଏକ ବର୍ଷ ପୂର୍ତ୍ତି ଅବସରରେ ସମର୍ପିତ ଏକ ସ୍ମାରକୀ ଟିକଟ ମଧ୍ଯ ଉନ୍ମୋଚନ କରିଥିଲେ। ମୋଦୀ ମହାରାଷ୍ଟ୍ରର ଅମରାବତୀଠାରେ ପ୍ରଧାନମନ୍ତ୍ରୀ ମେଗା ସମନ୍ବିତ ଟେକ୍ସଟାଇଲ୍ ରିଜିୟନ୍ସ ଆଣ୍ଡ୍ ଆପାରେଲ୍ (ପିଏମ୍ ମିତ୍ର) ପାର୍କର ଶିଳାନ୍ୟାସ କରିଛନ୍ତି । ଏହି ଅବସରରେ ପ୍ରଦର୍ଶିତ ପ୍ରଦର୍ଶନୀକୁ ପ୍ରଧାନମନ୍ତ୍ରୀ ପଦଯାତ୍ରା କରିଥିଲେ।

ସମାବେଶକୁ ସମ୍ବୋଧିତ କରି ପ୍ରଧାନମନ୍ତ୍ରୀ ଦୁଇ ଦିନ ପୂର୍ବେ ବିଶ୍ୱକର୍ମା ପୂଜା ଉତ୍ସବକୁ ମନେ ପକାଇ କହିଥିଲେ ଯେ ଆଜି ୱାର୍ଦ୍ଧାରେ ଏକ ବର୍ଷିଆ ପିଏମ୍ ବିଶ୍ବକର୍ମା ଯୋଜନାର ସଫଳ ସମାପନ ଉତ୍ସବ ଅନୁଷ୍ଠିତ ହେଉଛି । ମହାତ୍ମା ଗାନ୍ଧୀ ୧୯୩୨ ମସିହାରେ ଆଜିର ଦିନରେ ଅସ୍ପୃଶ୍ୟତା ବିରୋଧରେ ଅଭିଯାନ ଆରମ୍ଭ କରିଥିବାରୁ ଆଜି ବିଶେଷ ବୋଲି ସେ କହିଛନ୍ତି। ସେ କହିଥିଲେ ଯେ ଆଜି ପିଏମ୍ ବିଶ୍ୱକର୍ମାର ଏକ ବର୍ଷ ପୂର୍ତ୍ତି ଏବଂ ୱାର୍ଦ୍ଧା ଭୂମିରୁ ଏହାର ପାଳନ, ଶ୍ରୀ ବିନୋବା ଭାବେଙ୍କ ସାଧନାସ୍ଥଳୀ ଏବଂ ମହାତ୍ମା ଗାନ୍ଧୀଙ୍କ କର୍ମଭୂମି, ଏହି ଅବସରକୁ ବିକଶିତ ଭାରତର ସଂକଳ୍ପରେ ନୂତନ ଶକ୍ତି ଆଣିବା ପାଇଁ ସଫଳତା ଏବଂ ପ୍ରେରଣାର ସଂଗମରେ ପରିଣତ କରିଛି । ପ୍ରଧାନମନ୍ତ୍ରୀ ବିଶ୍ବକର୍ମା ଯୋଜନା ମାଧ୍ଯମରେ ସରକାର ଦକ୍ଷତା ବିକାଶ ଏବଂ ଶ୍ରମରୁ ସମୃଦ୍ଧି ମାଧ୍ୟମରେ ଏକ ଉନ୍ନ‌ତ ଭବିଷ୍ୟତ ସୃଷ୍ଟି କରିବାକୁ ସଂକଳ୍ପ ନେଇଛନ୍ତି ଏବଂ ମହାତ୍ମା ଗାନ୍ଧୀଙ୍କ ଆଦର୍ଶ ଏହାକୁ ବାସ୍ତବରେ ପରିଣତ କରିବାର ମାଧ୍ୟମ ରେ ପରିଣତ ହେବ ବୋଲି ସେ କହିଥିଲେ । ଏହି ଅବସରରେ ପିଏମ ବିଶ୍ଵକର୍ମା ଯୋଜନା ସହ ଜଡ଼ିତ ସମସ୍ତଙ୍କୁ ପ୍ରଧାନମନ୍ତ୍ରୀ ଅଭିନନ୍ଦନ ଜଣାଇଥିଲେ ।

ପ୍ରଧାନମନ୍ତ୍ରୀ କହିଥିଲେ ଯେ ଆଜି ଫିଏମ ମିତ୍ର ପାର୍କର ଶିଳାନ୍ୟାସ କରାଯାଇଛି । ଆଜିର ଭାରତ ନିଜର ବୟନ ଶିଳ୍ପକୁ ବିଶ୍ବ ବଜାରର ଶୀର୍ଷରେ ପହ‌ଞ୍ଚାଇବା ପାଇଁ କାର୍ଯ୍ୟ କରୁଛି ବୋଲି ସେ ଆଲୋକପାତ କରିଥିଲେ । ସେ ଆହୁରି ମଧ୍ୟ କହିଛନ୍ତି ଯେ ଭାରତର ଲକ୍ଷ୍ୟ ହେଉଛି ଭାରତର ବୟନଶିଳ୍ପର ଶତାବ୍ଦୀ ପୁରୁଣା ପ୍ରସିଦ୍ଧି ଏବଂ ସ୍ବୀକୃତିକୁ ପୁନଃପ୍ରତିଷ୍ଠା କରିବା । ଅମରାବତୀରେ ପିଏମ ମିତ୍ର ପାର୍କ ଏହି ଦିଗରେ ଆଉ ଏକ ବଡ଼ ପଦକ୍ଷେପ ବୋଲି ଶ୍ରୀ ମୋଦୀ କହିଥିଲେ । ଏହି ସଫଳତା ପାଇଁ ସେ ଅମରାବତୀବାସୀଙ୍କୁ ଅଭିନନ୍ଦନ ଜଣାଇଛନ୍ତି।

ପ୍ରଧାନମନ୍ତ୍ରୀ ଆଲୋକପାତ କରିଥିଲେ ଯେ ପ୍ରଧାନମନ୍ତ୍ରୀ ବିଶ୍ବକର୍ମା ଯୋଜନାର ପ୍ରଥମ ବର୍ଷ ପୂର୍ତ୍ତି ପାଇଁ ମହାରାଷ୍ଟ୍ରର ୱାର୍ଦ୍ଧାକୁ ଚୟନ କରାଯାଇଥିଲା କାରଣ ଏହା କେବଳ ଅନ୍ୟ ଏକ ସରକାରୀ କାର୍ଯ୍ୟକ୍ରମ ନୁହେଁ ବରଂ ଭାରତକୁ ଏକ ବିକଶିତ ରାଷ୍ଟ୍ରରେ ପରିଣତ କରିବା ପାଇଁ ରୋଡମ୍ୟାପ୍ ଭାବରେ ପୁରୁଣା ପାରମ୍ପରିକ ଦକ୍ଷତାକୁ ବ୍ୟବହାର କରିବାର ଏକ ଯୋଜନା ଥିଲା । ଆମର ବଜ୍ର ପୁରୁଣା ପାରମ୍ପରିକ କୌଶଳ ଭାରତର ସମୃଦ୍ଧିର ଅନେକ ଗୌରବମୟ ଅଧ୍ୟାୟର ଆଧାର ବୋଲି ଦର୍ଶାଇ ସେ କହିଥିଲେ ଯେ ଆମର କଳା, ଇଞ୍ଜିନିୟରିଂ, ବିଜ୍ଞାନ ଏବଂ ଧାତୁବିଜ୍ଞାନ ସମଗ୍ର ବିଶ୍ବରେ ଅତୁଳନୀୟ । “ଆମେ ବିଶ୍ବର ସର୍ବବୃହତ ବୟନ ଶିଳ୍ପ ନିର୍ମାତା ଥିଲୁ”, ଶ୍ରୀ ମୋଦୀ ଆଲୋକପାତ କରିଥିଲେ । ପ୍ରଧାନମନ୍ତ୍ରୀ ଆହୁରି ମଧ୍ୟ କହିଛନ୍ତି, “ମାଟିକାମ ଏବଂ ସେହି ଦିନରେ ଡିଜାଇନ୍ ହୋଇଥିବା କୋଠାଗୁଡ଼ିକର କୌଣସି ମେଳ ନଥୁଲା । ବଢ଼େଇ, କମାର, ବଣିଆ, କୁମାର, ମୂର୍ତିଶିଳ୍ପୀ, ମୋଚି, ବଢ଼େଇ-ରାଜମିସ୍ତ୍ରୀ ଏବଂ ଏଭଳି ଅନେକ ପେସାଦାର ଭାରତର ସମୃଦ୍ଧିର ମୂଳଦୁଆ ହୋଇ ଏହି ଜ୍ଞାନ ଓ ବିଜ୍ଞାନକୁ ପ୍ରତ୍ୟେକ ଘରେ ପହଞ୍ଚାଇଥିଲେ ବୋଲି ମୋଦୀ କହିଥିଲେ । ଇଂରେଜମାନେ ଏହି ସ୍ବଦେଶୀ କୌଶଳକୁ ଲୋପ କରିବା ପାଇଁ ଅନେକ ଷଡ଼ଯନ୍ତ୍ର କରିଥିଲେ ବୋଲି ମନ୍ତବ୍ୟ ଦେଇ  ମୋଦୀ କହିଥିଲେ ଯେ ୱାର୍ଦ୍ଧାର ଏହି ଭୂମିରୁ ଗାନ୍ଧିଜୀ ଗ୍ରାମୀଣ ଶିଳ୍ପକୁ ପ୍ରୋତ୍ସାହିତ କରିଥିଲେ । ସ୍ବାଧୀନତା ପରେ ପରବର୍ତ୍ତୀ ସରକାରମାନେ ଏହି ଦକ୍ଷତାକୁ ଉଚିତ ସମ୍ମାନ ଦେଇନଥିବାରୁ ଦେଶର ଦୁର୍ଭାଗ୍ୟକୁ ନେଇ ସେ ଅସନ୍ତୋଷ ବ୍ୟକ୍ତ କରିଥିଲେ। ପୂର୍ବ ସରକାରମାନେ ହସ୍ତଶିଳ୍ପ ଓ କୌଶନକୁ ସମ୍ମାନ ଦେବା ଭୁଲି ବିଶ୍ୱଜର୍ମା ସମ୍ପ୍ରଦାୟକୁ କ୍ରମାଗତ ଭାବେ ଅବହେଳା କରି ଆସୁଥିଲେ ବୋଲି ମନ୍ତବ୍ୟ ଦେଇ ସେ ଦର୍ଶାଇଥିଲେ ଯେ ଫଳସ୍ବରୂପ ଭାରତ ପ୍ରଗତି ଓ ଆଧୁନିକତା ଦୌଡ଼ରେ ପଛରେ ପଡ଼ିଯାଇଥିଲା।

ସ୍ବାଧୀନତାର ୭୦ ବର୍ଷ ପରେ ପାରମ୍ପରିକ ଦକ୍ଷତାକୁ ନୂତନ ଶକ୍ତି ଆଣିବା ପାଇଁ ବର୍ତ୍ତମାନର ସରକାର ସଂକଳ୍ପ ନେଇଥିବା ଦର୍ଶାଇ ପ୍ରଧାନମନ୍ତ୍ରୀ ଉଲ୍ଲେଖ କରିଥିଲେ ଯେ ‘ସମ୍ମାନ, ସାମର୍ଥ୍ୟ, ସମୃଦ୍ଧି’, (“ସମ୍ମାନ, ସାମର୍ଥ୍ୟ ଏବଂ ସମୃଦ୍ଧି) ପ୍ରଧାନମନ୍ତ୍ରୀ ବିଶ୍ବକର୍ମା ଯୋଜନାର ଭାବନା ସୃଷ୍ଟି କରେ”। ପାରମ୍ପରିକ ହସ୍ତଶିଳ୍ପ ପ୍ରତି ସମ୍ମାନ, କାରିଗରଙ୍କ ସଶନ୍ତୀକରଣ ଏବଂ ବିଶ୍ବକର୍ମାଙ୍କ ପାଇଁ ସମୃଦ୍ଧି ଆମର ଲକ୍ଷ୍ୟ ବୋଲି ପ୍ରଧାନମନ୍ତ୍ରୀ କଢିଥିଲେ ।

ପ୍ରଧାନମନ୍ତ୍ରୀ ବିଶ୍ୱକର୍ମାଙ୍କୁ ସଫଳ କରିବା ପାଇଁ ବିଭିନ୍ନ ବିଭାଗର ବ୍ୟାପକ ଏବଂ ଅଦ୍ଭୁତପୂର୍ବ ସହଯୋଗ ପ୍ରତି ପ୍ରଧାନମନ୍ତ୍ରୀ ଦୃଷ୍ଟି ଆକର୍ଷଣ କରିଥିଲେ ଏବଂ ୭୦୦ରୁ ଅଧିକ ଜିଲ୍ଲା, ୨.୫ ଲକ୍ଷ ଗ୍ରାମ ପଞ୍ଚାୟତ, ୫୦୦୦ ସହରାଞ୍ଚଳ ସ୍ଥାନୀୟ ୟୁନିଟ୍ ଏହି ଯୋଜନାକୁ ତ୍ବରାନ୍ବିତ କରୁଛନ୍ତି ବୋଲି ସୂଚନା ଦେଇଥିଲେ । ଶ୍ରୀ ମୋଦୀ ଆହୁରି ମଧ୍ୟ କହିଛନ୍ତି ଯେ ଗତ ବର୍ଷରେ ୧୮ଟି ଭିନ୍ନ ଭିନ୍ନ ପାରମ୍ପରିକ ଦକ୍ଷତା ଥିବା ୨୦ ଲକ୍ଷରୁ ଅଧିକ ଲୋକଙ୍କୁ ପ୍ରଧାନମନ୍ତ୍ରୀ ବିଶ୍ୱକର୍ମା ଯୋଜନା ସହିତ ଯୋଡାଯାଇଛି । ଅତ୍ୟାଧୁନିକ ଯନ୍ତ୍ରପାତି ଓ ଡିଜିଟାଲ ଉପକରଣ ପ୍ରଚଳନ ସହ ୮ ଲକ୍ଷରୁ ଅଧ‌ିକ କାରିଗର ଓ ଶିଳ୍ପୀକାରଙ୍କୁ ଦକ୍ଷତା ପ୍ରଶିକ୍ଷଣ ଓ ଉନ୍ନତିକରଣ ପ୍ରଦାନ କରାଯାଇଛି। କେବଳ ମହାରାଷ୍ଟ୍ରରେ ୬୦ ହଜାରରୁ ଅଧ‌ିକ ଲୋକଙ୍କୁ ଦକ୍ଷତା ପ୍ରଶିକ୍ଷଣ ଦିଆଯାଇଛି। ଉତ୍ପାଦକତା ଏବଂ ଉତ୍ପାଦର ଗୁଣବରା ବୃଦ୍ଧି ପାଇଁ ୬ ଲକ୍ଷରୁ ଅଧ‌ିକ ବିଶ୍ବକର୍ମାଙ୍କୁ ଅତ୍ୟାଧୁନିକ ଉପକରଣ, ୧୫,୦୦୦ ଟଙ୍କାର ଲ-ଭାଉଚର ଏବଂ ସେମାନଙ୍କ ବ୍ୟବସାୟ ସମ୍ପ୍ରସାରଣ ପାଇଁ ବିନା ଗ୍ୟାରେଣ୍ଟିରେ ୩ ଲକ୍ଷ ଟଙ୍କା ପର୍ଯ୍ୟନ୍ତ ରଣ ଯୋଗାଇ ଦିଆଯାଇଛି ବୋଲି ପ୍ରଧାନମନ୍ତ୍ରୀ ମୋଦୀ ସୂଚନା ଦେଇଛନ୍ତି। ବର୍ଷକ ମଧ୍ୟରେ ବିଶ୍ବକର୍ମାମାନଙ୍କୁ ୧୪୦୦ କୋଟି ଟଙ୍କାର ଋଣ ଦିଆଯାଇଥିବାରୁ ପ୍ରଧାନମନ୍ତ୍ରୀ ସନ୍ତୋଷ ବ୍ୟକ୍ତ କରିଥିଲେ ।

ପାରମ୍ପରିକ ଦକ୍ଷତା ପ୍ରତି ଅନୁସୂଚିତ ଜାତି, ଜନଜାତି ଏବଂ ଓବିସି ସମ୍ପ୍ରଦାୟର ଅବଦାନକୁ ଉଲ୍ଲେଖ କରି ପ୍ରଧାନମନ୍ତ୍ରୀ ପୂର୍ବ ସରକାରମାନଙ୍କ ସମୟରେ ସେମାନେ ସମ୍ମୁଖୀନ ହୋଇଥିବା ଅବହେନାକୁ ନେଇ ଦୁଃଖ ପ୍ରକାଶ କରିଥିଲେ ଏବଂ କହିଥିଲେ ଯେ ବର୍ତ୍ତମାନର ସରକାର ହିଁ ପଛୁଆ ବିରୋଧୀ ମାନସିକତାର ବ୍ୟବସ୍ଥାକୁ ଶେଷ କରିଛନ୍ତି । ଗତବର୍ଷର ପରିସଂଖ୍ୟାନ ଉପରେ ଆଲୋକପାତ କରି ସେ ଜହିଁଥିଲେ ଯେ ଏସସି, ଏସଟି ଏବଂ ଓବିସି ସମ୍ପ୍ରଦାୟ ବିଶ୍ବକର୍ମା ଯୋଜନାର ସର୍ବାଧ‌ିକ ଲାଭ ନେଉଛନ୍ତି । ବିଶ୍ୱକର୍ମା ସମ୍ପ୍ରଦାୟର ଲୋକମାନେ କେବଳ କାରିଗର ହୋଇ ରହିବେ ନାହିଁ ବରଂ ଉଦ୍ୟୋଗୀ ଓ ବ୍ୟବସାୟୀ ହୁଅନ୍ତୁ ବୋଲି ଇଚ୍ଛା ପ୍ରକାଶ କରି ପ୍ରଧାନମନ୍ତ୍ରୀ ବିଶ୍ବକର୍ମାମାନଙ୍କ କାର୍ଯ୍ୟକୁ ଏମଏସଏମଇ ମାନ୍ୟତା ପ୍ରଦାନ କରିବା ବିଷୟରେ ଉଲ୍ଲେଖ କରିଥିଲେ ।

ବିଶ୍ବକର୍ମାମାନଙ୍କୁ ବଡ଼ ବଡ଼ କଂପାନିର ଯୋଗାଣ ଶୃଙ୍ଖଳାର ଏକ ଅଂଶ କରିବା ପାଇଁ ପାରମ୍ପରିକ ଉତ୍ପାଦଗୁଡିକୁ ମାର୍କେଟିଂ କରାଯାଇଥିବା ୱାନ୍ ଡିଷ୍ଟ୍ରିକ୍ଟ ୱାନ୍ ପ୍ରଡକ୍ଟ ଏବଂ ଏକତା ମଲ୍ ଭଳି ପ୍ରୟାସ ବିଷୟରେ ସେ କହିଥିଲେ।

ପ୍ରଧାନମନ୍ତ୍ରୀ ମୋଦୀ ଓଏନଡିସି ଏବଂ ଜିଇଏମ ବିଷୟରେ ସ୍ପର୍ଶ କରିଥିଲେ ଯାହା କାରିଗର ଏବଂ ଶିଳ୍ପୀକାରମାନଙ୍କ ପାଇଁ ସେମାନଙ୍କର ବ୍ୟବସାୟ ବିସ୍ତାର ପାଇଁ ଏକ ମାଧ୍ୟମ ପାଲଟିଛି । ଅର୍ଥନୈତିକ ପ୍ରଗତିରେ ପଛରେ ପଡ଼ିଥିବା ସାମାଜିକ ବର୍ଗ ଏବେ ବିଶ୍ୱର ତୃତୀୟ ବୃହତ୍ତମ ଅର୍ଥନୀତିରେ ଗୁରୁତ୍ବପୂର୍ଣ ଭୂମିକା ଗ୍ରହଣ କରିବେ ବୋଲି ସେ ଗୁରୁତ୍ୱାରୋପ କରିଥିଲେ । “ସ୍କୁଲ୍ ଇଣ୍ଡିଆ ମିଶନ ଏହାକୁ ଆହୁରି ସୁଦୃଢ଼ କରୁଛି”, ସେ କହିଥିଲେ । ଦକ୍ଷତା ବିକାଶ କାର୍ଯ୍ୟକ୍ରମ ଅଧୀନରେ ମୋଦୀ ସୂଚନା ଦେଇଥିଲେ ଯେ ଦେଶର କୋଟି କୋଟି ଯୁବକ ଆଜିର ଆବଶ୍ୟକତା ଅନୁଯାୟୀ ତାଲିମ ଲାଭ କରିଛନ୍ତି । ସ୍କୁଲ୍ ଇଣ୍ଡିଆ ଭଳି କାର୍ଯ୍ୟକ୍ରମ ମାଧ୍ଯମରେ ଭାରତର ଦକ୍ଷତାକୁ ସମଗ୍ର ବିଶ୍ବରେ ସ୍ବୀକୃତି ଦିଆଯାଉଛି ବୋଲି ଉଲ୍ଲେଖ କରି ଶ୍ରୀ ମୋଦୀ ଗର୍ବର ସହ ସୂଚନା ଦେଇଥିଲେ ଯେ ଚଳିତ ବର୍ଷ ପ୍ରାରମ୍ଭରେ ଫ୍ରାନ୍ସରେ ଆୟୋଜିତ ବିଶ୍ବ ଦକ୍ଷତା ଉପରେ ଏକ ବିଶାଳ କାର୍ଯ୍ୟକ୍ରମରେ ଭାରତ ଏକାଧିକ ପୁରସ୍କାର ଜିତିଛି ।

ମହାରାଷ୍ଟ୍ର ବୟନ ଶିଳ୍ପର ବିପୁଳ ସମ୍ଭାବନା ଥିବା ଏକ ରାଜ୍ୟ ବୋଲି ପ୍ରଧାନମନ୍ତ୍ରୀ ଗୁରୁତ୍ୱାରୋପ କରିଥିଲେ । ସେ ଦର୍ଶାଇଥିଲେ ଯେ ବିବ୍ରତ ଅଞ୍ଚଳ ଉଚ୍ଚମାନର କପା ଉତ୍ପାଦନ ପାଇଁ ଏକ ବଡ଼ କେନ୍ଦ୍ର ଥିଲା, କିନ୍ତୁ ପରବର୍ତ୍ତୀ ସରକାରମାନେ କୃଷକଙ୍କ ନାମରେ କ୍ଷୁଦ୍ର ରାଜନୀତି ଏବଂ ଦୁର୍ନୀତି ଯୋଗୁ କପା କୃଷକମାନଙ୍କୁ ଦୁର୍ଦ୍ଦଶା ଭିତରକୁ ଠେଲି ଦେଇଥିଲେ । ୨୦୧୪ରେ ଦେବେନ୍ଦ୍ର ଫଡନାଭିସ ସରକାର ଗଠନ ହେବା ପରେ ଏହି ସମସ୍ୟାର ସମାଧାନ କାର୍ଯ୍ୟ ଦ୍ରୁତ ଗତିରେ ଅଗ୍ରଗତି ହୋଇଥିଲା ବୋଲି ଶ୍ରୀ ମୋଦୀ ଆଲୋକପାତ କରିଥିଲେ । ଅମରାବତୀର ନନ୍ଦଗାଓଁ ଖଣ୍ଡେଶ୍ବରରେ ଏକ ଟେକ୍ସଟାଇଲ ପାର୍କ ନିର୍ମାଣ କରାଯାଇଥିଲା । ଯେଉଁଠାରେ କୌଣସି ଶିଳ୍ପ ନିବେଶ କରିବାକୁ ପ୍ରସ୍ତୁତ ନଥିଲେ, କିନ୍ତୁ ଆଜି ଏହା ସଫଳତାର ସହ ମହାରାଷ୍ଟ୍ର ପାଇଁ ଏକ ବଡ଼ ଶିଳ୍ପ କେନ୍ଦ୍ର ରେ ପରିଣତ ହେଉଛି ।

ପିଏମ ମିତ୍ର ପାର୍ଶ୍ଵରେ ଚାଲିଥିବା କାର୍ଯ୍ୟର ଗତି ଉପରେ ଆଲୋକପାତ କରି ଶ୍ରୀ ମୋଦୀ କହିଥିଲେ ଯେ ଡବଲ ଇଞ୍ଜିନ ସରକାରଙ୍କ ଇଚ୍ଛାଶକ୍ତି ପ୍ରଦର୍ଶନ କରାଯାଇଥିଲା । “ସମଗ୍ର ଭାରତରେ ୭ ପିଏମ ମିତ୍ର ପାର୍କ ପ୍ରତିଷ୍ଠା କରାଯିବ”, ଶ୍ରୀ ମୋଦୀ କହିଥିଲେ । ଫାର୍ମ କୁ ଫାଇବର, ଫାଇବର ଟୁ ଫେବ୍ରିକ୍, ଫେବ୍ରିକ୍ ଟୁ ଫ୍ୟାସନ୍, ଫ୍ୟାସନ୍ କୁ ଫରେନ୍‌ ର ସମ୍ପୂର୍ଣ ଚକ୍ର ଅର୍ଥାତ୍ ବିଦର୍ଭର କପାରୁ ଉଚ୍ଚମାନର କପଡ଼ା ତିଆରି କରାଯିବ ଏବଂ ଫ୍ୟାସନ୍ ଅନୁଯାୟୀ କପଡ଼ାରୁ ପ୍ରସ୍ତୁତ ପୋଷାକ ବିଦେଶକୁ ରପ୍ତାନି କରାଯିବ ବୋଲି ସେ କହିଛନ୍ତି। ଏହାଦ୍ବାରା କୃଷକମାନଙ୍କର କ୍ଷତିକୁ ରୋକାଯାଇପାରିବ ଏବଂ ସେମାନେ ସେମାନଙ୍କ ଫସଲର ଭଲ ମୂଲ୍ୟ ପାଇପାରିବେ କାରଣ ମୂଲ୍ୟ ବୃଦ୍ଧି ହେବ ବୋଲି ସେ ସ୍ପଷ୍ଟ କରିଛନ୍ତି । କେବଳ ପିଏମ ମିତ୍ର ପାର୍କରୁ ୮-୧୦ ହଜାର କୋଟି ଟଙ୍କାର ପୁଞ୍ଜିନିବେଶ ହେବାର ସମ୍ଭାବନା ଉପରେ ଆଲୋକପାତ କରି ଶ୍ରୀ ମୋଦୀ କହିଥିଲେ ଯେ ଏହା ବିଦର୍ଭ ଏବଂ ମହାରାଷ୍ଟ୍ରରେ ଯୁବକମାନଙ୍କ ପାଇଁ ଏକ ଲକ୍ଷରୁ ଅଧିକ ନୂତନ ନିଯୁକ୍ତି ସୁଯୋଗ ସୃଷ୍ଟି କରିବା ସହିତ ଅନ୍ୟ ଶିଳ୍ପଗୁଡ଼ିକୁ ମଧ୍ୟ ପ୍ରୋତ୍ସାହିତ କରିବାରେ ସହାୟକ ହେବ । ସେ ଆହୁରି ମଧ୍ୟ କହିଛନ୍ତି ଯେ ନୂତନ ଯୋଗାଣ ଶୃଙ୍ଖଳା ସୃଷ୍ଟି କରାଯିବ ଯାହା ଦେଶର ରପ୍ତାନିରେ ସହାୟକ ହେବ ଏବଂ ଆୟ ବୃଦ୍ଧି ପାଇବ । ଏହି ଶିଳ୍ପ ପ୍ରଗତି ପାଇଁ ଆବଶ୍ୟକ ଆଧୁନିକ ଭିରିଭୂମି ଏବଂ ଯୋଗାଯୋଗ ପାଇଁ ମହାରାଷ୍ଟ୍ର ପ୍ରସ୍ତୁତ ହେଉଛି ବୋଲି ଶ୍ରୀ ମୋଦୀ ଗୁରୁତ୍ୱାରୋପ କରିଥିଲେ । ଏଥିରେ ନୂଆ ରାଜପଥ, ଏକ୍ସପ୍ରେସ ୱେ, ସମୃଦ୍ଧି ମହାମାର୍ଗ ସହିତ ଜଳ ଓ ବିମାନ ସଂଯୋଗର ସମ୍ପ୍ରସାରଣ ଅନ୍ତର୍ଭୁକ୍ତ। “ମହାରାଷ୍ଟ୍ର ଏକ ନୂତନ ଶିଳ୍ପ ବିପ୍ଳବ ପାଇଁ ପ୍ରସ୍ତୁତ ହୋଇଛି”, ବୋଲି ଶ୍ରୀ ମୋଦୀ କହିଥିଲେ।

ରାଜ୍ୟର ବହୁମୁଖୀ ପ୍ରଗତିରେ ମହାରାଷ୍ଟ୍ରର କୃଷକମାନଙ୍କ ଭୂମିଳାକୁ ସ୍ବୀକାର କରି ସେ ଗୁରୁତ୍ୱାରୋପ କରିଥିଲେ ଯେ ଦେଶର ସମୃଦ୍ଧି କୃଷକମାନଙ୍କ ଖୁସି ସହିତ ଘନିଷ୍ଠ ଭାବରେ ଜଡ଼ିତ । କୃଷକଙ୍କ ସମୃଦ୍ଧି ବୃଦ୍ଧି ପାଇଁ ଡବଲ ଇଞ୍ଜିନ ସରକାର ମିଳିତ ଭାବେ କାର୍ଯ୍ୟ କରିବାକୁ ପ୍ରତିଶ୍ରୁତିବଦ୍ଧ ବୋଲି ସେ କହିଛନ୍ତି । ପିଏମ- କିଷାନ ସମ୍ମାନ ନିଧ୍ ଯୋଜନା ଅଧୀନରେ ନିଆ ଯାଇଥିବା ଗୁରୁତ୍ବପୂର୍ଣ ପଦକ୍ଷେପ ଉପରେ ଶ୍ରୀ ମୋଦୀ ଆଲୋକପାତ କରିଥିଲେ ଯେଉଁଠାରେ କେନ୍ଦ୍ର ସରକାର କୃଷକମାନଙ୍କୁ ବାର୍ଷିକ ୬,୦୦୦ ଟଙ୍କା ପ୍ରଦାନ କରନ୍ତି ଏବଂ ମହାରାଷ୍ଟ୍ର ସରକାର ସମାନ ରାଶି ଯୋଡି ବାର୍ଷିକ ୧୨,୦୦୦ ଟଙ୍କା ସହିତ କୃଷକଙ୍କ ଆୟ ବୃଦ୍ଧି କରନ୍ତି । ମାତ୍ର ୧ ଟଙ୍କାରେ ଫସଲ ବୀମା ପ୍ରଦାନ ଏବଂ କୃଷକଙ୍କ ପାଇଁ ବିଜୁଳି ବିଲ୍ ଛାଡ଼ କରିବାର ପଦକ୍ଷେପ ବିଷୟରେ ମଧ୍ୟ ପ୍ରଧାନମନ୍ତ୍ରୀ କହିଥିଲେ। ଏହି ଅଞ୍ଚଳର ଜଳସେଚନ ଆହ୍ୱାନ ଉପରେ ଆଲୋକପାତ କରି ପ୍ରଧାନମନ୍ତ୍ରୀ ମୋଦୀ ଦର୍ଶାଇଛନ୍ତି ଯେ ରାଜ୍ୟରେ ବର୍ତ୍ତମାନର ସରକାରଙ୍କ ପୂର୍ବ କାର୍ଯ୍ୟକାଳ ରେ ଆରମ୍ଭ ହୋଇଥିବା ପ୍ରୟାସକୁ ପ୍ରଶାସନ ବିଳମ୍ବ କରିଛି ।

ଆଜି ପ୍ରଧାନମନ୍ତ୍ରୀ ସୂଚନା ଦେଇଛନ୍ତି ଯେ ବର୍ତ୍ତମାନର ରାଜ୍ୟ ସରକାର ଏହି ପ୍ରକଳ୍ପ ଗୁଡିକୁ ପୁନରୁଦ୍ଧାର ଏବଂ ତ୍ବରାନ୍ବିତ କରିଛନ୍ତି । ସେ ନିକଟରେ ଅନୁମୋଦିତ ୮୫,୦୦୦ କୋଟି ଟଙ୍କାର ବନ-ରଙ୍ଗା ଏବଂ ନିଲ-ଗଙ୍ଗା ନଦୀ ସଂଯୋଗ ପ୍ରକଳ୍ପ ବିଷୟରେ ଉଲ୍ଲେଖ କରିଥିଲେ ଯାହା ନାଗପୁର, ୱାର୍ଦ୍ଧା, ଅମରାବତୀ, ୟବତମାଲ, ଅକୋଲା ଏବଂ ବୁଲଧାନା ଜିଲ୍ଲାର ୧୦ ଲକ୍ଷ ଏକର ଜମିକୁ ଜଳସେଚନ ଆଣିବାକୁ ଲକ୍ଷ୍ୟ ରଖିଛି।

ମହାରାଷ୍ଟ୍ରର କୃଷକମାନଙ୍କ ଦାବିର ସମାଧାନ ପାଇଁ ଆମ ସରକାର ପ୍ରତିଶ୍ରୁତିବଦ୍ଧ । ଏହି ଅଞ୍ଚଳର ପିଆଜ କୃଷକମାନଙ୍କୁ ତୁରନ୍ତ ଆଶ୍ବସ୍ତି ଦେବା ଉଦ୍ଦେଶ୍ୟରେ ପିଆଜ ଉପରେ ରପ୍ତାନି ଟିକସ ୪୦ ପ୍ରତିଶତ ରୁ ୨୦ପ୍ରତିଶତକୁ ହ୍ରାସ କରାଯାଇଥିବା ବିଷୟ ପ୍ରଧାନମନ୍ତ୍ରୀ ଉଲ୍ଲେଖ କରିଥିଲେ । ଆମଦାନୀ ହେଉଥିବା ଖାଇବା ତେଲର ପ୍ରଭାବରୁ ଘରୋଇ କୃଷକମାନଙ୍କୁ ସୁରକ୍ଷା ଦେବା ପାଇଁ ନିଆ ଯାଇଥିବା ପଦକ୍ଷେପ ବିଷୟରେ ମଧ୍ୟ ଶ୍ରୀ ମୋଦୀ ଆଲୋଚନା କରିଥିଲେ ଏବଂ କହିଲେ, ଆମେ ଖାଇବା ତେଲ ଆମଦାନୀ ଉପରେ ୨୦ ପ୍ରତିଶତ ଟିକସ ଲାଗୁ କରିଛୁ ଏବଂ ରିଫାଇଣ୍ଡ ସୋୟାବିନ୍, ସୂର୍ଯ୍ୟମୁଖୀ ଏବଂ ପାମ ତେଲ ଉପରେ ସୀମା ଶୁଳ୍କ ୧୨.୫ ପ୍ରତିଶତ ରୁ ୩୨.୫ ପ୍ରତିଶତ କୁ ବୃଦ୍ଧି କରିଛୁ। ଏହି ପ୍ରୟାସ ଖୁବଶୀଘ୍ର କୃଷି କ୍ଷେତ୍ର ପାଇଁ ସକାରାତ୍ମକ ଫଳାଫଳ ଆଣିବ ବୋଲି ସେ ଆଶା ପ୍ରକଟ କରିଛନ୍ତି । ପ୍ରଧାନମନ୍ତ୍ରୀ ମୋଦୀ ମଧ୍ଯ ମିଥ୍ୟା ପ୍ରତିଶ୍ରୁତି ନ ଦେବାକୁ ଚେତାବନୀ ଦେଇଛନ୍ତି ଏବଂ ତେଲଙ୍ଗାନାର କୃଷକମାନଙ୍କ ବିଷୟରେ ଉଲ୍ଲେଖ କରିଛନ୍ତି ଯେଉଁମାନେ ଆଜି ମଧ୍ୟ ରଣ ଛାଡ଼ ପାଇଁ ସଂଘର୍ଷ କରୁଛନ୍ତି। ସେ ମହାରାଷ୍ଟ୍ରର କୃଷକମାନଙ୍କୁ ସତର୍କ ରହିବାକୁ ଏବଂ ପ୍ରତାରଣାକାରୀ ପ୍ରତିଶ୍ରୁତି ଦ୍ବାରା ବିଭ୍ରାନ୍ତ ନ ହେବାକୁ ଅନୁରୋଧ କରିଛନ୍ତି ।

ପ୍ରଧାନମନ୍ତ୍ରୀ ମୋଦୀ ସମାଜରେ ବିଭାଜନ ସୃଷ୍ଟି କରିବାକୁ ଚାହୁଁଥିବା ଶକ୍ତି ଏବଂ ବିଦେଶରେ ଭାରତୀୟ ପରମ୍ପରା ଏବଂ ସଂସ୍କୃତିକୁ ଅପମାନିତ କରୁଥିବା ଶକ୍ତିମାନଙ୍କୁ ମଧ୍ୟ ଚେତାବନୀ ଦେଇଛନ୍ତି। ଲୋକମାନ୍ୟ ତିଲକଙ୍କ ନେତୃତ୍ବରେ ସ୍ବାଧୀନତା ସଂଗ୍ରାମ ସମୟରେ ଗଣେଶ ଉତ୍ସବ ଭାରତରେ ଏକତାର ପର୍ବ ପାଲଟିଥିବା କଥା ସେ ମନେ ପକାଇଥିଲେ ଯେଉଁଠାରେ ପ୍ରତ୍ୟେକ ସମାଜ ଏବଂ ବର୍ଗର ଲୋକ ମାନେ ଏକାଠି ହୋଇ ଉତ୍ସବ ପାଳନ କରିଥିଲେ । ପରମ୍ପରା, ପ୍ରଗତି ଏବଂ ସମ୍ମାନ ଓ ବିକାଶର ଏଜେଣ୍ଡା ସହିତ ଠିଆ ହେବାକୁ ସେ ନାଗରିକମାନଙ୍କୁ ଅନୁରୋଧ କରିଥିଲେ | ଆମେ ମିଳିମିଶି ମହାରାଷ୍ଟ୍ରର ପରିଚୟକୁ ରକ୍ଷା କରିବୁ ଏବଂ ଏହାର ଗୌରବବୃଦ୍ଧି କରିବୁ | ଆମେ ମହାରାଷ୍ଟ୍ରର ସ୍ୱପ୍ନ ପୂରଣ କରିବୁ ବୋଲି ମୋଦୀ କହିଛନ୍ତି।

ଅନ୍ୟମାନଙ୍କ ମଧ୍ୟରେ ମହାରାଷ୍ଟ୍ର ରାଜ୍ୟପାଳ ଶ୍ରୀ ସିପି ରାଧାକ୍ରିଷ୍ଣନ, ମହାରାଷ୍ଟ୍ର ମୁଖ୍ୟମନ୍ତ୍ରୀ ଶ୍ରୀ ଏକନାଥ ସିନ୍ଦେ, କେନ୍ଦ୍ର ମଧ୍ଯମ, କ୍ଷୁଦ୍ର ଏବଂ କ୍ଷୁଦ୍ର ଉଦ୍ୟୋଗ ମନ୍ତ୍ରୀ ଶ୍ରୀ ଜିତନ ରାମ ମାଞ୍ଜି, କେନ୍ଦ୍ର ଦକ୍ଷତା ବିକାଶ ଏବଂ ଉଦ୍ୟୋଗ ରାଷ୍ଟ୍ରମନ୍ତ୍ରୀ ଶ୍ରୀ ଜୟନ୍ତ ଚୌଧୁରୀ ଏବଂ ମହାରାଷ୍ଟ୍ରର ଉପମୁଖ୍ୟମନ୍ତ୍ରୀ ଏବଂ ଅଳିତ ପାୱାର ଉପସ୍ଥିତ ଥିଲେ ।

ଏହି କାର୍ଯ୍ୟକ୍ରମ ରେ ପ୍ରଧାନମନ୍ତ୍ରୀ ବିଶ୍ୱକର୍ମା ହିତାଧୁକାରୀଙ୍କୁ ସାର୍ଟିଫିକେଟ ଏବଂ ଋଣ ପ୍ରଦାନ କରିଥିଲେ । ଏହି ଯୋଜନା ଅଧୀନରେ କାରିଗରମାନଙ୍କୁ ପ୍ରଦାନ କରାଯାଇଥିବା ସହାୟତାର ପ୍ରତୀକ ସ୍ବରୂପ ସେ ୧୮ଟି ଟ୍ରେଡ୍‌ ଅଧୀନରେ ୧୮ ଜଣ ହିତାଧୁକାରୀଙ୍କୁ ପିଏମ୍ ବିଶ୍ବକର୍ମା ଅଧୀନରେ ଋଣ ବଣ୍ଟନ କରିଥିଲେ। ସେମାନଙ୍କର ଐତିହ୍ୟ ଏବଂ ସମାଜ ପ୍ରତି ସ୍ଥାୟୀ ଅବଦାନକୁ ଶ୍ରଦ୍ଧାଞ୍ଜଳି ସ୍ବରୂପ ସେ ପ୍ରଧାନମନ୍ତ୍ରୀ ବିଶ୍ବକର୍ମାଙ୍କ ଅଧୀନରେ ପ୍ରଗତିର ଏକ ବର୍ଷ ପୂର୍ତି ଅବସରରେ ଏକ ସ୍ମାରକୀ ଟିକଟ ଉନ୍ମୋଚନ କରିଥିଲେ ।

ପ୍ରଧାନମନ୍ତ୍ରୀ ମହାରାଷ୍ଟ୍ରର ଅମରାବତୀଠାରେ ପିଏମ୍ ମେଗା ସମନ୍ବିତ ଟେକ୍ସଟାଇଲ୍ ରିଜିୟତ୍ୱ ଆଣ୍ଡ୍ ଆପେରେଲ୍ (ପିଏମ୍ ମିତ୍ର) ପାର୍କର ଶିଳାନ୍ୟାସ କରିଛନ୍ତି। ୧୦୦୦ ଏକର ପରିମିତ ଏହି ପାର୍କକୁ ମହାରାଷ୍ଟ୍ର ଶିଳ୍ପ ଉନ୍ନୟନ ନିଗମ (ଏମଆଇଡିସି) ରାଜ୍ୟ କାର୍ଯ୍ୟକାରୀ ଏଜେନ୍ସି ଭାବରେ ବିକଶିତ କରୁଛି । ବୟନ ଶିଳ୍ପ ପାଇଁ ଭାରତ ସରକାର ୭ଟି ପିଏମ୍ ମିତ୍ର ପାର୍କ ପ୍ରତିଷ୍ଠା କୁ ମଞ୍ଜୁରୀ ଦେଇଥିଲେ ବୟନ ଶିଳ୍ପ ଉତ୍ପାଦନ ଏବଂ ରପ୍ତାନି ପାଇଁ ଭାରତକୁ ଏକ ବିଶ୍ବ ସ୍ତରୀୟ ହବ୍ ରେ ପରିଣତ କରିବା ଲକ୍ଷ୍ୟକୁ ସାକାର କରିବା ଦିଗରେ ପ୍ରଧାନମନ୍ତ୍ରୀ ମିତ୍ର ପାର୍କଏକ ପ୍ରମୁଖ ପଦକ୍ଷେପ । ଏହା ବିଶ୍ୱସ୍ତରୀୟ ଶିଳ୍ପ ଲିଲିଭୂମି ସୃଷ୍ଟି କରିବାରେ ସହାୟକ ହେବ ଯାହା ପ୍ରତ୍ୟକ୍ଷ ବିଦେଶୀ ପୁଞ୍ଜିନିବେଶ (ଏଫଡିଆଲ) ସମେତ ବୃହତ ପୁଞ୍ଜିନିବେଶକୁ ଆକୃଷ୍ଟ କରିବ ଏବଂ ଏହି କ୍ଷେତ୍ରରେ ଅଭିନବତା ଏବଂ ନିଯୁକ୍ତି ସୃଷ୍ଟିକୁ ପ୍ରୋତ୍ସାହିତ କରିବ ।

ପ୍ରଧାନମନ୍ତ୍ରୀ ମହାରାଷ୍ଟ୍ର ସରକାରଙ୍କ ‘ଆଚାର୍ଯ୍ୟ ଚାଣକ୍ୟ ଦକ୍ଷତା ବିକାଶ’ ଯୋଜନାର ଶୁଭାରମ୍ଭ କରିଥିଲେ । ୧୫ ରୁ ୪୫ ବର୍ଷ ବୟସର ଯୁବକଯୁବତୀଙ୍କୁ ତାଲିମଦେବା ସହ ଆତ୍ମନିର୍ଭରଶୀଳ ହେବା ସହ ବିଭିନ୍ନ ନିଯୁକ୍ତି ସୁଯୋଗ ହାସଲ କରିବା ପାଇଁ ରାଜ୍ୟର ନାମୀଦାମୀ କଲେଜରେ ଦକ୍ଷତା ବିକାଶ ପ୍ରଶିକ୍ଷଣ କେନ୍ଦ୍ର ପ୍ରତିଷ୍ଠା କରାଯିବା ରାଜ୍ୟରେ ପ୍ରତିବର୍ଷ ପ୍ରାୟ ୧ ଲକ୍ଷ ୫୦ ହଜାର ଯୁବକଯୁବତୀଙ୍କୁ ମାଗଣା ଦକ୍ଷତା ବିକାଶ ପ୍ରଶିକ୍ଷଣ ଦିଆଯିବ ।ପ୍ରଧାନମନ୍ତ୍ରୀ ‘ପୁଣ୍ୟଶ୍ଳୋକ ଅହଲ୍ୟାଦେବୀ ହୋଲକର ମହିଳା ଷ୍ଟାର୍ଟଅପ୍ ସ୍କ୍ରିମ୍’ର ମଧ୍ଯ ଶୁଭାରମ୍ଭ କରିଥିଲେ  । ଏହି ଯୋଜନା ଅଧୀନରେ ମହାରାଷ୍ଟ୍ରରେ ମହିଳାଙ୍କ ନେତୃତ୍ୱାଧୀନ ଷ୍ଟାର୍ଟଅପ୍ ଗୁଡ଼ିକୁ ପ୍ରାରମ୍ଭିକ ପର୍ଯ୍ୟାୟ ସହାୟତା ପ୍ରଦାନ କରାଯିବ ୨୫ ଲକ୍ଷ ଟଙ୍କା ପର୍ଯ୍ୟନ୍ତ ଆର୍ଥିକ ସହାୟତା ପ୍ରଦାନ କରାଯିବ | ଏହି ଯୋଜନାଅଧୀନରେ ମୋଟ ବ୍ୟବସ୍ଥାର ୨୫ ପ୍ରତିଶତ ସରକାରଙ୍କ ଦ୍ବାରା ନିର୍ଦ୍ଧାରିତ ପଛୁଆ ବର୍ଗ ଏବଂ ଅର୍ଥନୈତିକ ଦୁର୍ବଳ ବର୍ଗର ମହିଳାଙ୍କ ପାଇଁ ସଂରକ୍ଷିତ ରହିବ ଏହା ମହିଳାଙ୍କ ନେତୃତ୍ବାଧୀନ ଷ୍ଟାର୍ଟଅପ୍ ଗୁଡ଼ିକୁ ଆତ୍ମନିର୍ଭରଶୀଳ ଓ ସ୍ବାଧୀନ ହେବାରେ ସହାୟକ ହେବ ।