ପୋଷ୍ଟାଲ ନିଯୁକ୍ତି ଦୁର୍ନୀତି: ଓଡ଼ିଶାରେ ବଡ଼ ଧରଣର ସିବିଆଇ ରେଡ଼୍

ଓଡ଼ିଶା ଡାକ ବିଭାଗ ନିଯୁକ୍ତିରେ ବଡ଼ ଜାଲିଆତି ସାମ୍ନାକୁ ଆସିଛି। ଏନେଇ ସିବିଆଇ ଗୁରୁବାର ଦିନ ୬୭ରୁ ଅଧିକ ସ୍ଥାନରେ ରେଡ୍‌ କରିଥିବା ସୂଚନା ମିଳିଛି। ଏହି ରେଡ୍‌ରେ ସିବିଆଇର ୧୨୨ ଅଫିସରଙ୍କ ସହ ୨୦୪ ଅଫିସର ସାମିଲ ରହିଛନ୍ତି । କଳାହାଣ୍ଡି, ନୂଆପଡ଼ା, ରାୟଗଡ଼ା, ବାଲେଶ୍ବର, ଭଦ୍ରକ ଅଞ୍ଚଳରେ ଚାଲିଛି ରେଡ୍‌ ।

ସୂଚନା ମୁତାବକ, ପୋଷ୍ଟାଲ ସର୍ଭିସ ନିର୍ଦ୍ଦେଶକଙ୍କ ପକ୍ଷରୁ ସିବିଆଇରେ ଅଭିଯୋଗ ହୋଇଥିଲା । ପ୍ରାର୍ଥୀଙ୍କ ଭିତରୁ ୬୩ ଜଣ ଜାଲ୍‌ ସାର୍ଟିଫିକେଟ ଦେଇଥିବା ଅଭିଯୋଗ ଥିଲା । ସେଥିପାଇଁ ଡାକ ସେବକ ପରୀକ୍ଷା ଜାଲିଆତିରେ ୬୩ଜଣ ପରିକ୍ଷାର୍ଥୀ ଓ ଡାକ ବିଭାଗର କିଛି ଅଜ୍ଞାତ ଅଧିକାରୀଙ୍କ ନାମରେ ମାମଲା ରୁଜୁ ହୋଇଥିବା ସୂଚନା ମିଳିଛି।