ଭୁବନେଶ୍ୱରର ଆଇଗିଣିଆରେ ହୋର୍ଡିଂ ଭୁଶୁଡି ଯାଇ ଦୁଇ ଜଣଙ୍କ ମୃତ୍ୟୁ ଘଟଣାରେ ମୁଖ୍ୟମନ୍ତ୍ରୀ ମୋହନ ମାଝୀ ଦୁଃଖ ପ୍ରକାଶ କରିବା ସହ ଅନୁକମ୍ପା ରାଶି ଘୋଷଣା କରିଛନ୍ତି । ମୃତକଙ୍କ ପରିବାରକୁ ୪ ଲକ୍ଷ ଟଙ୍କା ଲେଖାଏଁ ଅନୁକମ୍ପା ରାଶି ଦେବାକୁ ସେ ନିର୍ଦ୍ଦେଶ ଦେଇଛନ୍ତି । ଏହି ରାଶି ମୁଖ୍ୟମନ୍ତ୍ରୀଙ୍କ ରିଲିଫ୍ ପାଣ୍ଠିରୁ ଦିଆଯିବ । ଗତକାଲି ଆଇଗିଣିଆ ଦୁର୍ଗାପୂଜା ମଣ୍ଡପ ପାଖରେ ଥିବା ହୋର୍ଡିଂ ବର୍ଷା ପବନରେ ଖସି ପଡ଼ିଥିଲା । ଫଳରେ ହୋର୍ଡିଂ ଖସି ପଡ଼ିବାରୁ ୨ ଜଣଙ୍କ ମୃତ୍ୟୁ ହୋଇଥିଲା । ମୃତକ ଦୁଇ ଜଣ ହେଲେ ସୁରେନ୍ଦ୍ର ଗୌଡ଼ ଓ ସଚିଦାନନ୍ଦ ପ୍ରଧାନ । ଖବର ପାଇ ଘଟଣାସ୍ଥଳରେ ପୁଲିସ ଓ ଅଗ୍ନିଶମ ବିଭାଗ ପହଞ୍ଚିଥିଲେ । ଏହି ଘଟଣାକୁ ନେଇ ଆଜି ଆଇଗିଣିଆରେ ପରିବାର ଓ ଅଞ୍ଚଳବାସୀ ରାସ୍ତା ଅବରୋଧ କରିଥିଲେ । ଫଳରେ ଜାତୀୟ ରାଜପଥ ଅବରୋଧ ହେବ ସହିତ ଉଭୟ ପଟେ ଗାଡ଼ି ଚଳାଚଳ କିଛି ସମୟ ପାଇଁ ବନ୍ଦ ହୋଇଯାଇଥିଲା । Post navigation Modi To Launch Cervical Cancer Vaccination Drive: ସର୍ଭାଇକାଲ୍ କ୍ୟାନ୍ସର ଟୀକାର ଶୁଭାରମ୍ଭ କରିବେ ମୋଦି Odisha Govt To Extend Token Validity: ଟୋକନ ସମୟ ସମାପ୍ତ ହୋଇଗଲେ ମଧ୍ୟ ୧୫ ଦିନ ବଢ଼ିବ ଅବଧି
