ମାଲକାନଗିରି ଜିଲ୍ଲାର ରାକାଲଗୁଡାକୁ କଂଗ୍ରେସ ଦଳର ବିଶିଷ୍ଟ ନେତୃବୃନ୍ଦଙ୍କ ସହିତ ପିସିସି ସଭାପତି ଭକ୍ତ ଚରଣ ଦାସ ପରିଦର୍ଶନ କରିବା ସହ ସାଧାରଣ ସଭାରେ ଉଦବୋଧନ ଦେଇଥିଲେ ତଥା ଗ୍ରାମବାସୀଙ୍କ ସହିତ ଆଲୋଚନା କରିଥିଲେ । ରାକାଲଗୁଡା ସଭାରେ ସଭାପତି ଦାସ କହିଥିଲେ ଯେ ସେ ୭୨ ମସିହାରେ ମୋଟୁରୁ ପଦଯାତ୍ରା କରିଥିଲେ । ପୀଡିତାଙ୍କ ପରିବାର ସହିତ ସାକ୍ଷାତ କରି ଏସପିଙ୍କୁ ଭେଟିଥିଲେ । ଦୋଷୀ କିଏ ସେତେବେଳେ ଆମେ କହିଥିଲୁ କିନ୍ତୁ ଆଜି ପର୍ଯ୍ୟନ୍ତ ଦୋଷୀ ଧରା ପଡିଲେ ନାହିଁ । ମାଲକାନଗିରି ଜିଲ୍ଲାରେ ଆଦିବାସୀଙ୍କ ପ୍ରତି ଅତ୍ୟାଚାର ହେଉଛି । ଦୁଷ୍କର୍ମ ଏବଂ ଗଣଦୁଷ୍କର୍ମ ଘଟୁଛି । ଏପରିକି ଛାତ୍ରାବାସରେ ମଧ୍ୟ ଦୁଷ୍କର୍ମ ହେଉଛି ଏବଂ ରାଜ୍ୟରେ ମଧ୍ୟ ଏ ସବୁ ଘଟଣା ବ୍ୟାପିବାରେ ଲାଗିଛି । ବିଜେପି ସରକାର ଆସିଲା ପରେ ନାରୀ ଅତ୍ୟାଚାର ବୃଦ୍ଧି ପାଇଛି । ଅଧିକାଂଶ ଦୁଷ୍କର୍ମ ଆଦିବାସୀ କିମ୍ବା ଦଳିତଙ୍କ ଉପରେ ହଉଛି । ଚିତ୍ରକୋଣ୍ଡା ଅଞ୍ଚଳର ଏକ ସ୍କୁଲରେ ଜଣେ ନାବାଳିକା ପ୍ରସବ କରିବା ଘଟଣା ସାମ୍ନାକୁ ଆସିଛି । ଏପରିକି ଖୋଦ ରାଜଧାନୀରେ ଦୁଷ୍କର୍ମ ଘଟଣା ଘଟୁଛି । ଏଥିପାଇଁ ଲୋକଙ୍କୁ ଜାଗ୍ରତ ହେବାକୁ ପଡିବ । ଜାଗ୍ରତ ହେଲେ ପ୍ରତିକ୍ରିୟା ହେବ ଏବଂ ହିଂସା ହେଲେ ପ୍ରତିହିଂସା ହେବ । କିନ୍ତୁ ପ୍ରତିହିଂସା ସଦଭାବପୂର୍ଣ୍ଣ କରିବା ଆବଶ୍ୟକତା ଅଛି । ହଜାର ହଜାର ଲୋକ ଜିଲ୍ଲାପାଳଙ୍କ ପାଖକୁ ଯିବେ, ନ୍ୟାୟର ଦାବି କରିବେ, ଏକଥା ସୋସିଆଲ ମେଡ଼ିଆରେ ବ୍ୟାପିବ ଏବଂ ଏହା ଏକ ଜନଆନ୍ଦୋଳନର ରୂପ ନେବ । ଭକ୍ତ ଦାସ ପୁଣି କହିଛନ୍ତି ଯେ, ଆଦିବାସୀଙ୍କ ପାଇଁ ସେ ବସ୍ତର, ଝାଡ଼ଖଣ୍ଡ ତେଲେଙ୍ଗାନା, ଆନ୍ଧ୍ର, ଗୁଜରାଟ ଆଦି ସ୍ଥାନରେ ଲଢ଼ିଛନ୍ତି । ଦଳିତ ହୋଇଥିଲେ ମଧ୍ୟ ଆଦିବାସୀଙ୍କ ପାଇଁ ଲଢ଼ିଛନ୍ତି । ଆଦିବାସୀ ହେଉଛନ୍ତି ଗାନ୍ଧୀଙ୍କର । ଗାନ୍ଧିଜୀ କହିଛନ୍ତି ଯେତେବେଳେ ସମାଜର ଶେଷ ବ୍ୟକ୍ତି ନ୍ୟାୟ,କର୍ମ, ସମ୍ମାନ ପାଇ ନାହାନ୍ତି ସେ ପର୍ଯ୍ୟନ୍ତ ଏ ଦେଶ କେବେ ଆଗକୁ ବଢ଼ି ପାରିବ ନାହିଁ । ଏଠାରେ ଘଟିଥିବା ହତ୍ୟା ଘଟଣା ଜଣେ ବ୍ୟକ୍ତିର କାର୍ଯ୍ୟ ନୁହେଁ । ଅନ୍ୟମାନେ କିଏ ସାମିଲ ହୋଇଥିଲେ ଏବଂ କାହିଁକି ସାମିଲ ହୋଇଥିଲେ ତାହା ଜାଣିବାର ଆବଶ୍ୟକତା ଅଛି । ଏବଂ ପୋଲିସ ଅପରାଧୀକୁ ଦଣ୍ଡ ଦେବା ତାର କର୍ତ୍ତବ୍ୟ । ଆଦିବାସୀଙ୍କ ମାଆଙ୍କ ହତ୍ୟାରେ ଯେଉଁ ମାନେ ସାମିଲ ଅଛନ୍ତି ସେମାନଙ୍କୁ ମଧ୍ୟ ଦଣ୍ଡ ଦେବା ଉଚିତ । ୨୦୦୬ ମସିହାରେ କଂଗ୍ରେସ ଆଣିଥିବା ଆଇନ ଅନୁଯାଇ ପଟ୍ଟା ଦିଆଯାଉ । ଆପଣ ଲଢନ୍ତୁ କଂଗ୍ରେସ ଆପଣଙ୍କ ସାଙ୍ଗେ ଲଢ଼ିବ ବୋଲି ସେ କହିଛନ୍ତି । ବଙ୍ଗାଳୀ ସମାଜକୁ ସମ୍ବୋଧନ କରି ଦାସ କହିଛନ୍ତି ଯେ ଆଦିବାସୀ ହଉଛି ମୂଳନିବାସୀ । ସେମାଙ୍କଠାରୁ ସମସ୍ତ ଜାତିର ସୃଷ୍ଟି । ସେମାନେ ଶହ ଶହ ବର୍ଷ ଧରି ଦୁଃଖକଷ୍ଟ ଓ ନିର୍ଯ୍ୟାତନାର ଶିକାର ହୋଇ ଆସୁଛନ୍ତି । ସେମାନେ ମାଟିର ମାଲିକ । ସମସ୍ତ ଜାତିର ଉନ୍ନତି ହେଇଛି କିନ୍ତୁ ଆଦିବାସୀ ଆଜି ବି ପଛୁଆ ଅଛନ୍ତି । ସେମାନେ ସରଳ ଓ ନିଷ୍କପଟ ସେମାନଙ୍କୁ ଉସକେଇବା ସହଜ । ଏହି ଘଟଣା କେବଳ ଜଣେ ଲୋକଙ୍କ ପାଇଁ ଗାଁ ନିନ୍ଦିତ ହେଲା । କିନ୍ତୁ ତା ପଛରେ କିଛି ଲୋକ ନିଶ୍ଚୟ ସାମିଲ ଅଛନ୍ତି । ଆପୋଷ ବୁଝାମଣକ୍ଷରେ ସମାଧାନ ହୋଇ ପାରିଥାନ୍ତା । ଏଭଳି ଘଟଣା ଘଟେ କିନ୍ତୁ ଏଭଳି ସ୍ଥିତିରେ ଧୈର୍ଯ୍ୟର ସହ ବିଚାର କରିବାକୁ ପଡେ । ଦୁଇ ଗୋଷ୍ଠୀଙ୍କ ମଧ୍ୟରେ ଶାନ୍ତିପୂର୍ଣ୍ଣ ସଦଭାବ ରହିବା କଥା । ବିଦ୍ରୋହ କରିବାର ଆବଶ୍ୟକତା ଅଛି କିନ୍ତୁ ତାହା ଶାନ୍ତିପୂର୍ଣ ହେବା ଉଚିତ ବୋଲି ଭକ୍ତ ଦାସ କହିଛନ୍ତି । Post navigation Medical Colleges & Hospitals In Odisha: ସ୍ୱାସ୍ଥ୍ୟ ବିଭାଗ କାର୍ଯ୍ୟକ୍ରମର ସମୀକ୍ଷା କଲେ ମୁଖ୍ୟମନ୍ତ୍ରୀ Tribes Advisory Council: ମୁଖ୍ୟମନ୍ତ୍ରୀଙ୍କ ଅଧ୍ୟକ୍ଷତାରେ ଜନଜାତି ଉପଦେଷ୍ଟା ପରିଷଦ ବୈଠକ ଅନୁଷ୍ଠିତ
