Vigilance Awareness: ଦୁର୍ନୀତିରେ ଯୁବ ଅଧିକାରୀଙ୍କ ସଂପୃକ୍ତି ନେଇ କ୍ଷୋଭ ପ୍ରକାଶ କଲେ ମୁଖ୍ୟମନ୍ତ୍ରୀ ମୋହନ ମାଝୀ

ଦୁର୍ନୀତି ନିବାରଣ ସଚେତନତା ସପ୍ତାହ କାର୍ଯ୍ୟକ୍ରମରେ କ୍ଷୋଭ ପ୍ରକାଶ କରିଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ। ଏହି ଅବସରରେ ସରକାରୀ ଅଧିକାରୀମାନଙ୍କୁ ପ୍ରଶ୍ନ କରିଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ଏହା ସହିତ ଯୁବପୀଢ଼ି ଦୁର୍ନୀତିରେ ଲିପ୍ତ ହେବା ନେଇ ମୁଖ୍ୟମନ୍ତ୍ରୀ ଚିନ୍ତା ପ୍ରକଟ କରିଛନ୍ତି ।

ଆଜିକାଲି ଯୁବ ଅଧିକାରୀମାନେ ଦୁର୍ନୀତିରେ ଲିପ୍ତ ହେବା ନେଇ ମୁଖ୍ୟମନ୍ତ୍ରୀ କ୍ଷୋଭ ପ୍ରକାଶ କରିଛନ୍ତି । ସରକାରୀ ଅଧିକାରୀ ହୋଇ ଲୋକଙ୍କ ସେବା କରିବାକୁ ସ୍ୱପ୍ନ ଦେଖୁଥିଲେ, ସ୍ୱଚ୍ଛ ସେବା ଦେବେ, ସଚ୍ଚୋଟତା ଏବଂ ସାଧୁତା ଅବଲମ୍ବନ କରିବେ ବୋଲି କହୁଥିଲେ, ତାହାର କମ୍ ପ୍ରତିଫଳିତ ଦେଖାଯାଉଛି । ଆଇଏଏସ୍ ଏବଂ ଓଏଏସ୍ ପରୀକ୍ଷାରେ ରାଙ୍କ୍ ରଖି ଖବରକାଗଜରେ ପ୍ରଶଂସିତ ହେଉଥିଲେ । ଯେଉଁ ଖବରକାଗଜରେ ପ୍ରଶଂସିତ ହେଉଥିଲେ ଦୁର୍ନୀତି କରିବା ପରେ ସେହି ଖବରକାଗଜରେ ତାଙ୍କର ଖବର ଆସୁଛି । ଯେଉଁମାନେ ଆମର ଆଦର୍ଶ ହୋଇଥାଆନ୍ତେ କେବଳ କିଛି ଟଙ୍କା ପାଇଁ ନିଜ ଆଦର୍ଶ ଆଉ ବିଚାରଧାରାକୁ ବିକ୍ରି କରି ଦେଉଛନ୍ତି । କିଛି ଟଙ୍କା ପାଇଁ ଆତ୍ମ ସମ୍ମାନକୁ ବିକ୍ରି କରିଦେଉଛନ୍ତି । ଏହାଦେଖି ରାଜ୍ୟବାସୀ ଚିନ୍ତିତ ହୋଇ ପଡୁଛନ୍ତି । ଏଭଳି ଅଧିକାରୀଙ୍କୁ ସାବଧାନ କରିଦିଅନ୍ତୁ, ଭିଜିଲାନ୍ସ କ୍ଷମା ଦେବନି, କି ଛାଡ଼ିବନି ।

ମୁଖ୍ୟମନ୍ତ୍ରୀ ରାଜ୍ୟସ୍ତରୀୟ ଦୁର୍ନୀତି ନିବାରଣ ସଚେତନତା ସପ୍ତାହରେ ମୁଖ୍ୟ ଅତିଥିଭାବେ ଯୋଗ ଦେଇ ପୁଣି ନିଜର ଆଭିମୁଖ୍ୟ ସ୍ପଷ୍ଟ କରିଛି । ଦୁର୍ନୀତି ପାଇଁ ସରକାର ଶୂନ୍ୟ ସହନଶୀଳତା ଗ୍ରହଣ କରିଛନ୍ତି ବୋଲି ମୁଖ୍ୟମନ୍ତ୍ରୀ ଦୋହରାଇଛନ୍ତି । ଦୁର୍ନୀତି ବ୍ୟବସ୍ଥାରେ ପ୍ରବେଶ କଲେ, ସାଧାରଣ ଲୋକଙ୍କ ଭରସା ଭାଙ୍ଗିବା ସହିତ ନ୍ୟାୟକୁ ବିକୃତ କରେ, ଦକ୍ଷତାକୁ କ୍ଷୁର୍ଣ୍ଣ କରେ ଏବଂ ଶାସନର ନୈତିକ ବୋଧକୁ ଦୁର୍ବଳ କରେ । ଦୁର୍ନୀତି ବିରୋଧରେ ଲଢ଼ିବା କର୍ତ୍ତବ୍ୟ ନୁହେଁ ବରଂ ନୈତିକ ଦାୟିତ୍ୱ ।

ପୁର୍ବ ସରକାରଙ୍କୁ ଟାର୍ଗେଟ କରି ମୁଖ୍ୟମନ୍ତ୍ରୀ କହିଛନ୍ତି ପୂର୍ବ ସରକାର କେରାଣ୍ଡି ମଉରାଳୀକୁ ଧରି ବାଳିଆ ରୋହି ଛାଡ଼ି ଦେଉଥିଲେ । କିନ୍ତୁ ଆମ ସରକାର ଭିଜିଲାନ୍ସକୁ ପୂର୍ଣ୍ଣ କ୍ଷମତା ଦେଇଛନ୍ତି । ୧୬ ମାସରେ IASଠୁ ଆରମ୍ଭ କରି ୭ ମୁଖ୍ୟ ଯନ୍ତ୍ରୀ ଧରାପଡ଼ିଛନ୍ତି । ୫ ତହସିଲଦାର, ୪ ବିଡିଓ, ୧୦ ପୋଲିସ ଅଧିକାରୀ, ଜଣେ DFO ଧରାପଡ଼ିଛନ୍ତି ।