ଭାରତ ସମେତ ସମସ୍ତ ଦେଶକୁ ମିଳିଲା ଆଶ୍ୱସ୍ତି; ସପ୍ତାହେ ପାଇଁ ସ୍ଥଗିତ ହେଲା ଟ୍ରମ୍ପଙ୍କ ଟାରିଫ୍ ପ୍ଲାନ୍

୭ ଦିନ ପାଇଁ ଭାରତ ସମେତ ସମସ୍ତ ଦେଶକୁ ମିଳିଲା ଆଶ୍ୱସ୍ତି । ଆମେରିକାର ୨୫ ପ୍ରତିଶତ ଟାରିଫ୍ ପ୍ଲାନ୍ ଏକ ସପ୍ତାହ ପାଇଁ ଘୁଞ୍ଚିଲା । ଆଜି ଲାଗୁହେବାକୁ ଥିବା ଟାରିଫ୍ ପ୍ଲାନ୍ ଆସନ୍ତା ଅଗଷ୍ଟ ୭ ତାରିଖରୁ ଲାଗୁ ହେବ । ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଦ୍ୱାରା ଘୋଷଣା କରାଯାଇଥିବା ବହୁଚର୍ଚ୍ଚିତ ପ୍ରତିଶୋଧମୂଳକ ଶୁଳ୍କ ଏକ ସପ୍ତାହ ପାଇଁ ସ୍ଥଗିତ ରଖାଯାଇଛି ।

ଟ୍ରମ୍ପ ସର୍ବାଧିକ ସିରିଆ ଉପରେ ୪୧ ପ୍ରତିଶତ, ଲାଓସ୍ ଓ ମିଆଁମାର ଉପରେ ୪୦ ପ୍ରତିଶତ, ସ୍ୱିଜରଲ୍ୟାଣ୍ଡ ଉପରେ ୩୯ ପ୍ରତିଶତ, କାନାଡା ଉପରେ ୩୫ ପ୍ରତିଶତ, ଭାରତ ଉପରେ ୨୫ ପ୍ରତିଶତ, ପାକିସ୍ତାନ ଉପରେ ୧୯ ପ୍ରତିଶତ, ବାଂଲାଦେଶ ଉପରେ ୨୦ ପ୍ରତିଶତ ଏବଂ ଆଫଗାନିସ୍ତାନ ଉପରେ ୧୫ ପ୍ରତିଶତ ଶୁଳ୍କ ଲଗାଇଥିଲେ। କିନ୍ତୁ ଏବେ ନୂତନ ଶୁଳ୍କକୁ ଗୋଟିଏ ସପ୍ତାହ ପାଇଁ ସ୍ଥଗିତ ରଖାଯାଇଛି। ହ୍ଵାଇଟ୍ ହାଉସ୍ ପକ୍ଷରୁ ଜାରି ଏକ କାର୍ଯ୍ୟକାରୀ ଆଦେଶରେ କୁହାଯାଇଛି ଯେ ଏହି ନୂଆ ଶୁଳ୍କ ଏବେ ଅଗଷ୍ଟ ୭ରୁ ଲାଗୁ ହେବ । ଏକ ସପ୍ତାହ ମହଲତ ଦ୍ୱାରା ପ୍ରଭାବିତ ଦେଶଗୁଡ଼ିକୁ ଆମେରିକା ସହିତ ବାଣିଜ୍ୟିକ ବୁଝାମଣା ପାଇଁ ଆଉ କିଛି ସମୟ ମିଳିପାରିବ ବୋଲି ଆଶା କରାଯାଉଛି ।