ଛତିଶଗଡ଼ ଏନକାଉଣ୍ଟରରେ ୧୨ ମାଓବାଦୀ ନିପାତ

ମାଓ ଦମନ ନେଇ ବଡ଼ ଅଭିଯାନ । ଛତିଶଗଡ, ବିଜାପୁରର ଜଙ୍ଗଲରେ ହୋଇଥିବା ଏନକାଉଣ୍ଟରରେ ଆଜି ସୁରକ୍ଷାବାହିନୀଙ୍କ ଦ୍ୱାରା ୧୨ ଜଣ ନକ୍ସଲ ନିହତ ହୋଇଛନ୍ତି ।

ବିଜାପୁର ଓ ତେଲେଙ୍ଗାନା ଜିଲ୍ଲା ସିମାନ୍ତରେ ମାଓବାଦୀଙ୍କ ବିରୋଧରେ ଯବାନମାନେ ବଡ଼ ଅପରେସନ ଚଳାଇଛନ୍ତି । ବର୍ତ୍ତମାନ ସୁଦ୍ଧା ସର୍ଚ୍ଚ ଅପରେସନ ଜାରି ରହିଥିବା ସୁଚନା ଦେଇଛନ୍ତି ବସ୍ତର ଆଇଜି ସୁନ୍ଦରରାଜ ପି. ।

ସୂଚନା ଅନୁଯାୟୀ, ସର୍ଚ୍ଚ ଅପରେସନ ସମୟରେ ମାଓବାଦୀଙ୍କ ତରଫରୁ ଆକ୍ରମଣ ହେବା ପରେ ସୁରକ୍ଷାବାହିନୀଙ୍କ ତରଫରୁ ଗୁଳି ବିନିମୟ ହୋଇଥିଲା ।