ସୁରକ୍ଷାକର୍ମୀ ଗୁଳିରେ ୭ ମାଓବାଦୀ ନିହତ

ଛତିଶଗଡ଼ ନାରାୟଣପୁର ଜିଲ୍ଲାର ସୀମାରେ ମାଓ-ସୁରକ୍ଷାକର୍ମୀ ମଧ୍ୟରେ ଗୁଳିବିନିମୟ । ରାତି ୩ଟାରୁ ଉଭୟ ପକ୍ଷରୁ ଗୁଳିବିନିମୟ ହୋଇଥିବା ସୂଚନା । ଏଥିରେ ଅନେକ ହାର୍ଡକୋର ନକ୍ସଲ ନିହତ ହୋଇଥିବା ବେଳେ ଏଯାଏ ଉଦ୍ଧାର ହେଲେଣି ୭ ମୃତଦେହ । ଆଗକୁ ଆହୁରି ମୃତଦେହ ମିଳିବାର ସମ୍ଭାବନା ରହିଥିବା ବେଳେ ଜଙ୍ଗଲରେ ସର୍ଚ୍ଚ ଅପରେସନ୍ ଜାରି ରହିଛି ।

ସୂଚନଯୋଗ୍ୟ; ଆଜି ଦନ୍ତେୱାଡ଼ା-ନାରାୟଣପୁର ସୀମାରେ ସୁରକ୍ଷାବାହିନୀ ତଲାସୀ ଅଭିଯାନ ଆରମ୍ଭ କରିଥିଲେ । ଦକ୍ଷିଣ ଅବୁଝମାଡ଼ ଜଙ୍ଗଲରେ ଡିଷ୍ଟ୍ରିକ୍‌ଟ ରିଜର୍ଭ ଗାର୍ଡ (ଡିଆରଜି), ସିଆରପିଏଫ୍ ଏବଂ ସ୍ପେଶାଲ୍ ଟାସ୍କ ଫୋର୍ସ (ଏସଟିଏଫ)ର ମିଳିତ ସର୍ଚ୍ଚ ଅପରେସନ୍ କରିଥିଲେ । ଉଭୟ ପକ୍ଷରୁ ଘମାଘୋଟ ଗୁଳି ବର୍ଷଣ ହୋଇଥିଲା । କିନ୍ତୁ ସୁରକ୍ଷାବାହିନୀଙ୍କୁ ସାମ୍ନା କରିପାରି ନ ଥିଲେ ମାଓବାଦୀ । ଶେଷରେ ଯବାନଙ୍କ ଏନକାଉଣ୍ଟରେ ଟଳି ପଡ଼ିଥିଲେ ମାଓବାଦୀ । ଜଙ୍ଗଲରୁ ୭ ଜଣ ମାଓବାଦୀଙ୍କ ଶବ ଉଦ୍ଧାର କରାଯାଇଛି ।