ପରଲୋକରେ କର୍ଣ୍ଣାଟକର ପୂର୍ବତନ ମୁଖ୍ୟମନ୍ତ୍ରୀ ଏସ୍‌ଏମ୍ କ୍ରିଷ୍ଣା

ସୂଚନା ଯୋଗ୍ୟ; ଏସ୍‌ଏମ୍‌ କ୍ରିଷ୍ଣା ୧୯୬୨ ମସିହାରେ ମଦ୍ଦୁର ବିଧାନସଭା ଆସନରୁ ସ୍ୱାଧୀନ ପ୍ରାର୍ଥୀ ଭାବରେ ବିଜୟୀ ହୋଇ ନିର୍ବାଚନ ରାଜନୀତିରେ କ୍ୟାରିୟର ଆରମ୍ଭ କରିଥିଲେ। କଂଗ୍ରେସରେ ଯୋଗ ଦେବା ପୂର୍ବରୁ ସେ ପ୍ରଜା ସୋଶାଲିଷ୍ଟ ପାର୍ଟି ସହ ଜଡ଼ିତ ଥିଲେ। ୧୧ ଅକ୍ଟୋବର ୧୯ରୁ ୨୮ ମଇ ୨୦୦୪ ପର୍ଯ୍ୟନ୍ତ ସେ କର୍ଣ୍ଣାଟକର ୧୬ତମ ମୁଖ୍ୟମନ୍ତ୍ରୀ ଥିଲେ । ଏସଏମ କ୍ରିଷ୍ଣା ୨୦୦୯ରୁ ୨୦୧୨ ପର୍ଯ୍ୟନ୍ତ ମନମୋହନ ସିଂହଙ୍କ ନେତୃତ୍ୱାଧୀନ ୟୁନାଇଟେଡ୍ ପ୍ରୋଗ୍ରେସିଭ୍ ଆଲାଏନ୍ସ (ୟୁପିଏ) ସରକାର ସମୟରେ ମହାରାଷ୍ଟ୍ରର ରାଜ୍ୟପାଳ ଏବଂ ବୈଦେଶିକ ବ୍ୟାପାର ମନ୍ତ୍ରୀ ଥିଲେ। ୨୦୧୭ ମାର୍ଚ୍ଚରେ ସେ ବିଜେପିରେ ଯୋଗ ଦେଇଥିଲେ ଏବଂ କଂଗ୍ରେସ ସହ ତାଙ୍କର ପ୍ରାୟ ୫୦ ବର୍ଷର ସମ୍ପର୍କଶେଷ କରିଥିଲେ। ଜାନୁଆରୀ ୨୦୧୭ରେ ସେ କଂଗ୍ରେସରୁ ଇସ୍ତଫା ଦେଇଥିଲେ। କୃଷ୍ଣା ଗତ ବର୍ଷ ଜାନୁଆରୀରେ ବୟସକୁ କାରଣ ଦର୍ଶାଇ ସକ୍ରିୟ ରାଜନୀତିରୁ ଅବସର ନେବାକୁ ଘୋଷଣା କରିଥିଲେ।

ଏହା ସହ ଭାରତୀୟ ରାଜନୀତିରେ ଉଲ୍ଲେଖନୀୟ ଅବଦାନ ପାଇଁ ଗତବର୍ଷ (୨୦୨୩)ରେ ତାଙ୍କୁ ଦ୍ବିତୀୟ ସର୍ବୋଚ୍ଚ ସମ୍ମାନ ‘ପଦ୍ମ ବିଭୂଷଣ’ରେ ସମ୍ମାନିତ କରାଯାଇଥିଲା ।