ଘରେ ପଶି ଓକିଲଙ୍କୁ ଏସିଡ୍ ମାଡ଼

ଓକିଲଙ୍କୁ ଏସିଡ୍ ମାଡ଼ । ଗଜପତି ଜିଲ୍ଲା ପାରଳାଖେମୁଣ୍ଡି ଟାଉନ ଥାନା ଅନ୍ତର୍ଗତ ଜଙ୍ଗମସାହିରେ ଆଇନଜୀବୀ ପି.ରାମାରାଓଙ୍କ ଉପରକୁ ଏସିଡ୍ ମାଡ଼ କରାଯାଇଛି । ଓକିଲଙ୍କ ଘରେ ପଶି ତାଙ୍କୁ ଏସିଡ୍ ମାଡ଼ କରାଯାଇଥିବା ଜଣାପଡ଼ିଛି । ବାଇକ୍‌ରେ ୨ ଜଣ ଦୁର୍ବୃତ୍ତ ଆସି ଏସିଡ୍ ମାଡ଼ କରିଥିବା ସୂଚନା ମିଳିଛି । ଆଇନଜୀବୀ ପି.ରାମାରାଓଙ୍କୁ ଗୁରୁତର ଅବସ୍ଥାରେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ତେବେ କିଏ ଓ କାହିଁକି ଏସିଡ ମାଡ଼ କରିଛନ୍ତି କିଛି ଜଣା ପଡ଼ି ନାହିଁ ।

ସୁଚନା ଅନୁସାରେ;  ପାରଳାଖେମୁଣ୍ଡି ଟାଉନ୍ ଥାନା ଜଙ୍ଗମସାହିରେ ରହୁଥିବା ଆଇନଜୀବୀ ପି.ରାମାରାଓ ଆଜି ଅପରାହ୍ନରେ ଘରେ ଥିବା ସମୟରେ କେହି ତାଙ୍କୁ ଘର ବାହାରେ ଡାକିଥିଲେ। ଏହାପରେ ଆଇନଜୀବୀ ଘର କବାଟ ଖୋଲିବା ସୟରେ ହେଲିମେଣ୍ଟ ପିନ୍ଧା ଦୁଇଜଣ ଦୃର୍ବୁତ୍ତ ତାଙ୍କ ଉପରକୁ ଏସିଡ ଫୋପାଡି ବାଇକ ଯୋଗେ ଘଟଣାସ୍ଥଳରୁ ଫେରାର ହୋଇଯାଇଥିଲେ। ସଙ୍ଗେ ସଙ୍ଗେ ଆଇନଜୀବୀଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ଘଟଣାସ୍ଥଳରେ ପୁଲିସ୍ ପହଞ୍ଚି ତଦନ୍ତ ଆରମ୍ଭ କରିଛନ୍ତି ।