ରାଜଧାନୀରେ ପୋଲିସକୁ ଛୁରାମାଡ଼; କନଷ୍ଟେବଳ ଆହତ

ରାଜଧାନୀ ଭୁବନେଶ୍ୱରରେ ତଦନ୍ତ ପାଇଁ ଆସିଥିବା ପିସିଆର ପୋଲିସ କର୍ମଚାରୀଙ୍କୁ ଛରାମାଡ଼ ହୋଇଛି। ମଞ୍ଚେଶ୍ବର ଥାନା ଚକେଇସିଆଣି ଶ୍ରୀରାମ ନଗରରେ ଏହି ଘଟଣା ଦେଖିବାକୁ ମିଳିଛି। ହର୍ଣ୍ଣ ମାରିବାକୁ ନେଇ ଗଣ୍ଡଗୋଳ ହୋଇଥିବା ବେଳେ ପୋଲିସ ଖବର ପାଇଥିଲା। ତେବେ ପୋଲିସ ଘଟଣାସ୍ଥଳରେ ପହଞ୍ଚିବା ପରେ ଦୁର୍ବୃତ୍ତମାନେ ଛୁରାମାଡ଼ କରିଥିଲେ। ଏହି ଛୁରାମାଡ଼ରେ ମଞ୍ଚେଶ୍ଵର ଥାନାର କନଷ୍ଟେବଳ ଗୋପୀ ସବର ଆହତ ହୋଇଛନ୍ତି। ଅଭିଯୁକ୍ତକୁ ଅଟକ ରଖି ପୋଲିସ ପଚରାଉଚରା କରୁଥିବା ବେଳେ ଅଧିକ ତଦନ୍ତ ଜାରି ରହିଛି।