କେରଳ ୱାୟନାଡରୁ ସଡ଼କ ପଥରେ ଓଡ଼ିଶା ଆସୁଛି ଡାକ୍ତର ଚିନାରାଙ୍କ ମୃତଦେହ

କେରଳ ୱାୟନାଡରୁ ଆଜି ଓଡିଶା ଆସୁଛି ଓଡ଼ିଆ ଡାକ୍ତର ବିଷ୍ଣୁ ପ୍ରସାଦ ଚିନାରାଙ୍କ ମୃତଦେହ। ଏଣେ ପୁଅକୁ ଶେଷ ଥର ପାଇଁ ଟିକିଏ ଦେଖିବାକୁ ଅନାଇ ବସିଛନ୍ତି ପରିବାର ଲୋକେ । ପୁଅର ମୃତ୍ୟୁ ଖବର ଶୁଣି ପାଇଁ ଦୁଃଖରେ ଭାଙ୍ଗି ପଡିଥିବା ପରିବାର ଓ ବନ୍ଧୁ ପରିଜନ । ଆଜି କେରଳରୁ ସଡ଼କ ପଥରେ ଡାକ୍ତର ବିଷ୍ଣୁ ଚିନାରାଙ୍କ ମୃତଦେହ ଓଡ଼ିଶା ଆସୁଛି ବୋଲି ସୂଚନା ଦେଇଛନ୍ତି ଓଡ଼ିଆ ଅଧିକାରୀ ଦିଲୀପ ରାଉତରାୟ । ସେ କହିଛନ୍ତି ବିମାନରେ ପାର୍ଥିବ ଶରୀର ନେବା ସମ୍ଭବ ହେଲାନି ସେଥିପାଇଁ ସଡ଼କ ପଥରେ ଯାଉଛି । ଚିନାରାଙ୍କ ପତ୍ନୀଙ୍କ ସ୍ୱାସ୍ଥ୍ୟାବସ୍ଥା ଭଲ ଅଛି, କାଲି ଡିସ୍‌ଚାର୍ଜ ହୋଇପାରନ୍ତି । ‘ଆଉ ଜଣେ ଆହତ ସ୍ୱୀକୃତି ଆଇସିୟୁରେ ଅଛନ୍ତି, ସ୍ୱାସ୍ଥ୍ୟାବସ୍ଥା ସ୍ଥିର । ଫୁସ୍‌ଫୁସ୍‌ରେ ସଂକ୍ରମଣ ହୋଇଛି, ସ୍ୱୀକୃତିଙ୍କ ଗୋଡ଼ ଭାଙ୍ଗିଛି । ନିଖୋଜ ଡାକ୍ତର ସ୍ୱାଧୀନଙ୍କ ଖବର ମିଳିନି, ପ୍ରଶାସନ ସହ ସମ୍ପର୍କରେ ଅଛୁ ।

ସୂଚନା ମୁତାବକ: ଡାକ୍ତର ବିଷ୍ଣୁପ୍ରସାଦଙ୍କ ଘର ପୁରୀ ଜିଲ୍ଲା ଗୋପ ବ୍ଲକ ଅନ୍ତର୍ଗତ ପରାଳ ଗ୍ରାମରେ । ସେ ଭୁବନେଶ୍ଵରର ଏକ ଘରୋଇ ହସ୍ପିଟାଲରେ ହାଉସ୍ ସର୍ଜନ ଭାବେ କାର୍ଯ୍ୟରତ ଥିବାବେଳେ ମେଡିସିନରେ ପିଜି କରୁଥିଲେ । ଜୁଲାଇ ୨୭ରେ ତାଙ୍କର ଜନ୍ମଦିନ ଥିଲା । ତେଣୁ ସେ ଡା. ବିଷ୍ଣୁଙ୍କ ସହ ତାଙ୍କର ବନ୍ଧୁ ଡା. ସ୍ୱାଧୀନ ପଣ୍ଡା ଓ ତାଙ୍କ ସ୍ତ୍ରୀ ସ୍ୱୀକୃତି ମହାପାତ୍ର ନିକଟରେ କେରଳ ବୁଲିବାକୁ ଯାଇଥିଲେ। ସେମାନେ ସମସ୍ତେ କେରଳର ୱାଇନାଡର ‘ଲିନର୍ରା ଭିଲ୍ଲା’ରେ ରାତ୍ରିଯାପନ କରିଥିବା ବେଳେ ରାତି ପ୍ରାୟ ୨ଟାରେ ହଠାତ୍‌‌ ପ୍ରବଳ ବର୍ଷା ସାଙ୍ଗକୁ ଭୂ-ସ୍ଖଳନ ଘଟିଥିଲା। ଏଥିରେ ଡା. ବିଷ୍ଣୁ ପ୍ରସାଦ ଓ ଡା. ସ୍ୱାଧୀନ ନିଖୋଜ ହୋଇଯାଇଥିଲେ। ସୌଭାଗ୍ୟବଶତଃ ଅଧ୍ୟାପିକା ପ୍ରିୟଦର୍ଶିନୀ ଓ ସ୍ୱୀକୃତି ଅଳ୍ପକେ ବର୍ତ୍ତିଯାଇଛନ୍ତି। କେରଳ ଭୟାବହ ଭୂ-ସ୍ଖଳନ ବିଭୀଷିକାରେ ନିଖୋଜ ଥିବା ଓଡ଼ିଶାର ୨ଜଣ ଡାକ୍ତରଙ୍କ ମଧ୍ୟ ବିଷ୍ଣୁପ୍ରସାଦ ମୃତଦେହ ଉଦ୍ଧାର କରାଯାଇଛି।