ଘଟଣାର ପୁନରାବୃତ୍ତି: ପୁଣି ରଥରେ ଚଢ଼ିଲେ ଅଣସେବାୟତ

ଶ୍ରୀଗୁଣ୍ଡିଚାରେ ରଥରେ ଦୁଇ ଅନଧିକୃତ ବ୍ୟକ୍ତି ଚଢି ଥିବାବେଳେ ବାହୁଡ଼ାରେ ଏହି ଘଟଣାର ପୁନରାବୃତ୍ତି ହୋଇଛି। ରଥରେ ପୁଣି ୨ ଜଣ ଅଣସେବାୟତ ଚଢିଥିବା ଜଣାପଡିଛି। ସେବାୟତ ବେଶରେ ଦର୍ପଦଳନ ରଥରେ ଚଢ଼ିଥିଲେ ଅଣସେବକ। ରଥରୁ ଓଲ୍ହାଇଲା ପ୍ରଶାସନ, କାର୍ଯ୍ୟାନୁଷ୍ଠାନ ହୋଇପାରେ। ମନ୍ଦିର ମୁଖ୍ୟ ପ୍ରଶାସକ ଅରବିନ୍ଦ ପାଢ଼ୀ ରଥ ଉପରୁ ଅଣସେବକମାନଙ୍କୁ ବାହାର କରିଥିବାର ଦେଖିବାକୁ ମିଳିଛି। ରଥ ଉପରୁ ସେମାନଙ୍କୁ ହାତ ଧରି ବାହାର କରିଛନ୍ତି ନିଜେ ମୁଖ୍ୟ ପ୍ରଶାସକ।