୫ ବର୍ଷରେ ବିଦ୍ୟୁତ ସଂସ୍ପର୍ଶରେ ଆସି ମୃତ୍ୟୁ ବରଣ କରିଛନ୍ତି ୨୭ ହାତୀ

୫ ବର୍ଷରେ ବିଦ୍ୟୁତ ସଂସ୍ପର୍ଶରେ ଆସି ହୋଇଛି ୨୭ ହାତୀଙ୍କ ମୃତ୍ୟୁ । ଏନେଇ ଆଜି ଆଜି ଗୃହରେ ଉତ୍ତର ରଖିଛନ୍ତି ଉପ ମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂହ ଦେଓ । ବିଜେଡ଼ି ବିଧାୟକ ଅରୁଣ ସାହୁଙ୍କ ପ୍ରଶ୍ନ ବିଜୁଳି ଆଘାତକାରଣରୁ ଟାଟା ପାୱାର ଡିସକମଗୁଡ଼ିକ ଅଧିନରେ ଗତ ୫ ବର୍ଷ ମଧ୍ୟରେ କେତୋଟି ହାତୀଙ୍କର ମୃତ୍ୟୁ ହୋଇଛି ?

ଏହାର ଉତ୍ତରରେ ଉପ ମୁଖ୍ୟମନ୍ତ୍ରୀ କହିଛନ୍ତି ଗତ ୫ ବର୍ଷରେ ବିଦ୍ୟୁତ ସଂସ୍ପର୍ଶରେ ଆସି ୨୭ ହାତୀଟି ମୃତ୍ୟୁବରଣ କରିଛନ୍ତି । ୨୦୨୪-୨୫ରେ ସର୍ବାଧିକ ୧୧ ଟି ହାତୀ ମୃତ୍ୟୁବରଣ କରିଥିବାବେଳେ ୨୦୨୩-୨୪ ବର୍ଷରେ ୨ଟି, ୨୦୨୨-୨୩ରେ ୧ ଟି, ୨୦୨୧-୨୨ରେ ୨ଟି ଓ ୨୦୨୦-୨୧ରେ ୧ଟି ହାତୀର ମୃତ୍ୟୁ ହୋଇଛି । କେବଳ ପଶ୍ଚିମ ଓଡ଼ିଶାରେ ୧୭ଟି ହାତୀଙ୍କର ମୃତ୍ୟୁ ହୋଇଛି । ସେହିପରି ଦକ୍ଷିଣ ଓଡିଶାରେ ବିଦ୍ୟୁତ ସଂସ୍ପର୍ଶରେ ଆସି ଗୋଟିଏ ହାତୀ ଓ ୯୧ ଜଣ ଲୋକଙ୍କ ମୃତ୍ୟୁ ହୋଇଥିବା ଜଣାପଡ଼ିଛି । ସେହିପରି କେନ୍ଦ୍ରୀୟ ଓଡ଼ିଶାରେ ବିଦ୍ୟୁତ ସଂସ୍ପର୍ଶରେ ଆସି ୧୬ ଜଣ ଲୋକଙ୍କ ମୃତ୍ୟୁ ହୋଇଛି । ଉତ୍ତର ଓଡ଼ିଶାରେ ବିଦ୍ୟୁତ ସଂସ୍ପର୍ଶରେ ଆସି ୯ଟି ହାତୀ ମୃତ୍ୟୁ ବରଣ କରିଛନ୍ତି

ଏଥିପାଇଁ ଦାୟୀ ଥିବା ୧୦୭ ଜଣ ଅଧିକାରୀଙ୍କ ବିରୁଦ୍ଧରେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି