ରାଜ୍ୟରେ ଅଛନ୍ତି ୨ ଲକ୍ଷ ୩୦ ହଜାର ୪୦୩ ଷଣ୍ଢ 

ବିଧାନସଭାରେ ଉଠିଲା ଷଣ୍ଢ ପ୍ରସଙ୍ଗ। ଆଜି ବିଧାନସଭା ଗୃହରେ କଂଗ୍ରେସ ବିଧାୟକ ତାରା ବାହିନୀପତିଙ୍କ ପ୍ରଶ୍ନ ରାଜ୍ୟର କେଉଁ ଜିଲ୍ଲାରେ କେତେ ଷଣ୍ଢ ଅଛନ୍ତି? ସେମାନଙ୍କ ସଂଖ୍ୟା କେତେ? ଆଉ ଷଣ୍ଢ ବଂଶର ବୃଦ୍ଧି ଲାଗି ମତ୍ସ୍ୟ ଓ ପ୍ରାଣୀ ସମ୍ପଦ ବିଭାଗ ପକ୍ଷରୁ କି ପଦକ୍ଷେପ ନିଆଯାଇଛି  ? ଏହାର ଉତ୍ତରରେ ପ୍ରାଣୀ ସମ୍ପଦ ମନ୍ତ୍ରୀ ଗୋକୁଳାନନ୍ଦ ମଲ୍ଲିକ କହିଛନ୍ତି ବର୍ତ୍ତମାନ ରାଜ୍ୟର ୩୦ଟି ଜିଲ୍ଲାରେ ଅଛନ୍ତି ୨ ଲକ୍ଷ ୩୦ ହଜାର ୪୦୩ ଷଣ୍ଢ। ଉନ୍ନତ ମାନର ଷଣ୍ଢ ପ୍ରଜନନ ପାଇଁ ହିମିକୃତ ଶୁକ୍ର ଭଣ୍ଡାର ବ୍ୟବହାର କରାଯାଉଛି ।

ସେ କହିଛନ୍ତି ଗତ ପ୍ରାଣୀ ଗଣନା ଅନୁସାରେ, ୨ ଲକ୍ଷ ୬୩ ହଜାର ୮୫୦ ଷଣ୍ଢ ଥିଲେ । ଯାହାକି ଏବେର ତୁଳନାରେ ୩୩ ହଜାରରୁ କମ୍। ଆଉ ବର୍ତ୍ତମାନ ଷଣ୍ଢଙ୍କ ସଂଖ୍ୟା ଅନୁଗୁଳରେ ୪୭୩୭୭, ବଲାଙ୍ଗିରରେ ୫୬୬୮, ବାଲେଶ୍ଵରରେ ୬୩୧୨, ବରଗଡ଼ରେ ୩୯୨୨, ବୌଦ୍ଧରେ ୩୯୬୩ , ଭଦ୍ରକରେ ୨୪୭୫, କଟକରେ ୩୭୪୬, ଦେବଗଡ଼ରେ ୨୩୯, ଢେଙ୍କାନାଳରେ ୧୯୪୩, ଗଜପତିରେ ୧୨୬୬୨, ଗଂଜାମରେ ୭୧୯୩ , ଜଗତସିଂପୁରରେ ୧୨୪୧, ଝାରସୁଗୁଡାରେ ୧୨୭୨, ଯାଜପୁରରେ ୧୯୯୦, କଳାହାଣ୍ଡିରେ ୬୭୯୪, କନ୍ଧମାଳରେ ୧୭୧୭୬, କେନ୍ଦୁଝରରେ ୪୮୪୦, କେନ୍ଦ୍ରାପଡ଼ାରେ ୧୫୧୭ ,ଖୋର୍ଦ୍ଧାରେ ୨୫୩୨ , କୋରାପୁଟରେ ୩୯୭୪୩ , ମାଲକାନଗିରିରେ ୧୯୨୨୧, ମୟୂରଭଞ୍ଜରେ ୧୩୪୭୯, ନବରଙ୍ଗପୁରରେ ୨୧୮୪୬, ନୟାଗଡ଼ରେ ୯୩୫, ନୂଆପଡ଼ାରେ ୨୭୯୮, ପୁରୀରେ ୨୫୭୪, ରାୟଗଡ଼ାରେ ୧୭୪୮୫, ସମ୍ବଲପୁରରେ ୨୬୯୫, ସୁବର୍ଣ୍ଣପୁରରେ ୩୪୮୨, ସୁନ୍ଦରଗଡରେ ୬୭୩୦ ଅଛନ୍ତି ।