ଆଜିର ସେୟାର ବଜାରରେ ଅଭିବୃଦ୍ଧି; କାଲି ଖସିଥିଲା, ଆଜି ବଢ଼ିଲା

ଗତକାଲି ସେୟାର ବଜାର ଖରାପ ଭାବରେ କ୍ରାସ୍ ହୋଇଥିବା ବେଳେ ଆଜି ବଜାରରେ ବୃଦ୍ଧି ହୋଇଛି। ଏସୀୟ ବଜାରରେ ବୃଦ୍ଧି ଯୋଗୁଁ ଷ୍ଟକ ବଜାରରେ ଏହି ବୃଦ୍ଧି ଘଟିଛି। ସେନସେକ୍ସ ୧୧୦୦ ପଏଣ୍ଟରୁ ଅଧିକ ଓ ନିଫଟି ପ୍ରାୟ ୩ ଶହ ପଏଣ୍ଟ ବଢ଼ିଛି। ଏହା ନିବେଶକଙ୍କୁ ଆଶ୍ଵସ୍ତ କରିଛି ।

ସୂଚନା ଯୋଗ୍ୟ; ଆଜି ସେନସେକ୍ସ ୧୧୭୫.୯୦ ପଏଣ୍ଟ ବୃଦ୍ଧି ସହିତ ୭୪,୩୧୩.୮୦ ପଏଣ୍ଟରେ ଖୋଲିଥିଲା। ସେହି ସମୟରେ, ନିଫ୍ଟିରେ ମଧ୍ୟ ବୃଦ୍ଧି ଦେଖିବାକୁ ମିଳିଥିଲା। ଏହା ୩୯୦ ପଏଣ୍ଟରୁ ଅଧିକ ବୃଦ୍ଧି ସହିତ୨୨,୪୪୬,୭୫ ରେ ଖୋଲିଥିଲା।

ଟାଇଟାନ୍ ସେୟାରରେ ସବୁଠାରୁ ଅଧିକ ବୃଦ୍ଧି ଦେଖାଯାଇଥିଲା। ବଜାର ଖୋଲିବାର ୧୫ ମିନିଟ୍ ମଧ୍ୟରେ, ଷ୍ଟକ୍ ୫ ପ୍ରତିଶତରୁ ଅଧିକ ବୃଦ୍ଧି ପାଇଥିଲା। ସେହି ସମୟରେ, ଅନେକ କମ୍ପାନୀର ସେୟାର ମଧ୍ୟ ହ୍ରାସ ପାଇଥିଲା। ଏଥିରେ ପାୱାର ଗ୍ରୀଡ୍, ନେସଲେ ଇଣ୍ଡିଆ ଇତ୍ୟାଦି କମ୍ପାନୀର ସେୟାର ଅନ୍ତର୍ଭୁକ୍ତ।

ମଙ୍ଗଳବାର ଏସୀୟ ବଜାରରେ ବୃଦ୍ଧି ଦେଖିବାକୁ ମିଳିଥିଲା। ଜାପାନର ନିକେଇ ୨୨୫ ଷ୍ଟକ୍ ମାର୍କେଟ ୬ ପ୍ରତିଶତ ରୁ ଅଧିକ ବୃଦ୍ଧି ପାଇଛି। ସୋମବାର ଏହା ପ୍ରାୟ ୮ ପ୍ରତିଶତ ହ୍ରାସ ପାଇଥିଲା। ୱାଲ ଷ୍ଟ୍ରିଟରେ ଅସ୍ଥିରତା ପରେ ଏହି ବୃଦ୍ଧି ଆସିଛି। ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଆମଦାନୀ ଶୁଳ୍କ ବୃଦ୍ଧି କରିବାକୁ ଧମକ ଦେବା ପରେ ଆମେରିକୀୟ ଷ୍ଟକ୍ ବଜାରରେ ବଡ଼ ହ୍ରାସ ଘଟିଛି।