Similipal Registers Minus 1°C: ଶିମିଳିପାଳରେ ମାଇନସ ୧ ଡିଗ୍ରୀକୁ ଖସିଲା ତାପମାତ୍ରା

ଦିନକୁ ଦିନ ରାଜ୍ୟରେ ଦିନକୁ ଦିନ ଖସୁଛି ପାରଦ, ବଢୁଛି ଶୀତ । ଶୁକ୍ରବାର ରାଜ୍ୟର ବିଭିନ୍ନ ସ୍ଥାନରେ ତାପମାତ୍ରା ଦ୍ରୁତ ଗତିରେ ହ୍ରାସ ପାଇବା ସହିତ ଓଡ଼ିଶାରେ ପ୍ରବଳ ଶୀତ ଲହରୀ ଜାରି ରହିଛି। ପ୍ରବଳ କୁହୁଡି ସାଙ୍ଗକୁ ହାଡ଼ଭଙ୍ଗା ଶୀତରେ ଥରୁଛି ମୟୁରଭଞ୍ଜ । ଶିମିଳିପାଳର ଜଙ୍ଗଲ ଘେରା ଅଞ୍ଚଳରେ ତାପମାତ୍ରା ଶୂନ୍ୟ ଡିଗ୍ରୀ ତଳେ ରେକର୍ଡ କରାଯାଇଥିବା ବେଳେ, ଝାରସୁଗୁଡାରେ ସାତ ଦଶନ୍ଧିରୁ ଅଧିକ ସମୟ ମଧ୍ୟରେ ସବୁଠାରୁ ଥଣ୍ଡା ରାତି ଦେଖିବାକୁ ମିଳିଛି।

ଗତ ଦୁଇ ଦିନଧରି ଶିମିଳିପାଳରେ ଶୂନ୍ ଡିଗ୍ରୀକୁ ତାପମାତ୍ରା ରେକର୍ଡ ହୋଇଥିବା ବେଳେ ଆଜି-୧ ଡିଗ୍ରୀକୁ ଖସିଛି ପାରଦ । ଚହଲା ଏବଂ ଗୁଡ଼ିଗୁଡ଼ିଆରେ ୨ ଡିଗ୍ରୀ ତାପମାତ୍ରା ରେକର୍ଡ କରାଯାଇଛି । ଏହା ସହ ଶିମିଳିପାଳର ବିଭିନ୍ନ ଅଞ୍ଚଳରେ ତୁଷାର ପାତ ଦେଖିବାକୁ ମିଳିଛି । ସେଲସିୟସ୍ ରେକର୍ଡ କରାଯାଇଛି। ସିମିଳିପାଳ ଅଞ୍ଚଳର ଅନ୍ୟ କେତେକ ସ୍ଥାନରେ ମଧ୍ୟ ରାତିର ତାପମାତ୍ରା କମ ରହିଛି, ଯାହା ଜଙ୍ଗଲ ଅଞ୍ଚଳରେ ପ୍ରବଳ ଥଣ୍ଡା ପରିସ୍ଥିତିକୁ ସୂଚିତ କରୁଛି।

ସିମିଳିପାଳର ବିଭିନ୍ନ ସ୍ଥାନରେ ରେକର୍ଡ କରାଯାଇଥିବା ସର୍ବନିମ୍ନ ତାପମାତ୍ରା ହେଉଛି:

ଉପର ବାରାହା କାମୁଡାରେ ମାଇନସ୍ ୧ ଡିଗ୍ରୀ ସେଲସିୟସ୍, ଚହାଲାରେ ୨ ଡିଗ୍ରୀ ସେଲସିୟସ୍, ଗୁରୁଗୁରିଆରେ ୨ ଡିଗ୍ରୀ ସେଲସିୟସ୍, ବରେହିପାନିରେ ୫ ଡିଗ୍ରୀ ସେଲସିୟସ୍, ରାମତୀର୍ଥରେ ୯ ଡିଗ୍ରୀ ସେଲସିୟସ୍, ସାତକୋସିଆରେ ୯ ଡିଗ୍ରୀ ସେଲସିୟସ୍, କିଆଝରୀରେ ୧୦ ଡିଗ୍ରୀ ସେଲସିୟସ୍ ରେକର୍ଡ କରାଯାଇଛି ।

ସେପଟେ ଝାରସୁଗୁଡ଼ାରେ ସକାଳ ୫ଟା ସୁଦ୍ଧା ୫.୬ ଡିଗ୍ରୀ ଛୁଇଁଲା ଝାରସୁଗୁଡ଼ା ତାପମାତ୍ରା । ସେହିପରି ରାଜଧାନୀରେ ପାରଦ ୧୧.୬ ଡିଗ୍ରୀ ଛୁଇଁଛି। ଆହୁରି ୧୫ ଦିନ ଯାଏ ପାଗ ଶୁଖିଲା ରହିବ । ଆଜି ଶୀତଲହରୀ ପାଇଁ ୧୧ ଜିଲ୍ଲା କୁ ୟେଲୋ ୱାର୍ଣ୍ଣିଂ ଜାରି ହୋଇଛି । ୧୨ତାରିଖରୁ ପୁଣି ବଢିବ କୁହୁଡ଼ି । ୧୪ ତାରିଖ ପର୍ଯ୍ୟନ୍ତ କୁହୁଡ଼ି ସହ କିଛି କିଛି ସ୍ଥାନରେ ଘନକୁହୁଡ଼ିର ସମ୍ଭାବନା ରହିଛି।